Ægir - 01.11.1995, Page 48

Lis Hansen leiðsagði greinarhöfund um sali Rahbekfisk og stendur hér við
pökkunarlínuna en í Rahbekfisk hefur handskurður á fiski verið aflagður.
Framleiðslulínan í gangi en þarna er verið að setja þorsk í steinseljusósu í
bakka fyrir Bretlandsmarkað. Meira en helmingur fisks sem fer til manneldis
er innfluttur.
Bökkunum pakkað í stóra kassa. Nýlega fjárfesti fyrirtækið í nýrri tækni fyrir
700 miiljónir ísl. kr. og það var einkum í búnaði í pökkunarsal.
norskum laxi en útflutningur Norð-
manna á þeim eðla fiski hefur vaxið í
stórum stökkum undanfarin ár.
Mikilvægi innflutningsins sést á því
að í fyrra flutti danskur fiskiðnaður inn
fisk fyrir rúma sjö milljarða danskra
króna en útflutningurinn var á sama
tíma 15,6 milljarðar króna.
Danir hafa notið þeirrar stöðu sinnar
að vera innan Evrópusambandsins.
Samningar við ríki utan sambandsins
hafa yfirleitt verið á þeim nótunum að
tollar hafa verið felldir niður af ferskum
fiski og flökum en ekki af fiski sem
meira er unninn. Nú eru hins vegar
blikur á lofti í þeim efnum því Evrópska
efnahagssvæðið og útvíkkun ESB hefur
valdið því að fleiri ríki hafa smeygt sér
undir tollmúrana.
Heimsókn í Rahbekfisk a/s
Ég heimsótti eitt af stærri fyrir-
tækjum í dönskum fiskiðnaði en það
heitir Rahbekfisk a/s og hefur höfuð-
stöðvar í Fredericia á Austur-Jótlandi.
Þetta fyrirtæki starfrækir þrjár vinnslu-
stöðvar. í Hirtshals á Norður-Jótlandi er
tekið á móti fiski sem berst þar á land
og hann flakaður. Þaðan er flökunum
ekið ýmist til Fredericia eða Kolding
sem er skammt sunnar á Jótlandi til
frekari vinnslu.
Rahbekfisk a/s er 40 ára gamalt fyrir-
tæki sem nú er að rnestu leyti í eigu
Englendinga. Það byrjaði í hefðbund-
inni flakafrystingu en er nú eingöngu í
framleiðslu fullbúinna fiskrétta sem
seldir eru í álbökkum beint í stórmark-
aði.
Alls vinna um 700 manns hjá fyrir-
tækinu en það velti 630 milljónum
danskra króna (rúmum sjö mill-
jörðum íslenskra króna) í fyrra. 96%
framleiðslunnar voru fiutt út og er
England stærsti markaður fyrirtæk-
isins. Þangað fer næstum helmingur
framleiðslunnar, stór hluti undir
merkjum verslanakeðja á borð við
Marks & Spencer. Afgangurinn er seld-
ur til Sviss og landa innan Evrópu-
sambandsins. Hráefnið kemur hvað-
anæva að úr heiminum, þar á meðal
frá íslandi en Rahbekfisk a/s kaupir
reglulega íslenska rækju. Mest er
48 ÆGIR