Ægir - 01.10.1999, Page 35

SAMLEIÐ MEÐ ÍSLENSKUM SJÁVARÚTVEGI
Hafnamál - Hafnamál - Hafnamál - Hafnamál
Gjörbreyttar aðstæður í Grindavík
Dýpkun Grindavíkurhafnar er nú lokið en hún er liður í endurbótum á
hafnaraðstöðunni og innsiglingunni í bænum. Um er að ræða stærsta einstaka
verkið á hafnaáætlun 1999-2000, þ.e. dýpkun í gegnum Sundboðann og einnig
tilheyrir verkinu bygging brimvarnargarðs. Síðari hluti verksins verður unninn á
árunum 2001 og 2002.
Um dýpkun hafnarinnar sá sænska fyrirtækið Skanska Dredging sem bauð í
það 404 milljónir króna, eða 88,5% af kostnaðaráætlun. Miðað hafði verið við
að ljúka verkinu á næsta ári en öflugur vélakostur sænska fyrirtækisins gerði að
verkum að hægt var að ljúka framkvæmdum einu ári á undan áætlun!
í heild sinni þurfti að flytja burt um 200.000 rúmmetra af efni, fyrst og fremst
grjóti sem sprengt var úr klöpp á botni innsiglingarinnar.
Djúpavogshöfn í líkan
Hjá líkanstöð Siglingastofnunar er nú unnið að því að koma höfninni á
Djúpavogi í líkan. Ætlunin er að líkanið verði tilbúið fyrir áramót og í
framhaldinu verði gerðar tilraunir á breytingum hafnarmannvirkja.
Siglingastofnun hannar fyrir Norðmenn
í desember næstkomandi hefjast framkvæmdir við byggingu brimvarnargarðs
við Sirevag, sunnan Stavanger í Noregi. Siglingastofnun fslands kom að hönnun
garðsins og átti fstak aðild að lægsta tilboði í verkið. í garðinn fara yfir 600.000
rúmmetrar af sprengdu efni þannig að hér er um mikið mannvirki að ræða.
Á gúst Einarsson.
Sameining Stálsmiðjunnar
og Slippstöðvarinnar:
Ágúst hættir hjá
Stálsmiðjunni
Ágúst Einarsson hefur ákveðið
að láta af störfum sem framkvæmda-
stjóri Stálsmiðjunnar. Ákvörðunin
byggist á samrunaferli Stálsmiðjunn-
ar hf. og Slippstöðvarinnar hf.
Ágúst mun starfa áfram að ýms-
um verkefnum fyrir hið sameinaða
félag, meðal annars stofnun Dráttar-
brauta Reykjavíkur ehf., sem annast
mun rekstur dráttarbrautanna við
Mýrargötu.
Ákveðið hefur verið að stjórnar-
formaður Stálsmiðjunnar, Valgeir
Hallvarðsson stjórni félaginu á með-
an að á samrunaferli stendur en ný
stjórn hins sameinaða félags mun
ráða nýjan framkvæmdastjóra. Mið-
að er við að boða til hluthafafunda í
Slippstöðinni hf. og Stálsmiðjunni
hf. um miðjan nóvember og þar
verður samruni fyrirtækjanna end-
anlega ákveðinn. Búast má við að í
framhaldinu verði haldinn hluthafa-
fundur í sameinuðu félagi sem kýs
stjórn félagsins og mun hún ganga
endanlega frá ráðningu forstjóra fyr-
irtækisins.
Ekki hefur enn verið fundið nafn
á nýja fyrirtækið.
ÆGÍR 35