Heilbrigðismál - 01.06.1987, Blaðsíða 29

HEJLBR/GÐÍSMÁL / Jónas Ragnarsson
vegna skorts á starfsfólki í heil-
brigðisþjónustu, sem leitt hefur til
lokunar deilda og komið í veg fyrir
opnun nýrra sem tilbúnar eru að
öðru leyti. Þessi skortur á starfs-
fólki hefur og dregið úr möguleik-
um á ódýrari þjónustu svo sem
heimahjúkrun og heimilisaðstoð,
sem eru einn hagkvæmasti þáttur
heilbrigðisþjónustunnar. Nauðsyn-
legt er að taka bæði menntunarmál
og launamál þessara stétta til skoð-
unar í því skyni að bæta hér um.
Fagnað er gerð íslenskrar heil-
brigðisáætlunar að frumkvæði heil-
brigðisráðherra, sem byggð er á
markmiðum alþjóða heilbrigðis-
málastofnunarinnar um „heilbrigði
fyrir alla árið 2000" og fjallar um
heilsuvernd og varnir gegn sjúk-
dómum og slysum. Stuðlað skal að
heilbrigðu Iíferni og heilsurækt
m.a. með upplýsingum og hvatn-
ingu til almennings og kennslu í ís-
lenska skólakerfinu. Ahersla verði
lögð á baráttu gegn tóbaki, áfengi
og fíkniefnum. Virk þátttaka ein-
staklinganna sjálfra og vitund
þeirra um ábyrgð á eigin heilsu er
forsenda árangurs.
Heilsugæsla verði færð til sveit-
arfélaga enda verði þeim tryggðar
tekjur í því skyni. Við uppbyggingu
heilbrigðisþjónustu verði kostir
einkareksturs nýttir til fulls. ítrek-
aður er stuðningur við frjáls félaga-
samtök, sem starfa að heilbrigðis-
málum og lögð áhersla á að hlutur
þeirra verði aukinn.
Eyðni (alnæmi) er alþjóðlegt
vandamál sem virðist ætla að taka
sömu stefnu á íslandi og erlendis.
Styðja þarf af alefli allar mannúð-
legar aðgerðir til að hefta útbreiðslu
eyðni, einkum þarf að stórefla
fræðslu um sjúkdóminn og varnir
gegn honum.
Fagnað er umbótum í trygginga-
kerfinu, svo sem lengingu tíma
mæðralauna svo og mæðralaunum
vegna barna öryrkja í langtímavist-
un. Hvatt er til lögfestingar frum-
varps um lengingu fæðingarorlofs
og aukinn rétt heimavinnandi
kvenna og barna þeirra.
Nauðsynlegt er að endurskoða
jafnan upphæðir tryggingabóta,
þannig að t.d. örorkulífeyrir dugi til
framfærslu bótaþega. Bótakerfi
vegna slysatrygginga verði endur-
skoðað þannig að rauntjón hinna
slösuðu verði bætt. Heimavinnandi
fólk njóti bóta frá Tryggingastofn-
un ríkisins til jafns við aðra þjóðfé-
lagsþegna. Fyrningarfrestur vegna
umsókna um sjúkradagpeninga
verði lengdur.
Kannað verði hvort fjármagna
eigi lífeyris- og sjúkratryggingar
með iðgjöldum frá hinum tryggðu
og almannatryggingar gerðar fjár-
hagslega sjálfstæðar. Möguleikar á
frjálsri tryggingastarfsemi á þessu
sviði verði kannaðir og sérstaklega
hugmyndir um eflingu sjúkrasam-
laga sem stærri og sjálfstæðari
tryggingafélaga en þau eru nú.
G
Alþýðubandalagið
Samantekt eftir Svavar Gestsson for-
mann flokksins.
Við viljum láta verkin tala. Ætli
nokkur flokkur hafi sett meiri svip á
heilbrigðismál síðustu ára en Al-
þýðubandalagið því flokkurinn
hefur farið með yfirstjórn heilbrigð-
ismála tvisvar sinnum, það er 1971-
1974 og 1980-1983 eða samtals í lið-
lega sjö ár af sautján frá því að
heilbrigðis- og tryggingamálaráðu-
neytið varð til.
Dæmi um þessi mál:
1. Tvöföldun á elli- og örorkulíf-
eyri, sem er líka heilbrigðismál.
2. Sett ný lög um heilbrigðismál
sem tryggðu algjöra endurskipu-
lagningu þessa málaflokks meðal
annars með heilsugæslustöðvum,
en læknishéraðakerfið var lagt nið-
ur.
3. Tannlækningar teknar að hluta
inn í tryggingakerfið.
4. Jafnað lyfjaverð og lækkað verð
á lyfjum til aldraðra og öryrkja.
5. Sett heildarlöggjöf um málefni
aldraðra sem þegar hefur skilað
mörgum hundruðum nýrra rúma
HEILBRIGÐISMÁL 2/1987 29