Búnaðarrit - 01.01.1957, Page 217
BÚNAÐARRIT
213
í Örlygshöfn, en sýningar féllu niður vegna áhuga-
leysis og/eða illveðurs inni í Patreksfirðinum og á
Rauðasandi. Alls voru sýndir 28 hrútar, 20 fullorðnir,
sein vógu 91.6 kg og 8 veturgamlir, sem vógu 74.5 kg
að meðaltali og voru þvi jafnvænni en hrútar i öðrum
hreppum sýslunnar. Fyrstu verðlaun hlutu 9 hrútar
fullorðnir og 1 vcturgamall. Af þriggja vetra og eldri
hrútum var Prúður Guðmundar í Vatnsdal beztur.
Hann er metfé að gerð, prýðilega lioldþéttur, lág-
fættur og þungur, sjá töflu D. Næstur honum í þeim
aldursflokki stóð Stúi Helga á Hvallátrum, saman-
rekinn einstaklingur með frábært bak. Þriðji i röð-
inni var Glæsir í Kollsvík, sá fjórði Kópur í Efri-
Tungu frá Kvígindisfelli. Þeir eru báðir prýðilegir
einstaklingar. Óli séra Gríms í Sauðlauksdal frá Ivolls-
vík bar af tvævetru hrútunum. Hann er í senn þung-
ur, vel vaxinn, holdmikill og fríður, en fullháfættur.
Næstur honum í þessum aldursflokki stóð Gísli, sama
eiganda, en sá þriðji var Gráni Guðmundar í Vatns-
dal. Féð í Örlygshöfninni og allt inn að Sauðlauks-
dal virðist vera í mikilli framför, enda eru þar margir
áhugasamir um fjárræktina. Beztu hrútarnir eru svo
miklum kostum búnir, að það ætti að vera vanda-
lítið verlc að rækta upp mjög gott le í Rauðasands-
hreppi.
Barðastrandarhreppur. Þar var sýningin ekki nógu
vel sótt og hrútarnir mjög misjafnir. Alls voru sýndir
44 hrútar, 32 fullorðnir og 12 veturgamlir. Þcir fyrr-
nefndu vógu 88.3 kg, en þeir síðarnefndu 73.7 kg til
jafnaðar. Fyrstu verðlaun hlntu 14 hrútar fullorðnir
og 4 veturgamlir. Hringur Haraldar á Fossá har af
3 vetra og eldri hrútum. Hann er metfé, lágfættur,
þykkvaxinn, útlögumikill og þolslegur. Næstur hon-
um stóð Dropi Karls í Hvammi, ágætur einstaklingur.
Næstir þeim stóðu í þessum aldursflokki Valur á
Fossá, Þokki í Neðri-Rauðsdal, Högni á Harnri, Kollur