Búnaðarrit - 01.01.1957, Page 212
208
BÚNAÐARRIT
og bera þess eindregið vott, að þeir séu komnir út
af ræktuðu fé. Lengra fram eru þeir taldir vera
af þingeysku fé. Sá þriðji var Mökkur á Sveinseyri.
Hann er djásn að gerð og líka sonur Prúðs frá
Kirkjubóli. Sá fjórði i röðinni var Sómi Guð-
mundar á Kirkjubóli, þar heimaailinn. Hann er
ágætur einstaklingur. Næslur honum var Spalcur
sama eiganda frá Neðri-Hjarðardal, sonur Eyris.
Spakur er prýðileg kind, lágfættur eins og faðir hans,
útlögumikill, bakbreiður og holdgóður. Bezti tvæ-
vetlingurinn var Spakur á Svcinseyri, metfé að gerð
og prýðilega vænn. Hann er sonarsonur Prúðs frá
Kirkjubóli. Næstur honum stóð Prúður í Höll, sonur
Prúðs frá Kirkjubóli, fagur hrútur og ágætum kost-
um búinn. Þriðji tvævetlingurinn var Atgeir á Kjar-
ansstöðum, frá Fremstu-Húsum í Mýrahreppi, vænn
hrútur, en hefur herðakamb í hærra lagi. Álitlegasti
veturgamli hrúturinn var Kolur í Húsatúni, þéttur
hrútur, en ekki þungur. Næstur honum stóð Jökull i
Meðaldal frá Kirkjubóli, þyngri hrútur en Kolur, en
ekki eins þéttholda. Sá þriðji var Spakur i Múla, álit-
leg kind. í hrútunum i Þingeyrarhreppi eru margir
injög kostamiklir einstaklingar, margir þeirra í röð
hinna allra bezlu í sýslunni. Það er augljóst mál, að
Prúður frá Kirkjubóli hefur verið frábær kynbóta-
kind, og víst má telja, að Kirkjubólsféð sé miklum
kostum búið. Frá Kirkjubóli og Múla hafa margar
ágætar kindur komið í fjárskiptin á undanförnum
árum. Nokkur galli er á ræktun fjár í Þingeyrar-
hreppi, að blandað hefur verið sanian í allstórum stíl
kollóttu fé og hyrndu. Sumir af beztu hrútunum eru
þannig ræktaðir. Bezta hyrnda féð í hreppnum er
upprunnið úr Suður-Þingeyjarsýslu, út af fé, sem
flutt var vestur fyrir 20—30 árum síðan. Það eru til
svo kostamiklar kindur i Þingeyrarhreppi, að auðvelt
ætti að vera að rækta þar upp ágælt fé.