Fréttablaðið - 22.03.2010, Page 40

24 22. mars 2010 MÁNUDAGUR
sport@frettabladid.is
FÓTBOLTI Íslenska landsliðið átti
ekki í teljandi vandræðum með að
leggja Færeyinga í gær. Leikurinn
endaði 2-0 en bæði mörkin komu í
fyrri hálfleik.
F yrst skoraði Matth ías
Vi lhjá lmsson með ska l la
eftir fyrirgjöf Arnórs Sveins
Aðalsteinssonar og svo bætti
Kolbeinn Sigþórsson við marki
af stuttu færi eftir undirbúning
Steinþórs Freys Þorsteinssonar.
„Það er frábært fyrst og fremst
að fá sigur og ekki leiðinlegt að ná
marki í fyrsta leik,“ sagði Kolbeinn
Sigþórsson sem var að spila sinn
fyrsta leik fyrir A-landsliðið.
„Manni hefur dreymt um að spila
fyrir Ísland og nú reynir maður að
halda bara þeirri stefnu að skora
sem mest fyrir landsliðið.“
Hann hefði með smá heppni
getað skorað fleiri mörk. „Ég fékk
þrjú mjög góð færi og hefði átt að
klára þau. En eins og ég segi var
númer eitt að ná sigri.
Við vorum talsvert betri í fyrri
hálfleiknum og hefðum átt að bæta
þriðja markinu við sem fyrst.
Þeir fengu síðan fín færi í seinni
hálfleik og við vorum heppnir að
fá ekki á okkur mark. En klárlega
sanngjarn sigur.“
Kolbeinn var sífellt ógnandi í
fremstu víglínu en íslenska liðið
var mun bitmeira fram á við en
það færeyska.
Baldur Sigurðsson kom inn fyrir
Matthías sem meiddist snemma í
seinni hálfleik og var Baldur ekki
búinn að vera lengi inná þegar
hann komst nálægt því að skora
en yfir fór boltinn.
Annar varamaður, Óskar Örn
Hauksson, fékk dauðafæri um
miðjan seinni hálfleik en náði að
skalla framhjá þegar í raun var
auðveldara að skora.
Simun Samuelsen, fyrrum
leikmaður Keflavíkur, fékk
besta færi gestana eftir mikinn
misskilning milli miðvarðana Jóns
Guðna Fjólusonar og Vals Fannar
Gíslasonar. Simun komst framhjá
Fjalari Þorgeirssyni í markinu en
náði ekki að nýta sér að markið var
opið og skotið fór framhjá.
Um 300 manns lögðu leið sína
í Kórinn í gær og var Kolbeinn
nokkuð sáttur við það. „Ég bjóst
við að færri myndu mæta þar
sem Liverpool og Manchester
eru að spila á sama tíma,“ sagði
Kolbeinn.
Íslenski hópurinn heldur nú
til Bandaríkjanna og leikur þar
vináttulandsleik gegn Mexíkó
seint á miðvikudagskvöld.
„Við förum í þann leik og ætlum
að reyna að stríða þeim. Seinast
þegar ég frétti var búið að selja
einhverja 75 þúsund miða og það
verður bara góð stemning.“
elvargeir@frettabladid.is
Markmið númer eitt var
að ná sigri og það tókst
Ísland vann sannfærandi 2-0 sigur á Færeyjum í Kórnum. Þegar liðin mættust á
sama stað fyrir ári unnu gestirnir en nú sýndi íslenska liðið betri leik.
STÖÐUGT ÓGNANDI Kolbeinn Sigþórsson átti flottan leik í Kórnum í gær og sýndi að
hann er framtíðarmaður í landsliðinu. FRÉTTABLAÐIÐ/PJETUR
„Við vorum betri aðilinn í þessum leik allan tímann,“ sagði
landsliðsþjálfarinn Ólafur Jóhannesson eftir leikinn gegn
Færeyjum. Hann var greinilega mjög sáttur við frammistöðu sinna
manna.
„Við áttum ekki í teljandi vandræðum. Þeir áttu eitt færi eftir
misskilning varnarmanna en annars var þetta mjög sanngjarnt.“
Íslenska liðið lagði upp með að pressa gesti sína. „Ég hefði
viljað að við hefðum átt möguleika á að vera aðeins rólegri á
boltanum. Spennustig leikmanna var mjög hátt og viljinn til
að vinna leikinn var mikill,“ sagði Ólafur. En hvaða leikmenn
stóðu upp úr að hans mati?
„Mér fannst allir leikmenn standa sig vel í þessum
leik. Leikjareynslan í hópnum er ekki mikil en
mér fannst Bjarni (Guðjónsson) og Valur Fannar
(Gíslason) sem eru reynslumeiri mennirnir í liðinu
stýra því mjög vel. Svo voru ungir strákar sem sýndu
frábæra takta.“
Ólafur hrósaði Kolbeini Sigþórssyni sem skoraði í sínum
fyrsta leik. „Það var mjög flott hjá honum að skora og hann
er greinilega mjög öflugur fótboltamaður. Hann verður
framtíðarmaður Íslands, ég er klár á því,“ sagði Ólafur sem
býst ekki við að breyta liði sínu og leikaðferð mikið fyrir
leikinn gegn Mexíkó á miðvikudaginn en hann fer fram í
Bandaríkjunum.
„Menn eru í erfiðu æfingaprógrammi hér á Íslandi og
eru þar að auki að fara í erfitt ferðalag. Þetta reynir á
menn en verður klárlega skemmtilegt enda búist við
fjölmörgum áhorfendum. Þessi leikur gegn Færeyjum
er fínt veganesti fyrir Bandaríkjaferðina.“
Geir Þorsteinsson, formaður KSÍ, greip inn í viðtalið
til að óska Ólafi góðrar ferðar til Bandaríkjanna. „Þú
veist að síðast þegar við vorum þarna úti fór 0-0,“
sagði Geir og brosti.
Ólafur var fljótur til svars: „Núna vinnum við 1-0.“
ÓLAFUR JÓHANNESSON LANDSLIÐSÞJÁLFARI: SIGURINN GEGN FÆREYJUM GOTT VEGANESTI TIL BANDARÍKJANNA
Bjarni og Valur Fannar stýrðu liðinu mjög vel
> Ólafur leitar skýringa
Ólafur landsliðsþjálfari var búinn að heyra af því að Eiður
Smári Guðjohnsen hefði verið staddur á hótelbar hér á
landi á sama tíma og hann fékk frí frá verkefni landsliðsins.
Hann fékk fríið til að einbeita sér að því að
vinna sér inn sæti í liði Tottenham og lék
því ekki vináttulandsleik gegn Kýpur.
Blaðamaður spurði Ólaf eftir
leikinn í gær hver næstu skref
í málinu verða. „Ég á eftir
að leita skýringa á þessu
máli og skoða það. Ég get
ekki svarað því fyrr,“ sagði
Ólafur.
Vináttulandsleikur
Ísland - Færeyjar 2-0
1-0 Matthías Vilhjálmsson (10.), 2-0 Kolbeinn
Sigþórsson (37.)
Lið Íslands: Gunnleifur Gunnleifsson (Fjalar
Þorgeirsson 46.), Skúli Jón Friðgeirsson
(Guðmundur Reynir Gunnarsson 88.), Valur
Fannar Gíslason, Jón Guðni Fjóluson, Arnór
Sveinn Aðalsteinsson, Bjarni Guðjónsson,
Guðmundur Kristjánsson, Matthías Vilhjálmsson
(Baldur Sigurðsson 49.), Steinþór Freyr
Þorsteinsson (Atli Guðnason 77.), Kolbeinn
Sigþórsson (Alfreð Finnbogason 84.), Jóhann
Berg Guðmundsson (Óskar Örn Hauksson 65.).
N1-deild karla
Grótta - Akureyri 29-26 (15-9)
Mörk Gróttu (skot): Hjalti Þór Pálmason 11 (14),
Anton Rúnarsson 5 (12/1), Jón Karl Björnsson
3/1 (7/2), Viggó Kristjánsson 3 (6), Atli Rúnar
Steinþórsson 2 (2), Ægir Hrafn Jónsson 2 (2),
Arnar Freyr Theodórsson 2 (4).
Varin skot: Magnús Sigmundsson 20 skot varin.
44%.
Hraðaupphlaup: 2 (Viggó, Ægir)
Fiskuð víti: 3 (Atli 2, Anton)
Utan vallar: 2 mín.
Mörk Akureyrar (skot): Árni Þór Sigtryggsson 5
(12), Hörður Fannar Sigþórsson 4 (7), Oddur
Grétarsson 3 (7), Andri Snær Stefánsson 2/6
(2/6), Jónatan Þór Magnússon 2/1 (6/1), Heimir
Árnason 2 (10).
Varin skot: Hörður Flóki Ólafsson 6/1. Hafþór
Einarsson 9/1.
Hraðaupphlaup: 6 (Hörður 2, Hreinn 2, Árni,
Andri)
Fiskuð víti: 7 (Hörður 3, Oddur, Halldór, Heimir,
Jónatan)
Utan vallar: 2 mín.
Dómarar: Ingvar Guðjónsson og Jónas Elíasson,
góðir.
STAÐAN:
Haukar 16 12 2 2 408-377 26
Akureyri 17 10 2 5 463-430 22
FH 16 9 1 6 453-426 19
HK 16 9 1 6 434-411 19
Valur 16 8 2 6 395-377 18
Grótta 17 5 0 12 424-458 10
Fram 16 4 1 11 412-447 9
Stjarnan 16 3 1 12 364-428 7
ÚRSLIT Í GÆR
HANDBOLTI Gróttumenn unnu í
gær sinn fyrsta deildarleik síðan
í desember þegar þeir lögðu lið
Akureyrar 29-26 í N1-deildinni.
Heimamenn voru með yfir-
höndina mestallan fyrri hálf-
leikinn og þungir norðanmenn
sem komu keyrandi frá Akureyri
virtust ekki eins klárir í slaginn
og Gróttu-liðið. Heimamenn voru
yfir í hálfleik 15-9 en það var vel
mætt í höllina á nesinu í gær þar
sem var boðið upp á grillaðar
pylsur og fleira.
Í síðari hálfleik fór að fær-
ast meira líf í leikinn og ljóst
að Rúnar Sigtryggsson, þjálf-
ari Akureyrar, las vel yfir leik-
mönnum sínum í leikhléi. Það
var allt annað að sjá liðið og það
minnkaði muninn minnst niður í
eitt mark í leiknum. Síðustu fimm
mínútur leiksins voru æsispenn-
andi og var jafnvel útlit fyrir
að Akureyri myndi stela sigrin-
um. Gróttu-liðið hefur ítrekað
tapað leikjum í blálokin í vetur
en svo var ekki að þessu sinni
og kláruðu þeir félagar dæmið
örugglega.
Hjalti Þór Pálmason fór mikinn
í liði heimamanna en hann skor-
aði ellefu mörk og átti frábæran
leik í gær. Magnús Sigmundsson,
markvörður Gróttu, átti einnig
góðan dag en hann varði tuttugu
skot í þessum langþráða sigri
þeirra Seltirninga.
„Það er búinn að vera stígandi í
liðinu og ég er búinn að bíða eftir
sigri í deildinni síðan í desember,”
sagði Hjalti Þór eftir leik.
„Við erum búnir að vera ótrú-
lega nálægt því að vinna marga
leiki en svo missum við þá frá
okkur í lokin. Þetta hefur verið
eitthvað sálrænt sem við höfum
ekki komist að hvað er. Þetta
drama í kringum að Halldór
tekur við Hauka-liðinu þjappar
okkur bara saman og gerir okkur
sterkari,“ bætti Hjalti við. - rog
Hjalti Þór Pálmason fór á kostum með Gróttu í gær þegar liðið vann langþráðan sigur í N1-deildinni:
Dramað kringum Halldór styrkir okkur
TEKINN FÖSTUM TÖKUM Gróttumaðurinn Anton Rúnarsson í gíslingu. FRÉTTABLAÐIÐ/PJETUR
HANDBOLTI „Eigum við ekki að
segja það að ferðalagið hafi setið
í leikmönnum,“ sagði Guðlaugur
Arnarsson, leikmaður Akureyr-
ar, eftir tapið gegn Gróttu. Þeir
félagar þurftu að keyra suður
þar sem flugið féll niður útaf
eldgosinu.
„Það er samt ekkert ástæðan
fyrir tapinu, þeir mættu bara
gríðarlega tilbúnir en við ekki.
Það var nú alveg vitað mál að þeir
myndi koma brjálaðir í þennan
leik. Það vantaði vörn og vantaði
góð skot. Þetta var bara það týp-
íska, þeir mættu meira tilbúnir en
við,“ sagði Guðlaugur. - rog
Guðlaugur Arnarsson:
Við mættum
ekki tilbúnir
BARÁTTA Gróttumenn voru meira tilbún-
ir í verkefnið í gær. FRÉTTABLAÐIÐ/PJETUR
HANDBOLTI Rhein-Neckar
Löwen vann nauman sigur á
Hannover Burgdorf 27-26 í þýska
handboltanum í dag. Hannover
var yfir stærstan hluta leiksins
og leiddi í hálfleik með tveggja
marka mun.
Snorri Steinn Guðjónsson átti
góðan leik og skoraði fimm mörk
fyrir Rhein-Neckar Löwen,
Ólafur Stefánsson var með
fjögur, þar af þrjú úr vítum.
Róbert Gunnarsson skoraði
sigurmark Gummersbach sem
lagði Grosswallstadt á útivelli
í þýska handboltanum 26-25.
Róbert skoraði alls þrjú mörk
í leiknum en sigurmarkið
kom þegar 30 sekúndur voru
eftir. Einar Hólmgeirsson og
Sverre Jakobsson léku með
Grosswallstadt en komust ekki á
blað. - egm
Fjör í þýska handboltanum:
Naumur sigur
RN Löwen
FIMM MÖRK Snorri Steinn átti góðan
leik í gær. NORDICPHOTOS/GETTY
FÓTBOLTI Cardiff vann 3-1 sigur
gegn Watford í ensku 1. deildinni
í dag. Heiðar Helguson lék allan
leikinn fyrir Watford og skoraði
mark liðsins í blálokin. Watford er
í 19. sæti deildarinnar og nálgast
fallsæti.
Aron Einar Gunnarsson kom
inn sem varamaður og lék síðasta
hálftímann fyrir Coventry sem
gerði 2-2 jafntefli við Leicester á
útivelli. - egm
Watford í harðri fallbaráttu:
Heiðar skoraði