Sunna - 01.03.1933, Blaðsíða 31
S U N N A
191
Á Sunna að lifa?
Þegar Sunnu var hleypt af stokkunum, var það gert í trausti
þess, að þörf væri fyrir rit, sem gripi beint inn í skólastarfið
og námið, og gæti orðið nemöndum, kennurum og heimilum
að gagni. Sunna hefir nú átt þeim vinsældum að fagna, að
útgefendur hafa sannfærzt enn betur um, að þarna var skarð,
sem fylla þurfti.
Sunna hafði engan formála, en vill nú enda I. ár sitt með
nokkrum orðum til vina sinna og velunnara.
Fyrst og fremst þakka útg. hin afar mörgu og vinsamlegu
bréf og lofsamlegu ummæli, sem mjög hafa örfað til starfa.
Það hefir einnig glatt okkur mjög mikið, að fá fréttir af því,
að Sunna hafi gert gagn á ýmsan hátt. Sveinsgata hefir raun-
verulega verið gerð á tveimur stöðum, Olafsvík og Flúðum f
Árnessýslu. Margir hafa spurt um leir og sumir fundið hann
í heimahögum og notað. Fjöldi barna hefir eignazt bréfafé-
laga víðsvegar um land og í Færeyjum. Nokkrir hafa pantað
»hektografáhöld« og fjöldi hefir þakkað Sunnu fyrir stuðning
í skólastarfinu.
Útgáfa Sunnu hefir verið vönduð og I. árg. er ánægjuleg
lesbók og stór. En einmitt vegna þess, að útgáfan hefir verið
vönduð, bæði að myndum, pappír, prentun og frágangi öllum
hefir útgáfan orðið alldýr. Fyrsta árið er örðugast.
Nú er það undir ykkur komið, hvort Sunna á að lifa eða
ekki. Ef þið útvegið henni aðeins einn kaupanda hvert
vkkar, er henni borgið. Við treystum ykkur til þess að styðja
okkur í útgáfunni, ef ykkur finnst Sunna þess verð að lifa.
Segið okkur álit ykkar á þessu. Þið getið fengið Sunnu
senda, hvernær sem pantað er.
Sunna á mörg áhugamál og er nú sífellt að komast í ný
og góð sambönd, bæði utan lands og innan. Hún vill vera