Árbók Félags útvarpsnotenda - 01.01.1933, Side 35

úTVARPSÁRBóK
33
Landsfundur útvarpsnotenda.
Þó að útvarpsnotendur skifti nú orðið þúsundum
hjer á landi, og þó að svo megi heita, að þeir hafi
með sjer fjelagsskap og eigi gegn um hann að geta
haft áhrif á starfsemi útvarpsins, þá er samt ekki
því að leyna, að þeirra áhrifa gætir mjög lítið, og að
sama er hvað aflaga fer, hvernig fje rikisútvarpsins
er varið, þeir fát ekkert við því sagt, af því að þeir
eru dreifð hjörð og hafa ekkert tækifæri til þess
að ræða skoðanir sínar, nema þá ef vera kynni í
dagblöðunum, en sá vettvangur er að mörgu leyti
óheppilegur fyrir slík mál. Bæði er það, að hætt er
við að þau myndu hverfa innan um allan þann fjölda
annara inála, sem þar eru rædd, og eins er hitt,
að sama blaðið les ef til vill ekki nema lítill hluti
útvarpsnotenda. Aðfinslur sem koma fram í dag-
blöðum stjórnmálaflokkanna er einnig mjög auðvelt
að gera tortryggilegar með því að segja að þær sjeu
»pólitísk árás« — sbr. mál útvarpsstjórans, sem
»Morgunblaðið« hreyfði svo rækilega síðastliðið ár.
Útvarpsnotendur hafa vafalaust margar og mis-
munandi skoðanir á útvarpsmálefnum, og sjálfsagt
margar cndurbótatillögur, er þeir kynnu að óska að
gera, en þá vantar vettvang til þess að koma með
slíkar tillögur og aðfinslur á, og ræða þær. Auðvitað
myndi mánaðarrit, sem »Fjelag útvarpsnotenda« gæfi
út, bæta mikið úr þessari vöntun, en besta ráðið væri
þó að halda árlega landsfund útværvsnotenda, sem
sóttur yrði af öllum þeim útvarpsnotendum, er því
gætu við komið. Þeir, sem sökum fjarlægðar ættu