Fréttablaðið - 18.01.2010, Blaðsíða 2

2 18. janúar 2010 MÁNUDAGUR
Fiskikóngurinn • Sogavegi 3 • sími 587 7755
Fiskikóngurinn • Sogavegi 3 • sími 587 7755
OPNUM KL 8.00 ALLA VIRKA DAGA
Glæný Línuýsa
-úr Jökuldýpi
Kinnar og Gellur
-nýjar og nætursaltaðar-
Sjósiginn fi skur, Roðlaus
-frá Bolungarvík.
BAGDAD, AP Írakinn Ali Hassan
al-Majid, eða Efnavopna-Ali eins
og hann er kallaður, hefur verið
dæmdur til
dauða í fjórða
sinn. Í þetta
sinn var hann
dæmdur til
hengingar
fyrir að fyrir-
skipa gasárás
á Kúrda árið
1988 þegar
rúmlega fimm
þúsund manns fórust. Ali, sem er
frændi Saddams Hussein fyrrum
Íraksforseta, hefur þrívegis áður
verið dæmdur fyrir glæpi gegn
mannkyninu í Írak. Síðustu þrír
dómarnir hafa ekki náð fram
að ganga, meðal annars vegna
þess að þeir Kúrdar sem lifðu af
gasárásina vildu að sínar raddir
fengju að heyrast í málinu gegn
Ali. Fögnuðu þeir mjög þegar
dómurinn yfir Ali var kveðinn
upp. - fb
Írakinn Efnavopna-Ali:
Fékk fjórða
dauðadóminn
EFNAVOPNA-ALI
LÖGREGLUMÁL Alls komu 102 mál á
borð lögreglunnar á höfuðborgar-
svæðinu aðfaranótt laugardags.
Að sögn lögreglunnar er þetta
í hærri kantinum, sérstaklega í
janúarmánuði sem er yfirleitt
frekar rólegur. Tveir menn voru
gripnir glóðvolgir við innbrot á
heimili á Skúlagötu laust eftir
miðnætti. Annar er á sextugs-
aldri en hinn á fertugsaldri. Fimm
umferðaróhöpp urðu um nóttina
og lítils háttar meiðsl urðu á
fólki þegar tvær bifreiðar skullu
saman á gatnamótum Laugavegar
og Snorrabrautar. Þrír ökumenn
voru einnig teknir grunaðir um að
aka undir áhrifum fíkniefna. - fb
Aðfaranótt laugardags:
102 mál á borð
lögreglunnar
SLYS Tvær stúlkur um tvítugt slös-
uðust þegar bíllinn sem þær voru
í valt vestan við Grundarfjörð
seinni partinn í gær. Að sögn lög-
reglunnar á Grundarfirði er mik-
illi hálku á veginum um að kenna
að slysið varð.
Þyrla Landhelgisgæslunnar
sótti stúlkurnar eftir að hafa
komið til móts við sjúkrabíl á
Kaldárbakkaflugvelli, vestan við
Eldborgarhraun. Báðar stúlkurn-
ar voru með meðvitund þegar
þyrlan kom og sótti þær og flutti á
Landspítalann í Fossvogi. - fb
Bílvelta við Grundarfjörð:
Þyrla sótti tvær
ungar stúlkur
FLUTTAR Á SJÚKRAHÚS Þyrla Landhelgis-
gæslunnar sótti tvær stúlkur um tvítugt
vestur á land í gær. FRÉTTABLAÐIÐ/VILHELM
ÚKRAÍNA, AP Viktor Janúkovitsj,
leiðtogi stjórnarandstöðunnar
í Úkraínu, mun samkvæmt
útgönguspám bera sigurorð af
forsætisráðherranum Júlíu Tímo-
sjenko í fyrstu umferð forseta-
kosninganna þar í landi. Talið er
að þeir tveir muni etja kappi um
forsetaembættið í næsta mánuði.
Núverandi forseti, Viktor Júst-
sjenko, hefur aftur á móti helst
úr lestinni og er aðeins með um
sex prósent atkvæða. Janúkovitsj
hafði verið afskrifaður eftir for-
setakosningarnar árið 2004 þegar
hæstiréttur Úkraínu ógilti sigur
hans vegna kosningasvindls en
hefur nú komið sterkur til baka. - fb
Forsetakosningar í Úkraínu:
Janúkovitsj í
efsta sætinu
VIÐSKIPTI Stjórnendum Vestia, eign-
arhaldsfélagi Landsbankans, var
kunnugt um fjölskyldutengsl Sig-
urðar Arnars Sigurðssonar, nýráð-
ins forstjóra Húsamiðjunnar, við
Hannes Smárason, fyrrverandi for-
stjóra FL Group, og leituðu ítarlegra
upplýsinga um fjárhagsstöðu hans
áður en Sigurður var ráðinn til að
taka við forstjórastólnum í síðustu
viku.
Hannes, sem er bróðursonur Sig-
urðar, átti um tíma tæpan tuttugu
prósenta hlut í Húsasmiðjunni í
gegnum félagið Primus. SPV, dóttur-
félag Byrs, gekk að veðum í félaginu
vorið 2008.
Sigurður er reynslubolti í smá-
sölugeiranum en hann vann náið
með Jóni Helga Guðmundssyni, eig-
anda Kaupáss og stofnanda Byko, á
árunum 1997 til 2006 og var forstjóri
Kaupáss frá 2004. Á sama tíma var
Hannes giftur dóttur Jóns.
Áður en Sigurður tók sæti í stjórn
Húsasmiðjunnar var hann sjálfstætt
starfandi ráðgjafi, meðal annars
fyrir matvælafyrirtæki Hannesar
í Bretlandi.
Vestia tók Húsasmiðjuna yfir í
október í fyrra. Ekki stendur til að
selja hana á næstu mánuðum. „Þegar
að því kemur verður það gert í sam-
ræmi við starfsreglur Vestia um opið
tilboðsferli,“ segir Steinþór Baldurs-
son, framkvæmdastjóri Vestia. - jab
Bakgrunnur nýs forstjóra Húsasmiðjunnar var skoðaður í þaula fyrir ráðningu:
Verður seld í opnu tilboðsferli
SIGURÐUR ARNAR Nýr forstjóri Húsa-
smiðjunnar hefur víðtæka reynslu í
smásölugeiranum. FRÉTTABLAÐIÐ/SAMSETT MYND
Vill styrkja íslensku sveitina
Íslenska björgunarsveitin á Haítí ætti
að fá þá peninga sem Rauði kross
Færeyja hefur safnað vegna hamfar-
anna þar. Þetta segir Jákup Símun
Simonsen, bæjarfulltrúi í Þórshöfn, í
viðtali við Sósíalinn.
FÆREYJAR
Ívar, maður sér ykkur þá ekk-
ert á Grand Rokk?
„Við höfum einu sinni spilað á
Grand Rokk en nei, það er ekkert
fram undan þar.“
Ívar Björnsson er í hljómsveit sem
nýverið gaf út sína fyrstu plötu. Sveitin
heitir Nolo.
Bílvelta á Reykjanesbraut
Bílvelta varð á Reykjanesbraut austan
við Grindavíkurveg rétt fyrir klukkan
ellefu í gærmorgun. Sjúkrabíll var
kallaður á staðinn og var einn fluttur
á sjúkrahús. Talið er að meiðslin hafi
verið minni háttar. Töluverð hálka var
á veginum þegar slysið varð.
LÖGREGLUFRÉTTIR
EFNAHAGSMÁL Íslensk stjórnvöld knýja nú á stjórn-
völd á Norðurlöndunum um að þau skýri hvort þau
vilji lána Íslendingum fé eður ei. Svo segja heimildir
blaðsins úr Stjórnarráðinu.
Sem kunnugt er hafa Norðmenn verið vilj-
ugastir til að lána þjóðinni eftir synjun
Ólafs Ragnars Grímssonar forseta á
staðfestingu Icesave-laga. Svíar hafa
hins vegar lagst gegn því. Svör Dana
og Finna munu vera loðnari.
Ekki hefur náðst í Jóhönnu Sigurðar-
dóttur forsætisráðherra til að útskýra
hvað hafi gefið henni tilefni til
að lýsa yfir bjartsýni um
að það gæti tekist að fá
Breta og Hollendinga
að samningaborðinu.
Samstarfsfólk henn-
ar vill þó meina að
hún hafi vísað til
þess að samstaða um
Icesave myndi nást
innanlands. Að því
gefnu hefðu erlendir viðsemjendur meiri ástæðu til
að halda að hægt væri að semja um málið endanlega.
Orð framsóknarkonunnar Sivjar Friðleifsdóttur
á Bylgjunni í gær, um að „miklu betri samningur“
þyrfti að koma til svo hætt yrði við þjóðaratkvæða-
greiðslu hafa ekki aukið vonir
stjórnarliða um samstöðu meðal
flokkanna.
Þrátt fyrir umrædda þörf á
samstöðu hafa formenn flokk-
anna ekki hist um helgina. - kóþ
Ekkert fundað um Icesave meðal formanna flokkanna um helgina:
Ræða nú við Norðurlöndin
FORYSTUFÓLK RÍKISSTJÓRNAR
Viðmælendur blaðsins úr
Stjórnarráðinu telja sam-
stöðu allra flokka um Ice-
save vera forsendu þess
að Bretar og Hollending-
ar vilji setjast enn á ný
að samningaborðinu.
ATVINNUMÁL Lögmannafélag
Íslands segir mikla fjölgun lög-
manna leiða til hættu á að upp-
lýsingar um hugsanleg gjaldþrot
og refsidóma félagsmanna berist
félaginu ekki. Því þurfi að heim-
ila að samkeyra upplýsingar úr
gagnabönkum.
Í bréfi til Persónuverndar bend-
ir Lögmannafélagið á að félagið
eigi að fylgjast með því að lögmað-
ur uppfylli ávallt skilyrði laganna
fyrir lögmannsréttindum. Þetta
varðar meðal annars það að bú
lögmanns hafi ekki verið tekið
til gjaldþrotaskipta og að hann
hafi óflekkað mannorð, að sjálf-
stætt starfandi lögmenn hafi gilda
ábyrgðartryggingu og sérstakan
fjárvörslureikning í viðurkenndri
bankastofnun til að varðveita fé
skjólstæðinga.
Lögmannafélagið segir að
félagsmönnum hafi fjölgað um sex-
tíu prósent á tíu árum. Lögmenn
og dómarar þekki nú síður deili á
lögmönnum en áður og því hætta
á að nauðsynlegar upplýsingar um
gjaldþrot eða refsidóma lögmanna
berist félaginu ekki og að upp hafi
komið slík tilvik. Handvirkt eftir-
lit með félagsmönnum sé orðið nær
óframkvæmanlegt.
„Til að tryggja betur lögbund-
ið eftirlit félagsins með lögmönn-
um telur stjórn þess mikilvægt að
kanna hvort samkeyra megi, með
reglulegu millibili, ýmsar opinber-
ar upplýsingar, sem og viðskipta-
upplýsingar einkafyrirtækja,
við lista lögmannafélagsins yfir
skráða félagsmenn. Þær upplýs-
ingar sem hér um ræðir eru meðal
annars upplýsingar úr sakaskrá,
skrá Lánstrausts hf. um gjaldþrot
lögmanna, skrár íslenskra vátrygg-
ingafélaga um gildar starfsábyrgð-
artryggingar lögmanna á hverjum
tíma og loks upplýsingar viðskipta-
banka og sparisjóða um skráða
fjárvörslureikninga lögmanna,“
segir í erindi Lögmannafélagsins.
Í svari Persónuverndar segir að
gæta þurfi þess að persónuupplýs-
ingarnar séu fengnar í yfirlýstum,
skýrum og málefnalegum tilgangi
og ekki unnar frekar í öðrum og
ósamrýmanlegum tilgangi. Sömu-
leiðis að þær séu nægilegar, við-
eigandi og ekki umfram það sem
nauðsynlegt sé.
Persónuvernd segir að sú vinnsla
persónuupplýsinga sem Lög-
mannafélagið lýsir geti stuðst við
lagaheimildir og býðst til að svara
frekari spurningum varðandi það.
„Þó skal tekið fram að áður en slík
svör eru veitt er æskilegt að veitt-
ar verði frekari skýringar á því
hvernig umræddri vinnslu verður
hagað.“ gar@frettabladid.is
Vilja samkeyra gögn
um stöðu lögmanna
Lögmannafélagið segir ógjörning að fylgjast með því handvirkt hvort lögmenn
uppfylli á hverjum tíma skilyrði til starfa og vill samkeyra gögn frá trygginga-
félögum, Lánstrausti og úr sakaskrá. Persónuvernd tekur jákvætt í þá beiðni.
HÉRAÐSDÓMUR REYKJAVÍKUR Mikil fjölgun lögmanna á stuttum tíma hefur að sögn
Lögmannafélags Íslands leitt til þess að þeir sjálfir og dómarar þekki síður deili hver
á öðrum miðað við það sem áður var. FRÉTTABLAÐIÐ/GVA
SPURNING DAGSINS