Fréttablaðið - 09.03.2010, Page 26

9. MARS 2010 ÞRIÐJUDAGUR2 ● fréttablaðið ● krabbamein og heilsa
Ragnheiður Haraldsdóttir
hjúkrunarfræðingur tekur við
embætti forstjóra Krabba-
meinsfélags Íslands 16. mars.
Áður skrapp hún í stutt frí og
var í skíðabrekkum Austurríkis
þegar í hana náðist.
„Svo lengi sem krabbamein er vá-
gestur hjá okkur hefur Krabba-
meinsfélagið verk að vinna og ég
hlakka til að leggja mitt af mörk-
um,“ segir Ragnheiður. „Guðrún
Agnarsdóttir, sem nú lætur af
störfum, sagði mér að best væri
að láta verkefnið ráða för. Í því
er fólgin mikil viska. Góðu frétt-
irnar eru að það svarar sannar-
lega kostnaði að beita varnarráð-
um gegn krabbameini. Því meira
sem við vitum, getum og gerum,
því meiri árangri náum við.“
Ragnheiður segist ung hafa hrif-
ist af heilbrigðismálum og hafa
unnið að þeim alla tíð, meðal ann-
ars við sjúkrahjúkrun, kennslu,
stjórnun og stjórnsýslu. Kveðst
alltaf hafa verið ríkisstarfsmað-
ur en lengi haft áhuga á framlagi
frjálsra félagasamtaka til samfé-
lagsins, sérstaklega til heilbrigð-
ismála. Hún kemur til starfa hjá
Krabbameinsfélaginu í miðjum
átaksmánuði um karla og krabba-
mein og er full áhuga á því verk-
efni, sem og öðrum verðugum sem
fram undan eru. „Í mínum huga
eru forréttindi að sinna jafn mikil-
vægum störfum á sviði heilbrigðis-
þjónustu og Krabbameinsfélagið
gerir. Það sem heillar mig mest er
að félagið er fjöldahreyfing í þágu
góðs málstaðar og að öflugir ein-
staklingar um allt land eru reiðu-
búnir að leggja verkefnunum lið,
auk starfsmanna í höfuðstöðvun-
um í Skógarhlíðinni.“
Mikilvægast núna telur Ragn-
heiður að efla enn fræðslu um for-
varnir og leit á vegum Krabba-
meinsfélagsins og að benda á
möguleikana sem felast í einfaldri
sjálfsskoðun. „Árangur af með-
ferð við ýmsum krabbameinum
er góður á Íslandi en þó má alltaf
gera betur,“ segir hún. „Eitt af því
sem ég mun skoða sérstaklega er
samfella í meðferð, frá greiningu
til endurhæfingar og stuðnings að
lokinni meðferð.“
Krabbameinsfélagið nýtur mik-
ils trausts og Ragnheiður telur það
vel í stakk búið að takast á við ný
verkefni eins og að efla baráttu
gegn ristilkrabbameini og húð-
krabbameini. Fjármálin eru að
sönnu erfið og því er þörf að velta
við hverri krónu. „Í raun er stór-
kostlegt hve margir eru tilbúnir að
leggja félaginu lið,“ segir hún og
telur almenning öflugasta vopnið í
baráttunni gegn krabbameinum.
Spurð að lokum hvort hún hafi
reynslu af krabbameini, annað-
hvort á eigin skinni eða einhverra
nákominna, svarar Ragnheiður:
„Eins og nær allir Íslendingar á
ég bæði vini og vandamenn, fólk
sem mér þykir afar vænt um, sem
hefur fengið þennan sjúkdóm. Sú
reynsla styrkir viljann til þess
að vinna fyrir Krabbameinsfélag
Íslands og gefur starfinu aukið
gildi.“ - gun
Hlakkar til að leggja sitt
af mörkum í baráttunni
„Ég er eindregið þeirrar skoðunar að samstarf þeirra sem vinna að baráttunni gegn
krabbameini og tengdum málum eigi að vera öflugt,“ segir Ragnheiður sem sendi
okkur þessa mynd af sér í skíðabrekkum austurrísku Alpanna. MYND/ÚR EINKASAFNI
Gunnar Eyjólfsson hefur stundað Qi gong leikfimi áratugum saman og kennir nú á
námskeiði tvisvar í viku hjá Krabbameinsfélagi Íslands. FRÉTTABLAÐIÐ/GVA
Hjá Krabbameinsfélagi Íslands er
boðið upp á Qi-gong leikfimi tvisv-
ar í viku. Leiðbeinandi á námskeið-
inu er leikarinn Gunnar Eyjólfsson
en hann kynntist Qi-gong þegar
hann meiddist í baki árið 1942 og
hefur stundað það síðan. Gunnar
segir Qi-gong þríþætt, skipta megi
því upp í hugleiðslu, heilsu og bar-
daga. Megininntakið sé að losa
sjálfan sig við spennu bæði and-
lega og líkamlega og leyfa orkunni
að flæða um líkamann.
„Hugleiðslan snýst um að gera
sig aðgengilegan í algerri kyrrð og
ró og hleypa orkunni að,“ útskýr-
ir Gunnar. „Bardaginn snýst ekki
um að sigra aðra heldur að segja
hingað og ekki lengra þegar sótt
er að þér. Það þarf ekki að segja
orkunni hvar þér líður illa, orkan
veit það. Ef fólk er á lyfjum styrk-
ist það jákvæða sem í lyfjunum er
við Qi-gong. Þá vinna efni og vit-
und saman svo flæðið verði jafnt
um líkamann og engin fruma verð-
ur útundan. Mér finnst virðingar-
vert af Krabbameinsfélaginu að
bjóða upp á þessa tíma og þeir hafa
verið mjög vel sóttir. “
Námskeiðið hófst nú eftir ára-
mótin og er leikfimin kennd tvisv-
ar í viku, á mánudögum og mið-
vikudögum klukkan hálf tólf í
húsnæði Krabbameinsfélagsins í
Skógarhlíð 8. - rat
Qi-gong losar um spennu
„Það skiptir mig öllu máli að geta
stundað fjallaklifur. Ég held að ég
sé hundleiðinlegur án þess,“ segir
Ágúst Kristján Steinarsson, sem
hyggst klífa sjö tinda svissnesku
og ítölsku alpanna, þar á meðal
Matterhorn og Eiger, í tíu daga ferð
í sumar ásamt þremur fjallafélög-
um sínum. Ágúst hefur verið með
stóma í tvö ár og lítur á ferðina sem
persónulega áskorun, sem einnig
getur reynst öðrum hvatning.
Ágúst greindist með krabba-
mein í ristli fyrir tveimur árum,
en þar áður hafði hann glímt við
sáraristilbólgur í fimm ár. „Ég hef
alltaf verið með fjallaþrá og byrj-
aði að klífa fjöll um það leyti sem
ég veiktist fyrst. Um árabil stund-
aði ég klifur eins og ég gat með
hliðsjón af veikindunum, en komst
ekki hvert sem ég vildi og gat til að
mynda alls ekki farið í svona ferð
eins og ég stefni á í sumar. Þetta er
auðvitað áskorun fyrir stómaþega,
en ég er til í tuskið,“ segir Ágúst,
sem leitar þessa dagana að fjár-
hagslegum stuðningi við ferðina
sem er nokkuð kostnaðarsöm.
Ágúst hvetur einnig alla til að
heita á sig í Mottumars-einstakl-
ingskeppni Krabbameinsfélags-
ins sem nú stendur yfir. „Ég er
búinn að safna í flotta „maverick“-
mottu,“ segir hann og hlær. „Ég
ákvað að gera þetta almennilega,
sérstaklega þar sem ég naut góðrar
aðstoðar frá Krabbameinsfélaginu
þegar ég var veikur,“ segir hann.
- kg
Fjallaklifrið skiptir öllu
Ágúst lítur á fjallgönguferðina í sumar sem persónulega áskorun sem einnig gæti
orðið öðrum hvatning. FRÉTTABLAÐIÐ/ANTON
● HVAÐ ER KRABBAMEIN? Einkenni krabbameins er að frumur
í tilteknum vef eða líffæri hætta að skynja sig sem hluta af heildinni, en
fara þess í stað að skipta sér óháð þörfum líkamans.
Annað einkenni á krabbameinsfrumum er að þær geta rutt sér leið
yfir í vefi sem liggja nálægt upprunastaðnum. Þannig geta þær komist
inn í sogæðar og blóðæðar og borist til fjarlægra vefja og líffæra ein-
staklingsins og einnig farið að valda skaða þar.
Orsökina fyrir hinni afbrigðilegu hegðun krabbameinsfruma
má rekja til truflana eða stökkbreytinga í erfðaefninu
(DNA) sem er í stjórnstöð frumunnar, kjarnanum.
Þekktir eru ýmsir þættir úr umhverfinu sem geta
valdið þessum truflunum, þar á meðal
eru tóbaksreykur, útfjólublá geislun
og tilteknar örverur.
ÍS
L
E
N
S
K
A
S
IA
.I
S
S
F
G
4
20
40
0
4.
20
08