Ægir - 01.05.1995, Blaðsíða 23

Verðþróun
Verð á þorski hefur hækkað um 6% að meðaltali milli
ára sé tekið tillit til allra löndunartegunda. Þannig var
verðið 68,76 kr/kg árið 1994 en var 64,82 kr/kg árið 1993.
Verðið var hins vegar 68,41 kr/kg árið 1992.
Meðaltalsverð á ýsu hefur hækkað lítillega milli ára sé
tekið tillit til allra löndunartegunda. Þannig hefur verðið
farið úr 78,41 kr/kg árið 1993 í 79,91 kr/kg áriö 1994.
Verðið var töluvert hærra árið 1992 eða 85,45 kr/kg.
Meðaltalsverð allra löndunartegunda ufsa hefur enn
hækkað milli ára og er það 35,18 kr/kg, samanborið við
32,73 kr/kg árið 1993. Meðalverðið var þó hærra árið
1992 eða 37,04 kr/kg.
Meðaltalsverö karfa (úthafskarfi undanskilinn) að
teknu tilliti til allra löndunartegunda hefur hækkað úr
71,07 kr/kg árið 1993 í 79,94 kr/kg árið 1994.
Verðþróun þessara tegunda á mörkuðum innanlands,
á ísfiskmörkuðum erlendis og í beinum viðskiptum út-
geröar og vinnslu er sýnd á meðfylgjandi myndum.
Fullvinnsla á humri um borð
í Danmörku þykir sæta nokkrum tíðindum að humar-
bátnum Susanne Jette frá Hanstholm hefur verið breytt í
frystiskip sem mun flokka og frysta allan humar um borð.
Susanne verður lengd um 4 metra og byggt yfir dekkið og
tækjakostur til frystingar settur um borð. Eftir breytingu
veröur Susanne 172 brúttótonn, 28,8 metra löng meö 580
ha. aðalvél. Humarinn verður flokkaður í fjóra stærðar-
flokka og lausfrystur og pakkað um borð. Þannig hefur
venjulegum humarbát, af svipaðri stærð og þekktir eru hér-
lendis, verið breytt í fullvinnsluskip sem skipar upp frosn-
um humri í neytendapakkningum.
(FiskeriTidende - mars 1995)
Hákarlinn er vinmargur
Komið hefur í ljós að í fjölmennum röðum dýravina á
hákarlinn fleiri vini en talið hefur verið. Ameríska kredit-
kortafyrirtækið American Express komst að þessu þegar
gerð var auglýsing fyrir greiðslukort þess. Auglýsingin var
látin gerast á rómuðum veitingastað í Hong Kong þar sem
hákarlsuggasúpa er meðal eftirsóttustu rétta á matseðlin-
um. Dýravinir mótmæltu hástöfum og sögðu að hákarl
væri drepinn með ómannúðlegum aðferðum og fram færi
gífurleg sóun við veiðarnar þar sem uggarnir væru það eina
sem væri hirt. Allt fjaðrafokið leiddi til þess að auglýsingin
verður aldrei sýnd og talsmenn American Express segjast
dauðsjá eftir öllu saman.
(Fiskaren-mars 1995)
ÆGIR 23