Ársrit Fiskifélags Íslands - 01.01.1933, Blaðsíða 10

8
Tafla 4. Hornafjörður 1932. Fjöldahlutfallið milli hænga og
hrygna (°/0 af hrygnum í hverjum stærðarflokki).
Stærð cm. 27. april 2. mai
100+ 98 98
90—99 80 81
80-89 74 45
70—79 50 20
69-f- 53 22
Meðaltal 83 °/0 80%
Fjöldi 266 453
d. Aldur. Eins og við er að búast, þegar litið er á stærðina,
var allur þorrinn af fiski þeim, sem veiddist á Hornafirði siðast-
liðna vertíð, mjög gamall. Því miður fjekk ég engar kvarnir úr þorski
þeim, sem veiddist í marz og fyrri hluta april-mánaðar, en þess
er áður getið, að líklega hafi megnið af honum verið 8 vetra, eftir
stærðinni að dæma. Sýnishornum þeim, sem tekin voru 27. april
og 2. maí, ber vel saman um hvaða árgangar hafi þá verið í afl-
anum, og hve mikið hafi borið á hverjum. Langmest var af 10
vetra gömlum fiski, og þó frekar meira í seinni mælingunni en í
þeirri fyrri. í fyrri mælingunni nam 10 v. þorskurinn tæplega 50°/0
af öllum aflanum, en í þeirri siðari nærri því 60°/0. Lítið var af
fiski yngri en 10 v., en talsvert af eldri árgöngum, og má þar
fyrst og fremst nefna þá tvo árganga, sem áður hafa reynst vet
í aflanum (fram undir 1930), þetta ár var annar þeirra (árg. 1919)
orðinn 13 ára en hinn (árg. 1917) 15. Hvergi hafa þessir árgangar
komið fram svo neinu nemi nema í kalda sjónum (Norðfirði, sjá
síðar), og á takmörkum hlýja og kalda sjávarins: i Hornafjarðar-
aflanum. Loks var allmikið af mjög gömlum þorski, eldri en 15 v.
(um ll°/0 sjá yfirlit 2).
e. Aflamagn. Því miður varð því ekki komið við að safna
aflaskýrslum á því formi, sem efnt var til í Vestmannaeyjum og
að nokkru leyti einnig á öllum hinum stöðvunum, svo ekkert
verður sagt um aflamagnið, miðað við fyrirhöfnina (fjöldi fiska á
1000 öngla). En eftir því, sem hr. Ólafur Sveinsson hefir sagt mjer,
hefir verið landburður af fiski siðari hluta vertíðarinnar, eftir að.
gamli fiskurinn fór að gera vart við sig.
f. Hrygning. Það ræður að líkindum, að í aflanum, sem berst
á land á Hornafirði, austustu veiðistöðinni við Gólfstraums-svæðið,
<