Ægir - 01.05.1995, Blaðsíða 40

ÍSLENSK VÖRUÞRÓUN H.F.
íslensk vöruþróun hf
„Þab er mín skoðun að línan geti
opnað fleiri möguieika og stækkað
kökuna og nú séu augu manna að
opnast fyrir þeim margvíslegu kost-
um sem hún býr yfir," sagði Jóhann
H. Bjarnason hjá Islenskri vöruþróun
hf. en það fyrirtæki hefur þróað
fyrsta fjölmælibúnaðinn fyrir línu-
veiðibáta sem hefur vakið verðskuld-
aða athygli meðal sjómanna og nýtur
vaxandi vinsælda.
Kerfið samanstendur af stjórnbúnaði
á spil, tölvubúnaði og gagnagrunni.
Átakið á línuna er mælt og viðvörun
gefin við ákveðin mörk og hraðinn
mældur í krókum á mínútu. Línan er
lengdarmæld og stöðugt skráð af hvaða
rekka er verið að draga og hve mikill afli
kemur á hvern rekka og allir fiskar eru
taldir og heildarfjöldi sést samstundis
eftir hverja veiðiferð og áætlað magn í
tonnum.
Með þessum búnaði er auðvelt að
halda mjög nákvæma veiðidagbók því
tölvan geymir mikið magn upplýsinga
um hverja veiðislóð, dýpi, staðsetningu,
fiskafjölda á hverjum rekka o.s.frv. Þetta
fæst sjálfvirkt með tengingu við GPS-
tæki og dýptarmæli. Upplýsingarnar er
auðvelt að skoða á margvíslegan hátt og
leitarmöguleikarnir aukast stöðugt.
Að sögn Jóhanns er augljóst að bún-
aður þessi, sem heitir LineTec 2000, eyk-
ur mjög arðsemi línuveiða þar sem
hraðastýring kemur í veg fyrir að fiskar
tapist af í drætti, nákvæm átaksmæling
Starfsmenn íslenskrar vöruþrónuar,
að framan frá vinstri: Jóhann H.
Bjarnason og Sigurbjörn Jónasson.
Að aftan frá vinstri: Arinbjörn V.
Clausen og Ketill Gunnarsson. Á
myndina vantar Jóhann H. Sveinsson.
minnkar hættu á sliti í festu, jafnar út
hreyfingar skipsins og markviss skráning
upplýsinga eykur nákvæmni veiðanna.
Síðast en ekki síst auðvelda línuveiðar
með þessum hætti könnun nýrra
veiðislóða. Tilkostnaður vegna veiðar-
færataps er minni við að þreifa fyrir sér á
úfnum botni og á miklu dýpi með línu
en trolli. Þetta kemur sérstaklega í ljós
þegar skip sækja í auknum mæli á lítt
kannaðar slóðir eins og t.d. á Reykjanes-
hrygg en nú er fyrsta línuskipið með
LineTec 2000 búnað farið til tilrauna-
veiða þar. Það er Jón Gunnar Helgason
útgerðarmaður og eigandi Jónínu Jóns-
dóttur SF sem leggur til skipið en íslensk
vöruþróun hf. leggur til fjölmælibúnað-
inn og nýjan stjórnbúnað við veiðarnar.
Norskur línuframleiðandi leggur til nýja
tegund af línu sem á að reyna.
„Komi í ljós að slíkar veiðar borgi sig
þá opnast stórt veiðisvæði fyrir stærri
hluta flotans en áöur," segir Jóhann.
„Við höfum lagt mikla áherslu á að
tölvubúnaðurinn sé sem allra notenda-
vinsamlegastur og auðveldur í um-
gengni. Þó tölvukunnátta sé orðin tals-
vert útbreidd þá skipir viðmótið miklu
máli og ég tel að það hafi tekist."
Línuveiðibúnaðurinn frá íslenskri
möguleika
vöruþróun hf. hefur þegar verið settur
um borö í nokkur skip eins og Skarf GK,
Kóp GK og báða Tjaldana sem teljast til
sérhæfðra línuveiðara og þar á meðal
argentískt 50 metra langt línuveiðiskip
sem fiskar á línu á 2.400 metra dýpi en
slíkt þætti nokkuð svaðalegt hér heima.
Norskt fyrirtæki hafði milligöngu um
sölu búnaðarins og norsk fyrirtæki sem
eru þau stærstu á sínu sviði í heiminum
fylgjast grannt með framleiðslu Is-
lenskrar vöruþróunar. Nú er verið að
setja upp LineTec línuveiðibúnað í
fyrsta stóra norska línuveiðarann.
íslensk vömþróun hefur einnig hann-
að mælibúnað fyrir togskip sem sam-
anstendur af átaksmælum sem fylgjast
með lengd og átaki á vírunum og trygg-
ir þannig hámarksopnun á trollinu og
eykur upplýsingastreymi til skipstjórn-
armanna. Þann búnað, TrawlTec 1500 er
hægt að nota með sama tölvubúnaði og
LineTec. Þeir félagar í íslenskri vöruþró-
un hf. hafa einnig leitt hugann að svip-
uðum búnaði fyrir dragnótaveiðar sem
nú eru stundaðar í vaxandi mæli.
TrawlTec er þegar komið um borð í 8
togara þar á meðal 7000 tonna rússnesk-
an úthafstogara og fjöldi fyrirspurna
liggur fyrir bæði frá íslenskum og er-
lendum aðilum sem hyggja á karfaveiö-
ar á Reykjaneshrygg. Búnaðurinn hentar
vel togbátum og togurum af öllum
stærðum á hefðbundnum fiskveiðum,
humarveiðum og rækjuveiðum.
íslensk vöruþróun hf. er rúmlega
tveggja ára gamalt fyrirtæki ungra ibn-
aöartækna sem allir útskrifuðust í iðn-
tæknifræbi úr Tækniskóla íslands. Þeir
hafa beint hugviti sínu að nýjum bún-
aði og að endurbótum á veiðarfærum.
„Okkar sérstaða felst í því að sami
búnaöurinn nýtist að miklu leyti við
mismunandi veibarfæri. Við viljum sér-
staklega koma á framfæri þökkum til
skipstjóra og fiskimanna sem hafa unn-
ið með okkur að þróuninni en án þeirra
hefbi þetta aldrei tekist. Þessir menn
hafa upp til hópa reynst okkur geysi-
vel." □
40 ÆGIR