Fréttablaðið - 16.02.2010, Side 22
16. febrúar 2010 ÞRIÐJUDAGUR2
„Það er ekki nóg að flík sé fallega
prjónuð, góður frágangur hefur
líka mikið að segja fyrir útlit henn-
ar,“ segir Guðrún Hannele, eigandi
Storksins og annar tveggja kenn-
ara á námskeiði í frágangi prjóns
sem haldið verður þar í kvöld frá
klukkan 18 til 21. Þar verður kennt
að sauma saman prjón og ganga frá
endum, lykkja saman undir hönd-
um og líka að opna peysur og ganga
frá rennilásum eða tölum.
Guðrún segir svona námskeið
haldin í Storkinum af og til en
þau séu ekki tímasett með löng-
um fyrirvara. „Konur skrá sig
hjá okkur og þegar komin eru að
minnsta kosti sex nöfn á blað þá
skellum við inn námskeiði þar
sem gat er í stundaskránni, en
hún er ansi þétt um þessar mund-
ir.“
Nemendur taka gjarnan ófrá-
gengna flík með sér á námskeið-
ið en það er ekki skilyrði að sögn
Guðrúnar. Mismunandi uppfitjan-
ir og affellingar verða kenndar ef
tími vinnist til en Guðrún segir
þær greinar þó ekki meðal aðal-
atriða. „Oft koma fram ákveðn-
ar óskir á þessum námskeiðum
og við reynum að uppfylla þær,“
segir hún.
Verðið á námskeiðinu er 3.500
krónur, þar er allt efni innifalið.
gun@frettabladid.is
Rétt handtök við fráganginn
Helstu grundvallaratriði í sambandi við frágang á prjónaflíkum verða kennd á þriggja tíma örnámskeiði í
Storkinum á Laugavegi 59 í kvöld. Kennarar eru Guðrún Hannele Henttinen og Helga Melsteð.
„Mörgum finnst gott að sjá hvernig á að gera hlutina í stað þess að þurfa að prófa sig áfram sjálfir,“ segir Guðrún Hannele.
FRÉTTABLAÐIÐ/GVA
Ebenezer Bárðarson býr til fallegar prjónahettur
sem settar eru á prjóna til að halda þeim saman.
Hann segir prjónahetturnar vera gamla hugmynd
sem hann hafi breytt og endurbætt.
„Þetta er ekki ný hugmynd, ég var ekki að finna
upp hjólið. Konan mín vinnur á Hrafnistu og kom
einn daginn heim með litla málmhettu líkt og
konur notuðu á prjónana í gamla daga og þegar hún
dinglaði þessu framan í mig þá sá ég strax hvað
ég ætlaði að búa til næst. Fáir virðast muna eftir
þessum málmhettum í dag, en ég man mjög vel
eftir þeim því systur mínar notuðu svona málm-
hettur á sína prjóna í gamla daga,“ útskýrir Eben-
ezer. Prjónahetturnar passa fyrir fimm prjóna en
einnig er hægt að nota þær við prjónaskapinn sjálf-
an til að koma í veg fyrir að lykkjur falli af prjón-
unum.
Prjónahetturnar smíðar Ebenezer úr viði og
skreytir með perlum sem hann þræðir í gegnum
þær. Hann segir konu sína setja hetturnar á annan
endann á prjóninum þegar hún prjónar mjög gróft
og þannig heldur hún lykkjunum á prjónunum.
Prjónahetturnar hafa hlotið góðar viðtökur hjá
prjónaáhugamönnum, en hægt er að nálgast þær
hjá Ebenezer sjálfum í síma 897 0453. - sm
Prjónahettur að gamalli fyrirmynd
Ebenezer Bárðarson býr til fallegar prjónahettur sem halda
prjónum saman. FRÉTTABLAÐIÐ/VILHELM