Árbók Háskóla Íslands - 01.02.1923, Síða 31

29
VIII. Doktorskjör.
Föstudaginn 12. janúar 1923 samþykti guðfræðisdeildin i
einu hljóði að gera:
vigslubiskup, sjera Valdimar Briem, R. af Fálkaorðunni
og R. af Dbr., doctor theologiae honoris causa á 75 ára af-
mæli hans, 1. febrúar 1923.
Um meir en þriðjung aldar hefir þjóð vor átt kost á að
lesa og læra hina ágætu sálma sjera Valdimars í sálmabók
vorri og hefir sungið þá í kirkjum og heimahúsum við
hvers konar guðræknisathafnir. Hafa sálmar þessir með hugs-
anaauði sínum, innileik og fegurð náð miklum tökum á
hugum fjölda manna meðal þjóðar vorrar, og munu þeir
reynast dýrmætur arfur ókomnum kynslóðum. En auk sálm-
anna i sálmabókinni hefir kirkja vor frá sjera Valdimar eign-
ast hin miklu Ijóðasöfn út af heilagri ritningu og fjölda ann-
ara sálma, er einnig munu varðveita nafn hins ágæta trúar-
skálds. — Fyrir allan þennan dýra fjársjóð sálma og andlegra
ljóða má kirkja vor og þjóð kunna miklar þakkir. Telur
guðfræðisdeildin sjera Valdimar hafa unnið kirkju vorri ómet-
anlegt gagn með trúarskáldskap sínum og vill minnast þess
með þakklæti á 75 ára afmæli hans með því að sæma hann
þeim hæsta heiðri, sem deildin ræður yfir.
IX Söfn háskólans.
Árið 1923 voru háskólanum veittar 5000 krónur til bóka-
kaupa og var sú fjárhæð notuð að fullu.
Eins og að undanförnu hafa og háskólauum borist ýmsar
bókagjafir, einkum frá háskólunum á Norðurlöndum og
frönsku stjórninni.