Fréttablaðið - 18.01.2010, Blaðsíða 32

20 18. janúar 2010 MÁNUDAGUR
sport@frettabladid.is
Guðjón Valur Sigurðsson er á leiðinni á sitt tólfta stórmót með
íslenska landsliðinu og þessi járnmaður íslenska landsliðsins hefur
leikið alla leiki Íslands á stórmóti síðan á Evrópumótinu í Króatíu fyrir
tíu árum. Leikurinn á móti Serbíu verður 72. leikur hans í röð á stór-
mótum íslenska landsliðsins . Guðjón Valur brosir þegar hann
er spurður að því hvort hann sé ekki farinn að heyra meira
af vangaveltum um hversu lengi hann ætlar að spila.
„Það var byrjað að spyrja mig þegar ég var 26 ára hvað
ég ætlaði að vera lengi í þessu í viðbót. Ég sagðist bara
vera 26 ára og þá var svarið: Nú, þú byrjaðir þá svona
snemma,“ segir Guðjón Valur hlæjandi. „Ég var þrítugur
í fyrra og lít bjartsýnum augum á framtíðina því það er
enginn í rauninni kominn á aldur í liðinu. Aldur er svo
rosalega afstæður. Ef allt gengur vel þá væri ég alveg
til í að spila handbolta í átta eða tíu ár í viðbót. Ég
veit ekkert hvað verður og kannski gengur það
ekki upp,“ segir Guðjón Valur.
„Menn geta verið að spila í dag langt fram
undir fertugt en ég er bara 30 ára gamall og líður
rosalega vel. Ég hef ekki verið í svona góðu líkamlegu standi síðan
ég var 27 ára. 28 ára gamall lenti ég í hnéaðgerð og fór úr axlarlið. Ég
hef lengi verið að berjast við það og fór í aðgerð á úlnlið síðasta vor.
Mér líður virkilega vel í augnablikinu enda hef ég þurft að hafa fyrir
því. Ég hef æft mikið og vel til þess að komast í það form sem ég er í
í dag,“ segir Guðjón Valur.
„Fólk má alveg spyrja mig af þessu. Þetta er kannski spurning
um að fólk sé komið með leið á mér. Ef þjálfarinn er kominn
með leið á mér og hættir að velja mig þá sætti ég mig við
það. Maður vonar samt að maður eigi eitthvað eftir að endast
eitthvað lengur í þessu,“ segir Guðjón Valur.
Guðjón Valur fagnar góðu gengi í æfingaleikjunum en segir
að aðalstyrkleiki íslenska liðsins hafi og muni ekki breytast.
„Það er gott að vita til þess að við getum unnið hvern sem
er hvar sem er. Við þurfum að vera á tánum til þess og við
erum ekki með neitt lið ef það vantar brjálæðisglampann í
augum okkar eða þennan vilja til að gefa nánast allt inni á
vellinum fyrir liðsfélagana, liðið, landið og þjóðina,“ segir
Guðjón Valur.
GUÐJÓN VALUR SIGURÐSSON: BÚINN AÐ SPILA 71 LEIK Í RÖÐ MEÐ ÍSLENSKA LANDSLIÐINU Á STÓRMÓTUM
Væri alveg til í að spila í átta eða tíu ár í viðbót
HANDBOLTI Guðmundur Guð-
mundsson landsliðsþjálfari var
sáttur með stöðuna á íslenska lið-
inu þrátt fyrir tíu marka tap gegn
Frökkum í gær. Hann ætlaði sér
aldrei að keyra á lykilmönnum í
leiknum enda aðeins rúmir tveir
sólarhringar í fyrsta leik á EM í
Austurríki.
„Við ætluðum að dreifa álaginu
í þessum leik og gerðum það. Við
spöruðum stóran hluta liðsmanna
og dreifðum þessu alveg gríðar-
lega. Þannig ætluðum við að nota
þennan leik og vildum gefa þeim
tækifæri sem minna höfðu spil-
að. Þeir spiluðu allan tímann
meira eða minna. Við ákváðum
að nota þennan leik á þennan átt
og vorum aldrei að velta því fyrir
okkur að nota sterkasta liðið ein-
hvern hluta leiksins,“ sagði
Guðmundur eftir leikinn í gær.
Hann var mjög ánægður með
leikinn á móti Spánverjum á laug-
ardaginn en hann vann íslenska
liðið með þremur mörkum. „Það
var fínn sigur á Spánverjum á
laugardaginn þannig að við erum
bara sáttir. Við ætluðum að taka
þann leik á fullu jafnframt því
að vera búnir að ákveða að taka
þennan Frakkaleik öðruvísi,“
segir Guðmundur.
„Við getum ekkert verið ósátt-
ir með fyrri hálfleikinn en við
misstum hann aðeins frá okkur
síðustu mínútnar. Þetta var til-
tölulega jafnt en við misstum
þá í fjögur mörk í staðinn fyrir
að tvö mörk hefðu verið eðlileg-
ur munur í hálfleiknum. Í síðari
hálfleik gáfu þeir bara í á meðan
við vorum kannski að draga í
land,“ segir Guðmundur.
„Frakkarnir voru að spila
miklu meira á sínu sterkasta
liði þó svo að þeir hefðu notað
fleiri leikmenn. Þeir voru með
sitt sterkasta lið stærsta hluta
leiksins.“
Guðmundur lét Ólaf Guðmunds-
son fá mikið hlutverk í leiknum í
gær. „Ólafur gerði þetta mjög vel
og ég var mjög sáttur með hann.
Ég held að það sé ekki hægt að
fá stærri leik en fyrir framan
fimmtán þúsund áhorfendur á
heimavelli heims- og ólympíu-
meistara Frakka. Það er ekki
hægt að fá stærra verkefni í
æfingaleik,” segir Guðmundur.
„Ég er ánægður með það að
við fórum vel í gegnum undir-
búningsleikina. Eina vandamál-
ið er með Aron en ég er vongóð-
ur um að hann verði orðinn góður
á morgun. Það er bara fín staða
á hópnum og við erum ánægðir
með það að það séu engin meiðsli
eftir þetta mót. Núna erum við
bara klárir í slaginn,“ sagði Guð-
mundur rétt áður en hann lagði í
hann út á flugvöll. Íslenski hóp-
urinn átti síðan að koma upp á
hótel í Linz í Austurríki klukkan
tvö í nótt. - óój
Guðmundur Guðmundsson landsliðsþjálfari eftir lokaleikinn fyrir EM:
Við erum núna klárir í slaginn
EINBEITTUR Guðmundur Guðmundsson landsliðsþjálfari er ánægður með hvernig
undirbúningur íslenska liðsins fyrir EM í Austurríki hefur gengið. FRÉTTABLAÐIÐ/ANTON
Hraðmótið í Frakklandi
UNDANÚRSLIT
Ísland-Spánn 30-27 (14-12)
Mörk Íslands (Skot): Guðjón Valur Sigurðsson 6
(10), Róbert Gunnarsson 5 (8), Ólafur Stefánsson
5/1 (10/1), Snorri Steinn Guðjónsson 5/4 (11/4),
Alexander Petersson 3 (7), Sverre Jakobsson 2
(2), Ásgeir Örn Hallgrímsson 2 (3), Ingimundur
Ingimundarson 1 (1), Arnór Atlason 1 (5).
Varin skot: Björgvin Páll Gústavsson 19 (46/2,
41%).
Frakkland-Brasilía 37-20 (18-12)
ÚRSLITALEIKUR
Ísland-Frakkland 25-35 (13-17)
Mörk Íslands (Skot): Ólafur Guðmundsson 6
(12), Alexander Petersson 5 (10), Snorri Steinn
Guðjónsson 4/2 (8/4), Róbert Gunnarsson 4 (5),
Ólafur Stefánsson 2 (2), Sturla Ásgeirsson 2 (4),
Ingimundur Ingimundarson 1 (1),
Vignir Svavarsson 1 (3), Arnór Atlason (2)
Varin skot: Hreiðar Levý Guðmundsson 11/1
(46/3, 24%).
Hraðaupphlaupsmörk: 6 (Sturla 2, Alexander 2,
Vignir, Ingimundur)
Fiskuð víti: 4 (Ólafur, Sverre Jakobsson, Arnór,
Vignir).
SPILAMÍNÚTUR Á MÓTI FRÖKKUM
Hreiðar Levý Guðmundsson 60 mínútur
Sturla Ásgeirsson 60
Ólafur Guðmundsson 50
Ásgeir Örn Hallgrímsson 50
Alexander Petersson 39
Vignir Svavarsson 38
Ólafur Stefánsson 30
Arnór Atlason 18
Snorri Steinn Guðjónsson 17
Sverre Jakobsson 17
Róbert Gunnarsson 12
Logi Geirsson 7
Ingimundur Ingimundarson 7
Guðjón Valur Sigurðsson 0
Björgvin Páll Gústavsson 0
Aron Pálmarsson (meiddur) 0
STRÁKARNIR OKKAR
> Klassískur bikarslagur í Toyota-höllinni
Keflavík og Njarðvík mætast í átta liða úrslitum
Subway-bikars karla í Toyota-höllinni í Keflavík klukkan
19.15 í kvöld. Bæði lið hafa byrjað nýja árið með
sannfærandi sigrum og það stefnir því
í klassískan bikarleik Reykjanesbæj-
arliðanna fyrir væntanlega troðfullu
húsi á Sunnubrautinni. Keflavík vann
með fjórum stigum þegar liðin
mættust síðast í bikarnum
2006 og hefndi þá fyrir
þriggja stiga bikartap fyrir
Njarðvík árið á undan.
HANDBOLTI Fall verður vonandi
fararheill fyrir strákana okkar
á Evrópumótinu í Austurríki
eftir tíu marka tap, 25-35, á móti
Frökkum í París í gær. Guð-
mundur Guðmundsson landsliðs-
þjálfari lét aldrei sitt sterkasta
lið spila í leiknum og bæði Guð-
jón Valur Sigurðsson og Björg-
vin Páll Gústavsson komu ekkert
við sögu. Liðið flaug síðan strax
til Austurríkis eftir leikinn enda
voru aðeins rúmir tveir sólar-
hringar þar til liðið mætir Serbum
í fyrsta leik sínum á EM.
Guðmundur byrjaði með þá
Sturlu Ásgeirsson (vinstra horn),
Ólaf Guðmundsson (vinstri
skyttu), Snorra Stein Guðjónsson
(leikstjórnanda), Alexander Pet-
ersson (hægri skyttu), Ásgeir Örn
Hallgrímsson (hægra horn) og
Vignir Svavarsson (línu). Hreið-
ar Levý Guðmundsson var síðan
í markinu allan tímann. Snorri
Steinn lék aðeins fyrri hálfleik-
inn og Alexander var sá lykil-
maður íslenska liðsins sem spil-
aði mest í gær en langmest þó
sem skytta.
Frakkar byrjuðu betur og náðu
mest fimm marka forskoti í fyrri
hálfleik en íslenska liðið náði að
minnka muninn niður í eitt mark
áður en Frakkar skoruðu þrjú síð-
ustu mörk fyrri hálfleiksins og
voru 17-13 yfir í hálfleik.
Frakkar skoruðu síðan þrjú
fyrstu mörk seinni hálfleiksins
og voru síðan komnir níu mörk-
um yfir eftir ellefu mínútna leik í
honum. Fjögur íslensk mörk í röð
náði muninum aftur niður í fimm
mörk en nær komst íslenska liðið
ekki í seinni hálfleik. Frakkar
komust mest ellefu mörkum yfir
en unnu að lokum með tíu marka
mun.
FH-ingurinn ungi Ólafur Guð-
mundsson var í aðalhlutverki í
leik íslenska liðsins í þessum leik
og var hann sérstaklega áræðinn
í fyrri hálfleiknum þar sem hann
skoraði fimm glæsileg mörk úr
níu skotum. Ólafur gerði auðvit-
að mörg mistök en fékk dýrmæta
reynslu á móti sjálfum heims- og
ólympíumeisturum Frakka.
Íslenska liðið tryggði sér sæti
í úrslitaleiknum með glæsilegum
sigri á Spánverjum á laugardag-
inn. Markvörðurinn Björgvin Páll
Gústavsson var maður seinni hálf-
leiksins þegar hann varði 14 af 19
skotum sínum í leiknum. Guðjón
Valur Sigurðsson fór líka í gang í
seinni hálfleik og skoraði þá 5 af 6
mörkum sínum. Íslenska liðið var
með frumkvæðið allan tímann
og náði mest fimm marka mun í
seinni hálfleiknum eftir að hafa
verið 14-12 yfir í hálfleik.
Eftir sigurinn á Spáni hafði
íslenska liðið náð að vinna fjóra
fyrstu leiki sína á árinu sem hafði
ekki gerst í 46 ár eða síðan íslenska
landsliðið sló í gegn á HM í Tékkó-
slóvakíu 1964. ooj@frettabladid.is
Lykilmenn hvíldir á móti Frökkum
Íslenska karlalandsliðið tapaði í gær sínum fyrsta leik á árinu þegar liðið steinlá með tíu mörkum, 25-35, á
móti Frökkum í úrslitaleik hraðmótsins í París í gær. Leikurinn var þó ekki marktækur enda lék íslenska
liðið aldrei af fullum styrk. Ólafur Guðmundsson fékk stórt próf á móti Heims- og Ólympíumeisturunum.
SEX MÖRK Ólafur Guðmundsson spilaði stórt hlutverk með íslenska landsliðinu í
leiknum á móti Frökkum í Bercy-höllinni í gær. NORDICPHOTOS/AFP