Búnaðarrit - 01.01.1957, Page 17
BÚNAÐARRIT
13
hita, sem þar er í jörð, sem nú er að mestu leyti not-
aður til að hita upp sjálfan höfuðstað landsins,
Reykjavík. Lengi áður en Bjarni Ásgeirsson kom að
Reykjum, var mönnum Ijóst, að í heitum kálgörðum
spratt bæði fyrr og betur en á köldu landi. En nú var
eins og það lægi í loftinu, að af jarðhitanum inætti
hai'a miklu betri not, ef byggð væru gróðurhús og
þau hituð upp við hann.
1923 hefst Bjarni handa um byggingu lítils gróður-
húss á Reykjum, og mun það vera fyrsta gróðurhús;
sem reist var á íslandi. Fyrir mína milligöngu réðist
þá til hans ágætur józkur maður, sem hét Jóhannes
Boeskov, og veitti hann garðyrkjunni forstöðu fyrir
Bjarna, þar til hann kom upp sinni eigin garðyrkju-
stöð og gróðurhúsum á Reykjum nokkrum árum
siðar.
Bygging hins fyrsta gróðurhúss táknar algjör táma-
mót í sögu garðyrkjununar á íslandi. Garðyrkja hafði
áður aðeins verið stunduð á köldu landi, eða heitu,
]>ar sem um jarðhita var að ræða, undir berum himni.
Menn stunduðu því aðeins garðyrkju hér frá vori til
hausts, þar til frost og illviðri skutu loku fyrir slík
störf. Yfir vetrarmánuðina varð garðyrkjumaðurinn
að leita sér annarrar atvinnu. Með tilkomu gróður-
húsanna á íslandi, verður garðyrkjan hér sjálfstæð
atvinnugrein, garðyrkjumennirnir verða sjálfstæð
stétt, sem þegar hefur orðið þýðingarmikil fyrir
þjóðarheildina. Þess vegna eiga þeir þökk og heiður
skilið, mennirnir, sem byggðu fyrstu gróðurhúsin á
íslandi, og er Bjarni Ásgeirsson þar í fremstu röð
með fyrsta húsið. Það var ekki stórt, þau voru það
ekki þau fyrstu, sem hér voru byggð, en um þau má
með sanni segja: Mjór er oft mikils vísir.
Sem fyrr var sagt, ávann Bjarni Ásgeirsson sér
fljótt vinsældir sveilunga sinna í Mosfellssveit, og
þar hefjast opinber störf hans. í 17 ár átti hann t. d.