Fréttablaðið - 03.04.2010, Blaðsíða 16

16 3. apríl 2010 LAUGARDAGUR
Þ
að er komið að vatna-
skilum í lífi þeirra
Ingu Maríu Friðriks-
dóttur og mannsins
hennar, fótboltakemp-
unnar Sigurðar Hall-
varðssonar. Sigurður hefur verið
útskrifaður af Grensási, þar sem
hann hefur verið í endurhæfingu
frá því í haust, þegar hann var í
þriðja sinn skorinn upp á höfði
vegna krabbameins í heila. Við það
lamaðist hann öðrum megin í lík-
amanum en hefur verið að vinna
upp kraftinn á ný. Strax eftir páska
eiga þau líka von á símtali sem á
eftir að ráða miklu um hvernig
næstu mánuðir lífs þeirra verða.
Þá fá þau niðurstöður úr rönt-
genmyndatöku af höfði Sigurðar.
Úrskurðinn um hvort erfið lyfja-
meðferð hans í kjölfar uppskurð-
arins hafi borið árangur.
Sex ár með krabbameini
Það eru sex ár frá því Sigurður
greindist fyrst með krabbamein í
höfði. „Á þessum tíma var pabbi
minn að deyja úr krabbameini,“
rifjar Inga María upp. „Ég hafði
pínt Sigurð upp á spítala í skoð-
un, eftir að hann hafði fengið flog.
Hann var farinn að heyra raddir
og fá skrýtið bragð í munninn, sem
eru dæmigerð einkenni um æxli í
heila. En hann hélt fyrst að hann
væri að breytast í sjáanda, frekar
en að það væri eitthvað að honum.
En svo fékk ég þetta símtal. Að
hann hefði greinst með æxli í heil-
anum. Það fyrsta var á við litla rús-
ínu. Næsta æxli var minna, en það
sem tekið var síðast var á við litla
mandarínu.“
Æxlið og geislameðferðin skildu
eftir sig holrými þar sem æxlið
hafði verið. Vitað er að ef fleiri
æxli myndast innan þessa holrýmis
verður það ekki fjarlægt aftur með
skurðaðgerð. Inga María er stoð-
in og styttan í veikindum manns-
ins síns. Fleiri hafa þó létt honum
lífið, eins og vinur hans Willum Þór
Þórsson, Keflavíkurliðið og synirn-
ir, sem sjálfir eru á kafi í fótbolta.
Þeir hjálpa honum að halda sér í
tengslum við raunveruleikann. Og
hann missir ekki af leik hjá Þrótti.
Engin rólegheit
Sigurður á ekki von á að koma
heim af Grensási í rólegheit og það
er ekki að ástæðulausu að Inga
María kallar heimili þeirra Egils-
höll. Til samans hafa þau alið upp
tíu börn. Sjálf eiga þau átta þeirra
en hafa auk þess tekið tvo unga
ömmudrengi í fóstur. Öll barna
Ingu Maríu hafa glímt við erfið-
leika, nema yngsti sonurinn sem
er ellefu ára og eina barnið sem
þau Sigurður eiga saman. Áður
en hann kom til hafði Inga María
verið ófrísk, en hún eignaðist and-
vana son eftir 28 vikna meðgöngu.
„Ég á 29 ára stelpu sem er mikið
hreyfihömluð. Hún er algjör hetja
og bjargar sér vel sjálf, með hjálp
frá móður minni og systur. Svo á
ég stelpu sem er 27 ára og er fík-
ill. Það eru synir hennar tveir, 6 og
4 ára, sem við erum búin að taka
að okkur, en sá eldri hefur verið
greindur með ADHD. Svo á ég 22
ára tvíbura, stelpu og strák. Hann
er með tourette á háu stigi og hún
er spastísk öðrum megin í líkam-
anum. Hann hefur lent í miklum
vandræðum í lífinu en er að rétta
sig við aftur. Hún er hörkudugleg
og er að læra sálfræði. Svo á Sig-
urður stelpu sem er 20 ára og tvo
stráka, 16 og 18 ára.“
Lífið er skemmtilegt
Algengt er að fólk súpi hveljur
þegar það heyrir af því hvaða þráð
örlögin hafa spunnið Ingu Maríu og
fjölskyldu hennar. Það segir Inga
María algjöran óþarfa, enda sé
þeim ekki nokkur vorkunn. „Þetta
er ekkert vandamál, þetta er bara
svona og ég er langt frá því að vera
buguð kona. Vandamál er eitthvað
sem kemur og hægt er að leysa. En
það er ekki svoleiðis með okkar
aðstæður. Flest af þessu getum við
ekki lagað og við verðum þá bara
að lifa með því. Og lífið er bara
skemmtilegt.“
Þó hefur hún auðvitað leit-
að svara við því af hverju henn-
ar fjölskylda fái svo rækilega að
finna fyrir heilsuleysinu. „Mér
hefur oft fundist eins og við séum
skítugu börnin hennar Evu. En svo
hugsa ég skýrt og minni sjálfa mig
á að ekkert af vandamálum barn-
anna minna er tengt. Elsta dótt-
ir mín fékk heilahimnubólgu sem
barn, sem skýrir hennar veikindi.
Næsta barn sem ég fæði er heil-
brigt að líkama, en reynist svo
mikill fíkill. Tvíburana fæddi ég
fyrir tímann því það var sýking í
legvatninu hjá stráknum. Það er
Þetta er engin vandamálasaga
Inga María Friðriksdóttir er kona sem fengið hefur að kynnast mörgum og misjöfnum hliðum á lífinu. Fyrir páska var maður-
inn hennar, fótboltakempan Sigurður Hallvarðsson, útskrifaður af Grensásdeild, þar sem hann hefur verið í endurhæfingu eftir
uppskurð vegna heilaæxlis. Inga María sagði Hólmfríði Helgu Sigurðardóttur ótrúlega baráttusögu sína og barna hennar, sem
mörg hver hafa glímt við erfið veikindi.
ENGIN VORKUNN Þrátt fyrir að Inga María og fjölskylda hafi þurft að takast á við mikil áföll í lífinu segir hún algjöran óþarfa að finna til með þeim. Lífið sé eftir sem áður skemmtilegt og hún sé langt frá því að vera
buguð kona. FRÉTTABLAÐIÐ/ANTON
STÓRFJÖLSKYLDA Inga María Friðriksdóttir og Sigurður Helgi Hallvarðsson hafa til samans alið upp tíu börn. Inga María stendur
hér fyrir aftan dóttur sína, Rakel. Við hlið hennar er Íris með yngri son sinn, Sölva Pál, í fanginu og þann eldri, Breka Stein, sér á
vinstri hlið. Katrín er næst, þá Hallvarður Óskar, Viktor, Aron, Snorri, Ágústa Marsibil og loks pabbinn, Sigurður Helgi.
FRÉTTABLAÐIÐ/ANTON