Fréttablaðið - 18.05.2010, Blaðsíða 14
14 18. maí 2010 ÞRIÐJUDAGUR
OPIÐ Í DAG FRÁ 9-17 - Komdu og reynsluaktu Volkswagen
Polo kostar aðeins frá
2.650.000 kr.
Volkswagen Polo
Golf kostar aðeins frá
3.720.000 kr.
Enn einn tímamótabíllinn af einni
vinsælustu bílategund allra tíma er
með 1,4TSI vél sem skilar 122 hö.
Útblástur aðeins 144 CO2 g/km
Volkswagen Golf
Passat EcoFuel® kostar aðeins frá
4.230.000 kr.
Eitt best geymda leyndarmálið í íslenskri umferð.
Lúxusbíll sem gengur fyrir innlendu metan-
eldsneyti og leggur frítt í stæði í Reykjavík.
Útblástur aðeins 119 CO2 g/km
Volkswagen Passat
Nýr og glæsilegur Alheimsbíll ársins
2010 og Bíll ársins í Evrópu er spar-
neytinn, umhverfisvænn og þægilegur.
Útblástur aðeins 128 CO2 g/km
SVEITARSTJÓRNIR „Af því að það vill enginn
axla ábyrgð ætla ég að gera það því ég er
náttúrulega ábyrgur sem kjósandi,“ segir
Kristján Sig. Kristjánsson rafvirkjameistari
sem sendi borgarstjóra bréf með ósk um að
verða vinsamlegast tekinn af kjörskrá fyrir
komandi kosningar.
„Ég kaus vitlausan flokk í síðustu kosning-
um. Nú vildi ég bara axla ábyrgð og segja af
mér kosningarétti. Þá getur enginn flokkur
röflað neitt í mér og beðið mig um að kjósa
sig því ég get bara sagt að ég sé ekki á kjör-
skrá,“ útskýrir Kristján.
Máli Kristjáns var vísað til umsagnar hjá
skrifstofustjóra borgarstjóra, Ólafi K. Hjör-
leifssyni, sem lagði til að beiðni Kristjáns
yrði synjað. Vitnaði Ólafur til laga um kosn-
ingar til sveitarstjórna þar sem kveðið sé á
um að sveitarstjórnum beri að gera kjör-
skrár á grundvelli upplýsinga úr þjóðskrá.
Óheimilt sé að taka einstakling af kjörskrá
sem uppfylli skilyrði til þess að vera þar.
Þessa niðurstöðu hefur borgarráð staðfest.
Kristján segist ósammála túlkun borgar-
yfirvalda og að hann íhugi nú hvort hann
fari lengra með mál sitt, til dæmis fyrir hér-
aðsdóm. „Þetta er aðeins þeirra skoðun og
ég tel þessa túlkun borgarinnar ekki byggða
á lögum. Ég vil meina að ég geti sagt mig af
kjörskrá eins og fólk getur sagt sig úr þjóð-
kirkjunni og öðru,“ segir hann og ítrekar að
hann sjái það sem varúðarráðstöfun af sinni
hálfu að vera tekinn af kjörskránni.
„Ég vil gera þetta til að standast þrýsting.
Það er aldrei að vita hvað maður gerir,
maður gæti fengið borgað eða fengið vinnu
eða eitthvað slíkt og þá er maður veikur
fyrir. Ég hef greitt þessum hrunflokkum
atkvæði og vil bara axla ábyrgð á því. Ef sú
brjálæðislega hugmynd skyldi koma upp hjá
mér að kjósa aftur þessa flokka þá yrði mér
hafnað. Ég gæti farið niður eftir og beðið
um kjörseðil en þá yrði bara sagt nei; þú
ert ekki á kjörskrá. Þannig að þetta er ein-
faldlega öryggisatriði,“ segir Kristján Sig.
Kristjánsson. gar@frettabladid.is
Kristján Sig. Kristjánsson segist vera ábyrgur kjósandi sem hafi kosið vitlausan flokk í síðustu kosnginum:
Óttast að hann kjósi sé nafnið á kjörskrá
KRISTJÁN SIG. KRISTJÁNSSON Vill afsala sér kosninga-
rétti til að axla sína ábyrgð og hindra að hann geti
kosið í næstu borgarstjórnarkosningum ef sú „brjálæð-
islega hugmynd“ skyldi ná tökum á honum, til dæmis
ef honum yrði boðin borgun eða vinna. FRÉTTABLAÐIÐ/GVA
SJÁVARÚTVEGUR Heildarafli
íslenskra skipa nam alls 79.680
tonnum í apríl 2010 samanborið
við 99.267 tonn í sama mánuði
árið áður.
Botnfiskafli dróst saman um
tæp 6.000 tonn frá apríl 2009
og nam 34.900 tonnum. Þar af
nam þorskaflinn tæpum 12.900
tonnum, sem er samdráttur um
4.000 tonn frá fyrra ári.
Ýsuaflinn nam tæpum 5.200
tonnum, sem er um 2.100 tonn-
um minni afli en í apríl 2009.
Afli uppsjávartegunda nam
tæpum 40.700 tonnum, sem er
um 14.700 tonnum minni afli en
í apríl 2009.
Nær eingöngu kolmunni
veiddist í mánuðinum, líkt og
undanfarin ár.
- shá
Heildarafli í apríl:
Töluvert minni
afli en í fyrra
EFNAHAGSMÁL Efnahagsvandi Grikkja, Portú-
gals og Spánar mun ganga af evrunni
dauðri. Þetta segir breski hagsöguprófess-
orinn Niall Ferguson í grein í nýjasta hefti
vikuritsins Newsweek.
Ferguson, sem síðustu vikur hefur boðað
dauða myntsamstarfsins, líkir Grikklandi
við bandaríska fjárfestingarbankann Leh-
mans Brothers, en fall hans um miðjan sept-
ember 2008 hratt fjármálakreppunni af
stað af fullum þunga. Ferguson bendir á að
margir evrópskir viðskiptavinir bankans
hafi lánað þeim grísku um 160 milljarða
evra, jafnvirði rúmra 25 þúsund milljarða
króna, auk þess sem bankar í Búlgaríu og
Rúmeníu reiði sig á endurfjármögnun frá
Grikklandi. Þrátt fyrir 110 milljarða evra
lán frá Alþjóðagjaldeyrissjóðnum og Evr-
ópusambandinu mun snarpur og sársauka-
fullur niðurskurður á fjárlögum gríska rík-
isins verða hinu opinbera ofviða og landið
lenda í óumflýjanlegu greiðsluþroti, að sögn
Fergusons.
Greiðslufall Grikkja mun svo hafa alvar-
legar keðjuverkandi afleiðingar í för með
sér, svo sem á Ítalíu og í Belgíu, að sögn
Fergusons, sem bendir á að áhrifanna gæti
nú þegar. Gengi evrunnar hafði í gær ekki
verið lægra gagnvart Bandaríkjadal í fjög-
ur ár. „Ef þetta heldur áfram er aðeins ein
leið í boði fyrir evruna, niður,“ segir hann.
- jab
Efnahagsvandi Grikkja snara um háls evrunnar:
Prófessor líkir Grikklandi við Lehman
RÆTT UM SKULDAVANDA Snarpur niðurskurður á
fjárlagahalla gríska ríkisins verður stjórnvöldum ofviða,
segir Niall Ferguson, sem hér situr lengst til vinstri.
FRÉTTABLAÐIÐ/AFP
Á HÁHESTI Íbúi í bænum Szendro
í Ungverjalandi ber dóttur sínum á
herðum sér yfir vatnsflauminn úr ánni
Bodva sem streymdi yfir bakka sína.
Borgin er um 200 kílómetra frá Búda-
pest. NORDICPHOTO/AFP