Búnaðarrit - 01.01.1957, Síða 356
352
BÚNAÐARRIT
ur. Vógu þau um haustið á fæti 51.5 kg og 41.0 kg.
Sex vetra átti hún 2 hrúta, er vógu hvor um sig 44.0
kg og voru báðir aldir upp og nú sýndir með móður
sinni veturgamlir. Nú sjö vetra var hún einlembd með
hrút, er vó 53 kg, sem er ágætt hrútsefni. Annar vetur-
gamli hrúturinn, Baldur í Hvammi, er mjög vel gerð-
ur I. verðlauna hrútur, en ekki þroskamikill, en
bróðir hans, Skjöldur í Hrísdal, hlaut II. verðlaun.
Hann er enn of gisholda á baki til þess að vera I.
verðlauna verður. öll hin afkvæmi Brúnar eru með
afbrigðum holdmikil.
Brún SM 220 hlaut I. verðlaun fyrir afkvæmi.
B. Iðunn SM 03, eign Gunnars Guðbjartssonar,
Hjarðarfelli, var keypt lamb frá Múla í Nauteyrar-
hreppi. Hún er hvít, kollótt, klettþung með frábærar
herðar og brjóstkassabyggingu, enda með óvenju
mikið brjóstummál, sjá töflu 11 B. Hún hefur einnig
ágætt bak, malir og læri. Synir hennar, Freyr, Adam
og Óðinn, eru allir prýðilega vel gerðir I. verðlauna
hrútar. Lambhrúturinn, sem nú fylgdi Iðunni, er
prýðilega vel gerður, en fremur þroskalítill, enda síð-
borinn. Dóttir Iðunnar, Eva, er vel gerð og góð afurða-
ær. Afkvæmin eru öll undan Múla SM III, sem nú
hlaut I. verðlaun fyrir afkvæmi, sjá töflu 10 B, og eru
því hreinræktuð af Múlastol'ni. Afkvæmin hafa verið
fremur seinþroska, e. t. v. vegna ol' náins skyldleika
foreldranna. Lambhrútarnir hafa vegið að meðaltali
að haustinu 43 kg. Afkvæmin bera með sér mikla kyn-
festu, enda alsystkin af ræktuðum stofni. Þau eru
öll hvít, kollótt með dökka hvarma og dálítinn brúsk
í enni. Þau hafa allgóða, vel hvíta ull. Afkvæmin eru
öll þéttvaxin og holdgóð og í þvi lík foreldrunum,
nema II. verðlauna hrúlurinn hefur of grófar malir.
Iðunn SM 93 hlaut I. verðlaun fijrir afkvæmi.