Fréttablaðið - 03.02.2010, Side 30

MARKAÐURINN 3. FEBRÚAR 2010 MIÐVIKUDAGUR10
F R É T T I R
Brjánn Jónasson
skrifar
Almenn bjartsýni ríkir meðal fyrirtækja sem starfa
í ferðaþjónustu hér á landi með komandi ferðasumar,
segir Erna Hauksdóttir, framkvæmdastjóri Sam-
taka ferðaþjónustunnar. Ferðamenn bóka þó með
sífellt styttri fyrirvara svo erfitt er að spá fyrir
um sumarið.
„Það bendir allt til þess að þetta geti orðið ágætt
sumar, en við höfum meiri áhyggjur af öðrum tímum
ársins,“ segir Erna. Heldur hefur dregið úr komum
ferðamanna utan háannatímans yfir sumarið, þótt
ferðamönnum hafi fjölgað yfir sumarmánuðina.
Bókanir erlendra ferðamanna á flugferðum til
Íslands eru um fimmtán prósentum fleiri nú en á
sama tíma á síðasta ári, segir Birkir Hólm Guðna-
son, framkvæmdastjóri Icelandair. Það sé aukning
umfram þá tíu prósenta framboðsaukningu sem sé
hjá félaginu.
„Við reiknum með að toppa síðasta sumar, sem þó
sló öll met,“ segir Birkir. Hann segir þessa aukningu
trúlega eiga sér nokkrar ástæður. Ferðamenn virð-
ist bóka fyrr en venjulega, en ótvírætt sé áhugi á Ís-
landi að aukast. Þá hafi Icelandair aukið heldur við
markaðssetningu og sætaframboð undanfarið.
Markaðssetning ferðaþjónustunnar undanfarin ár
hefur að mestu beinst að því að auka fjölda ferða-
manna utan við háannatímann, og því er það vissu-
lega áhyggjuefni að nú dragi úr fjöldanum.
Eflaust spilar margt inn í, en skortur á rann-
sóknum gerir erfitt fyrir að meta orsakirnar ná-
kvæmlega, segir Erna. Augljóslega hafi heims-
kreppan þar áhrif, lágt gengi krónunnar nái ekki
að vega upp almennan samdrátt á fjölda ferða-
manna í heiminum. Ein afleiðing kreppunnar sé til
dæmis samdráttur í ráðstefnuhaldi í Reykjavík.
Birkir segist sjá skýr merki um samdrátt í ráð-
stefnuhaldi. Færri ráðstefnuhópar og hópar á leið í
hvataferðir bóki nú flug til landsins. Aukningin sé
öll í ferðum einstaklinga og fjölskylduferðum.
Ein áhrif hrunsins hér á landi eru veikt gengi
krónunnar. Það hefur þó þau áhrif að ferðamenn
eyða að meðaltali fleiri krónum en áður hér á
landi.
Erna segir að til að snúa þessari óheillaþróun við
þurfi að auka enn við markaðssetningu íslenskrar
ferðamennsku.
Vonandi muni tónlistar- og ráðstefnuhúsið við
Reykjavíkurhöfn skila auknum fjölda ferðamanna,
en það verði þó ekki tekið í notkun fyrr en á næsta
ári. Þá muni heilsutengd ferðamennska vonandi
auka fjölda ferðamanna þegar hún kemst á flug,
en það geti verið nokkur tími þangað til.
Spurð um áhrif umtals um hrunið á Íslandi og
Icesave erlendis segir Erna umtalið sennilega já-
kvætt fyrir ferðamennskuna. Sífellt fleiri heyri af
Íslandi, og fólk virðist almennt gera greinarmun
á fréttum af hruni banka annars vegar og fallegri
náttúru hins vegar.
Almenn bjartsýni
með ferðasumarið
Allt bendir til þess að sumarið verði gott fyrir íslenska
ferðaþjónustu. Fimmtán prósentum fleiri bókanir en í fyrra.
FERÐAMENN Um fimmtán prósentum fleiri erlendir ferðamenn hafa bókað ferð til Íslands í sumar en á sama tíma í fyrra, segir forstjóri
Icelandair. FRÉTTABLAÐIÐ/VALLI
Konur gætu hagnast meira ef
þær væru hugaðri í hlutabréfa-
kaupum en raun ber vitni. Þetta
sýnir rannsókn sem Greens
Analyseinstitut vann fyrir danska
viðskiptablaðið Børsen og birtist
á laugardag.
Konur kjósa fremur að kaupa
skuldabréf en hlutabréf þegar
kemur að því að leggja fyrir til
efri áranna. Ástæðan er sú að þær
telja skuldabréfin öruggari fjár-
festingu en hlutabréf.
Fyrir bragðið verða konurnar
af hagnaði vegna þess að til lengri
tíma litið gefa hlutabréfin talsvert
meiri ávöxtun en skuldabréfin.
Rannsóknin sýndi enn frem-
ur fram á að þær konur sem þó
fjárfesta í hlutabréfum hagnast
meira á þeim viðskiptum en karl-
ar. Ástæðan er sú að þær versla
ekki eins mikið með hlutabréf sín
og karlarnir sem hafa meiri trú
á að þeir geti grætt á að kaupa
og selja bréf. Þannig gera þeir í
raun fleiri mistök en konurnar
sem með þolinmæði sinni hagn-
ast meira á bréfunum þegar upp
er staðið.
Konur ragari en karl-
ar við hlutabréfakaup
Gera má ráð fyrir að um þrjú
til fjögur prósent af landsfram-
leiðslu, eða á bilinu 45 til 60
milljarðar, glatist ár hvert hér á
landi vegna heilsutjóns á vinnu-
stöðum, segir í fréttatilkynningu
frá Vinnueftirlitinu og VÍS.
Um 9.000 manns leita sér að-
stoðar árlega hér á landi vegna
vinnuslysa og rannsóknir sýna
að enn fleiri verða fyrir heilsu-
tjóni vegna atvinnusjúkdóma.
Undanfarin ár hafa fimm látist
ár hvert í vinnuslysi.
Vinnueftirlitið og VÍS hafa
tekið upp samstarf til að efla for-
varnir á vinnustöðum og fækka
vinnuslysum „en talið er að með
tiltölulega einföldum og ódýrum
fyrirbyggjandi aðgerðum megi
fækka verulega óhöppum og
slysum í atvinnurekstri og draga
þannig verulega úr þeim útgjöld-
um sem af þeim hljótast,“ segir í
fréttatilkynningunni.
Í henni kemur einnig fram að
fá íslensk fyrirtæki, eða einung-
is um tólf prósent, hafa fram-
kvæmt áhættumat sem hefur
sýnt sig að fækki slysum. Mikill
meirihluti íslenskra fyrirtækja
fylgir því ekki tilskipun ESB um
öryggi og heilbrigði á vinnustað
sem innleidd var hér á landi árið
2006.
Til að innsigla samstarfið
standa VÍS og Vinnueftirlitið
fyrir sameiginlegri ráðstefnu
um forvarnarmál í húsnæði VÍS
kl. 13 á morgun. Einkum verð-
ur sjónum beint að áhættumati
og áhættuskráningu en einnig
verða forvarnarverðlaun VÍS
veitt í fyrsta sinn. - sbt
Bættar forvarnir
spara milljarða
KONUR HAGNAST VEL Á HLUTABRÉFUM Konur kjósa þó fremur að fjáfesta í skulda-
bréfum en hlutabréfum.
Hafðu samband
sími
Verðbréfaþjónusta Arion banka
er söluaðili sjóða Stefnis.
Enginn kostnaður
Stefnir - Ríkisvíxlasjóður.
Traustur kostur fyrir
einstaklinga og fyrirtæki.
90% ríkisvíxlar og ríkisskuldabréf / 10% innlán