Ægir - 01.09.1997, Qupperneq 19

SAMLEIÐ MEÐ ÍSLENSKUM SJÁVARÚTVEOI
son, fiskimálastjóri og alla tíð síðan
hefur sitjandi fiskimálastjóri verið jafn-
framt ábyrgðarmaður Ægis og oftast
einnig titlaður ritstjóri ásamt starfs-
mönnum Fiskifélags íslands, þ.e. fram
til ársins 1992 þegar Ægir „fór að
heiman", þ.e. útgáfan færðist til aðila
utan félagsins þó Fiskifélagið væri eftir
sem áður eigandi og útgefandi blaðs-
ins.
Davíð Ólafsson gerði einnig þá
breytingu árið 1955 að nú kom Ægir út
hálfsmánaðarlega. Davíð gaf lesendum
þá skýringu á breytingunni að ritinu
væri ætlað að vera enn meiri vettvang-
ur fyrir fréttaefni úr sjávarútveginum,
bæði innanlands sem utan landstein-
ana. Jafnframt fréttahlutverkinu haldi
blaðið áfram að birta fræðandi greinar
um málefni sjávarútvegsins, efni
tæknilegs eðlis, aflaskýrslur, efni frá
rannsóknardeild Fiskifélagsins og efni
um haf- og fiskirannsóknir.
Útgáfunni var haldið áfram með
þessum hætti, þ.e. hálfsmánaðarlega,
allt fram til vors árið 1978. Þá þótti þá-
verandi ritstjórum, Má Elíssyni og
Jónasi Blöndal, sem þær öru breytingar
sem orðnar væru í fjölmiðlun hefðu
fellt úr gildi þær forsendur sem lágu að
baki útgáfu á hálfsmánaðarfresti. Tak-
markaðir kraftar sem til staðar séu inn-
an Fiskifélagsins til að vinna að útgáf-
unni komi einnig niður á efnisvali þeg-
ar svo ört sé gefið út.
Þar með var aftur horfið til mánað-
arlegrar útgáfu blaðsins.
Ægir fluttist „að heiman“
Við af Davíð Ólafssyni við ritstjórn
Ægis tók Már Elísson, fiskimálastjóri,
og ritstýrði blaðinu frá 1967 til 1983
ásamt Jónasi Blöndal, skrifstofustjóra
Fiskifélags íslands. Þá tók Þorsteinn
Gíslason við starfi fiskimálastjóra og
hann stýrði blaðinu til ársins 1993
ásamt ýmsum starfsmönnum Fiskifé-
lags íslands. Frá 1993 hefur Bjarni Kr.
Grímsson, fiskimálastjóri, verið rit-
stjóri og ábyrgðarmaður Ægis en eins
Kuldalegur Ægir í útliti
Þessi skemmtilegi haus á tímaritinu Ægi kom í ársbyrjun 1937 og verður ekki beint sagt
að hann sé hlýlegur en vissulega táknrænn fyrir óblíða veðráttu sem ekki hvað síst
sjómenn þurfa að glíma við. Svona var forsíða Ægis allt þar tii árið 1955.
HAGGLUNDS DRIVES
Vökvamótorar
Afl sem tekur lítið pláss. - Tengist beint á vindur eða
iðnaðarvélar. - Snúningsátak allt að 150.000 Nm.
Mótorar á lager.
Hönnum vökvakerfi. Viðgerðar og varahlutaþjónusta.
Spilverk -
Sig. Sveinbjörnsson ehf.
Skemmuvegi 8, Sími 544-5600 Fax: 544-5301
Mm 19