Ægir - 01.09.1997, Side 43

SAMLEIÐ MEÐ ÍSLENSKUM SJÁVARÚTVEGI
Togarar við bryggju í Tromsö. Magnús Þór telur að Norðmenn hafi ekki lengur áhuga á
að leysa deiluna um Smuguveiðar íslendinga.
Smuguna mun úthafsveiðisáttmáli SÞ
hafa tekið gildi. Samkvæmt ákvæðum
hans munu íslendingar kannski fá örfá
þúsund tonna í sinn hiut. Þetta eru
svartir spádómar og ég vona að ég hafi
rangt fyrir mér. Það hefur lengi verið
skoðun mín að við gerðum mikil mis-
tök með því að reyna ekki meira til að
ná samningum í fyrra. Fimmtán þús-
und tonna kvóti sem taka mætti við
Bjarnarey þegar mönnum hentaði, án
þess að viðurkenna yfirráð Norðmanna
við Svalbarða, hefði alls ekki verið
slæm skipti fyrir að hleypa nokkrum
norskum loðnubátum suður fyrir Hval-
bak á vetrarvertíð og láta Norðmenn
hafa einhvern rækjukvóta. Það var fá-
ránlegt að ímynda sér að staða okkar
leyfði einhverjar kröfur upp á 30.000
tonn og allt of mikil áhætta að halda
frjálsum veiðum áfram miðað við þau
teikn sem lágu fyrir í fyrra í vistfræði
Barentshafsins. Menn fá ekkert í kvóta-
samningum við önnur ríki nema láta
eitthvað í staðinn. Með samningum í
fyrra hefði skapast meiri friður í sam-
skiptum okkar við Norðmenn og
Rússa. Slíkt hefði greitt fyrir viðskipt-
um, t. d. leigu á kvótum frá Rússum,
sem hefði getað fært okkur umtals-
verðan heildarkvóta í Barentshafi."
Sjávarútvegur allt í
Norður-Noregi en nánast ekki
til í Suður-Noregi
Á íslandi líður varla sá fréttatími í ljós-
vakamiðlum að ekki sé minnst á sjáv-
arútveg á einhvern hátt. Mörgum er-
lendum gestum þykir þetta skrýtið en
Magnús Þór segir að í Norður-Noregi sé
þessu líkt háttað.
„Ég tók eftir því þegar ég kom hing-
að norður eftir að Norður-Noregur er
að mörgu leyti allt öðru vísi en Suður-
Noregur. Hér byggist allt á sjávarútvegi
og landbúnaði, eins og heima á ís-
landi, og hvergi hefur mér þótt fólk í
Noregi eins líkt íslendingum og þeir
sem hér búa. Lífsviðhorfin eru mjög lík
og lífsbaráttan mjög áþekk. Þetta er
gott fólk sem er að glíma við mjög
óblíð náttúruöfl og lifir af sjávarfangi
og því sem landið gefur. Á þann hátt er
þetta svæði mjög líkt íslandi.
Sunnar í Noregi skiptir fiskur hins
vegar litlu máli og fólki er alveg sama
um sjávarútveg. En það líður varla sá
fréttatími hér í svæðisstöðvum í út-
varpi og sjónvarpi að ekki sé fjallað um
fisk eða sjávarútveg."
Norsku nótaskipin
nútíma gullmolar
Líkt og á íslandi er mesti uppgangur-
inn í norskum sjávarútvegi í kringum
uppsjávarveiðarnar, sér í lagi síldveið-
Æ >ÉMÍÍ.
jÍEVTÍf^
Þrjú íslensk fyrirtæki
í samstarfi erlendis
Þrjú fyrirtæki í sjávarútvegi á ís-
landi hafa stofnað í sameiningu fyrir-
tæki til að sjá um fjárfestingar og
rekstur erlendis á sviði útgerðar,
landvinnslu og sölu sjávarafurða.
Fyrirtækið hefur fengið heitið Úthafs-
sjávarfang og verður megináhersla í
starfseminni á uppsjávarfisk. Eig-
endur Úhafssjávarfangs eru Sam-
herji hf., SR-mjöl hf. og Síldarvinnsl-
an hf.
Síldarvinnslan og SR-mjöl hafa á
undanförnum mánuöum átt samstarf
á sviði markaðs- og tæknimála og
Samherji hf. verið í viðskiptum við
báða aðila í löndun á uppsjávarfiski.
Með stofnun Úthafssjávarfangs tek-
ur það við verkefni sem Samherji ýtti
úr vör í Bandaríkjunum fyrr á þessu
ári, þ.e. rekstri tveggja togara með
vinnslubúnað fyrir síld og nrakríl en
þeir eru gerðir út frá austurströnd
Bandaríkjanna. Markmiðið er að Út-
hafssjávarfang horfi samhliða þessu
verkefni til víðtækari möguleika í
sjávarútvegi erlendis á sviði uppsjáv-
arfiska.
Forráðamenn íslensku fyrirtækj-
anna þriggja telja mikinn ávinning
af samstarfinu. í fyrirtækjunum sé að
finna víðtæka þekkingu á sjávar-
útvegi og markaðssetningu sjávar-
afurða og þau hafi verið leiðandi í
veiðum og vinnslu uppsjávarfiska. Sú
staðreynd og fjárhagslegur styrkur
þeirra eigi að gera nýja félaginu
kleift að takast á við stærri verkefni
en ella.
ÆGHR 43