Fréttablaðið - 28.12.2009, Page 2

2 28. desember 2009 MÁNUDAGUR
SAMGÖNGUMÁL Nokkuð hefur borið
á því að fólk keyri í óleyfi um
Héðinsfjarðargöng, að sögn Val-
geirs Bergmanns Magnússonar,
verkefnastjóra hjá Háfelli. Það
sé hættulegt, því þótt búið sé að
sprengja göngin verða þau ekki
tilbúin fyrr en næsta haust.
„Við höfum lent í því að fólk
hefur verið að smygla sér þarna í
gegn þegar við erum á staðnum,
en það er meira um það að fólk
sé að fara í gegn þegar við erum
ekki,“ segir Valgeir. Oft hafi
starfsmenn orðið varir við hjólför
eða önnur ummerki þegar komið
er til vinnu.
Hann segir einstaka sinnum
hafa staðið þannig á að fólk hafi
fengið að fara í gegnum göngin í
fylgd starfsmanna. Það sé hins
vegar mjög hættulegt þegar fólk
fari um göngin í óleyfi. „Það er
ekki komin endanleg styrking
á allt þannig að það getur enn
hrunið úr loftinu. Þetta er enn þá
vinnusvæði.“ Enn á einnig eftir
að vinna við vegagerð, fráveitu-
skurði og frágang á vatnsaga.
Auk þess segir hann aðstæður
í Héðinsfirði geta verið hættu-
legar. „Ef það er til dæmis snjó-
söfnun við Héðinsfjörð og fólk fer
út af þá er ekkert símasamband
þar.“
Valgeir segir að orðrómur hafi
komið upp um að það stæði til
að hafa göngin opin milli jóla og
nýárs, því þá verði ekki unnið í
göngunum. Það sé þó alls ekki
rétt. „Það væri enn þá hættu-
legra, því þarna verður enginn
fyrr en eftir áramót.“ Vegagerð-
in hefur því ákveðið að loka göng-
unum tryggilega fram til 4. jan-
úar. Ráðstafanir verða þó gerðar
til að opna þau í neyðartilfellum
fyrir lögreglu, sjúkraflutninga og
slökkvilið, ef svo ber undir.
thorunn@frettabladid.is
HÉÐINSFJARÐARGÖNG
Héðinsfjarðargöng liggja annars vegar milli Siglufjarðar og Héðinsfjarðar
og hins vegar á milli Héðinsfjarðar og Ólafsfjarðar. Heildarlengd ganganna
er rúmlega ellefu kílómetrar, en þau stytta leiðina milli Siglufjarðar og
Ólafsfjarðar talsvert. Leiðin um Lágheiði styttist úr 62 kílómetrum og um
Öxnadalsheiði styttist úr 234 kílómetrum í fimmtán kílómetra.
Í óleyfi um ókláruð
Héðinsfjarðargöng
Mikið hefur verið um að fólk keyri í leyfisleysi í gegnum Héðinsfjarðargöng.
Göngin eru ekki tilbúin og það getur verið stórhættulegt að keyra í gegnum
þau og um millikaflann um Héðinsfjörð, að sögn verkefnastjóra ganganna.
ÚR GÖNGUNUM Þótt nú sé búið að sprengja í gegn eru göngin ekki tilbúin fyrir
umferð.
Hrafnkell Kristjánsson,
íþróttafréttamaður á Ríkisút-
varpinu, er
látinn.
Hrafnkell
lenti í alvar-
legu bílslysi
á Hafnar-
fjarðarvegi
18. desem-
ber. Tveir
aðrir létu
lífið í slys-
inu. Hrafn-
kell hafði legið þungt haldinn
á Landspítalanum og lést á
jóladag.
Hrafnkell var 34 ára gamall
og lætur eftir sig konu og tvö
börn.
Lést eftir bílslys
HRAFNKELL
KRISTJÁNSSON
ÍRAN, AP Fjórir mótmælendur voru skotnir til bana í
Teheran, höfuðborg Írans, í gær. Meðal hinna látnu
var frændi stjórnarandstöðuleiðtogans Mirs Hoss-
eins Mousavi, að sögn breska ríkisútvarpsins. Tugir
særðust og um þrjú hundruð manns voru handteknir
í mótmælunum.
Um þessar mundir halda sjía-múslimar hátíð til
minningar um spámanninn Imam Hussein. Stjórnar-
andstaðan hefur notað hátíðisdaga undanfarna mán-
uði til þess að mótmæla, og var mótmælt í að minnsta
kosti fjórum borgum landsins í gær. Til átaka kom á
öllum stöðum.
Mótmælendur köstuðu steinum í lögreglumenn og
kveiktu í mótorhjólum og bílum lögreglunnar. Lög-
reglan reyndi að dreifa mótmælendum með táragasi
og með því að skjóta viðvörunarskotum í loftið. Því
næst var skotið á fólk.
Lögregla í Teheran hefur neitað því að fólk hafi
látið lífið. Ekki hafi verið skotið á mótmælendur og
lögreglumenn á vakt hafi ekki einu sinni borið skot-
vopn. Átökin í gær voru þau blóðugustu síðan mót-
mælin stóðu sem hæst í júní síðastliðnum. - þeb
Blóðug átök lögreglu og mótmælenda í Íran þar sem fjórir létu lífið:
Mótmælendur skotnir til bana
KVEIKT Í Mótmælendur kveiktu elda til að loka götum í borg-
inni Teheran í gær. FRÉTTABLAÐIÐ/AP
EFNAHAGSMÁL Tveir af fimm nefnd-
armönnum peningastefnunefndar
Seðlabankans kusu gegn tillögu
seðlabankastjóra um 0,5 prósentu-
stiga lækkun aðhalds peninga-
stefnu bankans. Þetta kemur fram í
nýbirtri fundargerð peningastefnu-
nefndarinnar fyrir síðustu vaxta-
ákvörðun sem var 10. desember.
Þeir tveir sem á móti voru vildu
taka smærri skref og ekki minnka
aðhald peningastefnunnar um
nema 0,25 prósentustig. „Þessir
tveir nefndarmenn héldu því fram
að enn væru nokkur afar mikilvæg
mál óleyst sem gætu leitt til hækk-
andi áhættuálags á fjárskuldbind-
ingar í krónum. Lausn Icesave-
deilunnar, sem væri forsenda þess
að hægt væri að skýra skuldastöðu
hins opinbera, væri enn ekki í höfn
og ekki væri ennþá búið að afgreiða
fjárlög fyrir árið 2010. Einn nefnd-
armaður var þar að auki þeirrar
skoðunar að verðbólguhorfur til
skemmri tíma væru enn nokkuð
óvissar.
Því væri ekki hægt að horfa
algerlega fram hjá hættunni af
annarrar umferðar áhrifum á verð-
bólgu,“ segir í fundargerð peninga-
stefnunefndarinnar. Nefndarmenn
voru þó eins og áður sammála um
að héldist gengi krónunnar stöðugt
eða styrktist og verðbólga hjaðnaði
ættu áfram að vera til staðar for-
sendur fyrir frekari slökun pen-
ingalegs aðhalds. - óká
Tveir peningastefnunefndarmenn af fimm kusu gegn tillögu seðlabankastjóra:
Vildu meira aðhald peningamála
FRÁ KYNNINGU Arnór Sighvatsson, Már
Guðmundsson og Þórarinn G. Pétursson
fara yfir forsendur vaxtaákvörðunar.
BANDARÍKIN,AP Maður var hand-
tekinn um borð í flugvél á leið frá
Amsterdam til Detroit í Banda-
ríkjum í gær. Tveimur dögum
fyrr var maður, sem reyndi að
sprengja sprengju í flugvél á
sömu leið, yfirbugaður af öðrum
farþegum.
Maðurinn er sagður hafa látið
ófriðlega, en meira um málið var
ekki komið í ljós þegar Frétta-
blaðið fór í prentun. Ekki er vitað
hvort mennirnir tveir tengist. 255
farþegar voru um borð í vélinni.
Maðurinn er sagður vera frá
Nígeríu, líkt og sá sem var hand-
tekinn á föstudag. Báðir menn-
irnir eru í haldi lögreglu. - þeb
Flugvél á leið til Detroit:
Annar maður
handtekinn
ÍTALÍA, AP Sjö manns létu lífið í
snjóflóðum í norðurhluta Ítalíu
um helgina.
Tveir ferðamenn létu lífið í
einu snjóflóðanna. Fjórir björg-
unarmenn sem leituðu þeirra
lentu í öðru snjóflóði og létust
líka. Þá lést fjórtán ára drengur í
enn öðru snjóflóði.
Annars staðar í landinu voru
miklar rigningar sem ollu því að
ár flæddu yfir bakka sína og aur-
skriður féllu. Hundruð manna
þurftu að yfirgefa heimili sín og
margir vegir lokuðust. Miklar
skemmdir hafa orðið af þessum
sökum, en enginn hefur slasast
enn sem komið er. - þeb
Veðrið leikur Ítali grátt:
Sjö létust í snjó-
flóðum á Ítalíu
Ragnar, verða nýju þættirnir
geðveikt góðir?
„Já, svo geðveikir að þjóðin verður
öll lögð inn í framhaldinu.“
Ragnar Bragason vinnur að nýjum
sjónvarpsþáttum sem munu að einhverju
leyti eiga sér stað á geðdeild.
Á FLUGVELLINUM Flugvélarnar tvær
voru báðar frá Delta Airlines og á leið frá
Amsterdam til Detroit. FRÉTTABLAÐIÐ/AP
Flokka rusl af krafti
Hólmvíkingar og nærsveitungar hafa
tekið til við að flokka rusl af miklum
krafti eftir að Sorpsamlag Stranda-
sýslu opnaði móttökustöð fyrir flokk-
aðan úrgang fyrr í desember, að því
er segir á fréttavefnum Strandir.is.
UMHVERFISMÁL
ATVINNUMÁL Félags- og trygg-
ingamálaráðuneytið hefur falið
Vinnumálastofnun að tryggja
það markmið að enginn verði
atvinnulaus lengur en þrjá mán-
uði án þess að bjóðast vinna eða
virkniúrræði.
Fram kemur á vef Vinnumála-
stofnunar að markmiðinu skuli
náð gagnvart fólki yngra en 25
ára fyrir 1. apríl á næsta ári og
1. september fyrir aðra. „Vinnu-
málastofnun mun ná settu mark-
miði í nánu samstarfi við stéttar-
félög, fyrirtæki og sveitarfélög,“
segir á vef stofnunarinnar, en
þar er jafnframt greint frá fimm
leiðum sem til samans er ætlað
að myndi yfir 2.000 ný starfs- eða
námstækifæri fyrir ungt fólk. - óká
Aðgerðir gegn atvinnuleysi:
Úrræðaleysi
vari ekki lengur
en þrjá mánuði
BRETLAND Tómas Marteinsson
fasteignasali hefur orðið fyrir
aðkasti vegna Icesave-málsins,
en Tómas er búsettur í Bretlandi
með fjölskyldu sinni.
Í viðtali við Stöð 2 í gærkvöldi
segir Tómas að skemmdarverk
hafi verið unnin á heimili fjöl-
skyldunnar og bíl. Þegar hann
vaknaði á aðfangadagsmorgun
var búið að spreyja stóran kross
á útidyrahurðina. Þá var búið
að setja krossa á bíl þeirra og
skrifa með stórum stöfum „Pay
people back“ sem á íslensku þýðir
borgið fólki til baka. Tómas seg-
ist tengja verknaðinn beint við
Icesave-málið. - þeb
Íslendingur í Bretlandi:
Skemmdarverk
vegna Icesave
HAFTYRÐILL Í LÓFA Hafa borist undan
vindi og upp á land í Siglufirði.
NÁTTÚRUFAR Nokkuð hefur verið
um að haftyrðlar hafi borist
undan vindi og upp á land í Siglu-
firði og nágrenni, að því er fram
kemur á fréttavef Siglufjarðar,
siglo.is.
Hvatt er til þess að bjarga
fugl unum með því að koma þeim
aftur á sjóinn, jafnskjótt og unnt
er, en besti staðurinn til þess sé
smábátahöfnin í Siglufirði.
Haftyrðill er minnsti svartfugl
í Norður-Atlantshafi og er sagð-
ur hafa verpt hér á landi áður
fyrr, meðal annars í Grímsey, en
þeir komi stundum hingað í tölu-
verðum mæli norðan úr höfum
á veturna. Fuglarnir eru fislétt-
ir og viðkvæmir og kemur fyrir
að þeir berast hingað í stórum
hópum undan stórviðri. - óká
Sjófuglar í vandræðum:
Haftyrðill berst
á land í rokinu
Drykkjulæti á Blönduósi
Einn gisti fangageymslur á Blönduósi
aðfaranótt sunnudags vegna mikillar
ölvunar og drykkjuláta. Hann lét eins
og vitlaus maður og var því handtek-
inn og látinn sofa úr sér.
LÖGREGLUFRÉTT
SPURNING DAGSINS