Fréttablaðið - 02.06.2010, Blaðsíða 19

Fjárhagslegri endurskipulagningu
Latabæjar er að ljúka og stefnir í
að Landsbankinn og Íslandsbanki,
lánardrottnar félagsins, verði
meðal stærstu eigenda.
Breska dagblaðið Telegraph
segir Magnús Scheving hafa þurft
að láta höfundarréttargreiðslur í
skiptum fyrir rúman 40 prósenta
eignarhlut í fyrirtækinu.
Þá er óvíst um örlög ann-
arra hlutahafa í Latabæ
en Telegraph hermir að
eignarhluti Gaums hafi
orðið að engu. Ekki náð-
ist í neinn hjá Latabæ
vegna málsins þegar
eftir því var leitað í
gær. - jab
Sögurnar... tölurnar... fólkið...
Jeffrey Sachs
Fimm leiðir í
þróunaraðstoð
8
Menntun
Fleiri þurfa
tæknimenntun
2
Kauphöllin
Reynslunni ríkari
eftir hrunið
6-7
Veffang: visir.is – Sími: 512 5000
H E L S T Í Ú T L Ö N D U M
Miðvikudagur 2. júní 2010 – 6. tölublað – 6. árgangur
Sjóðsstýringarfyrirtækið Fidel-
ity á nú sex prósenta hlut í stoð-
tækjafyrirtækinu Össuri og er
það þriðji stærsti hluthafinn, sam-
kvæmt flöggun í gærmorgun. Er-
lendir fjárfestar eru skráðir fyrir
64 prósentum hlutafjár.
Kaup fyrirtækisins staðfest-
ir þann áhuga sem erlendir fag-
fjárfestar hafa sýnt Össuri eftir
að félagið var skráð á hlutabréfa-
markað í Kaupmannahöfn síðasta
haust, að því er segir í umfjöllun
IFS Greiningar. Þar er jafnframt
bent á að kaupáhugi þar hafi verið
meiri en hér á sama tíma. - jab
Erlendir eiga
mest í Össuri
Uppstokkun í
Latabæ
Ármúla 30 • 108 Reykjavík
Sími 560 1600 • www.borgun.is
AUÐVELDAR VIÐSKIPTI
Borgun hefur sérhæft sig í öruggri greiðslumiðlun í 30 ár
Þekking okkar og reynsla nýtist viðskiptavinum á hverjum
degi, allan sólarhringinn.
Borgun býður:
Allar gerðir posa á hagstæðum kjörum
Öruggar lausnir fyrir vefverslanir
Skilvirka leið við innheimtu boðgreiðslna
Notendavæna þjónustuvefi
Hafðu samband í 560 1600 eða borgun@borgun.is og
fáðu tilboð í færsluhirðingu.
Óli Kristján Ármannsson
skrifar
Uppi eru ráðagerðir um að skyr, hangikjöt og önnur
séríslensk matvæli fái lögverndun þannig að ekki
megi kalla hvaða framleiðslu sem er þeim nöfnum.
Er það svipuð leið og farin hefur verið á Ítalíu til að
vernda vöruheitið parmaskinka og sömuleiðis hafa
Frakkar búið svo um hnúta að þau vín ein má kalla
kampavín, sem búin eru til eftir kúnstarinnar regl-
um í Champagne í Frakklandi.
„Hvaða verðmæti felast í matarhefðum Íslend-
inga?“ er yfirskrift málþings sem Ítalsk-íslenska við-
skiptaráðið, Slow Food samtökin og Matís, standa
fyrir síðdegis í dag. Þar kynnir Eygló Björk Ólafs-
dóttir, fyrir hönd Slow Food Reykjavík, verkefni til
kynningar á upprunalegum staðbundnum matvæl-
um. Slow Food samtökin starfa víða um heim, en eru
í grunninn ítölsk.
Eygló segir að verið sé að opna á ákveðnar leiðir
innan Evrópusamstarfsins til þess að vernda vöru-
heiti á borð við skyr eða hangikjöt. „Til eru bæði
formlegar og óformlegar leiðir í þessa átt og hægt að
slá ákveðna skjaldborg utan um þessar vörur,“ segir
hún, en hluti af því sem unnið er að innan Slow Food
er að skilgreina hvað skyr þurfi að hafa til þess að
mega kallast skyr. „Til eru ýmsar fljótvirkar aðferð-
ir sem notaðar eru í ýmsa framleiðslu í dag. Skyr.is
á til dæmis lítið skylt við upprunalega mynd skyrs-
ins,“ segir hún og kveður Slow Food nú vinna að því
að skrásetja vinnsluaðferðir og gerð skyrs eins og
það var áður fyrr og í upprunalegri mynd.
Vinna á borð við þá sem ráðist hefur verið í í tengsl-
um við skyrið segir hún að geti svo komið að gagni
þegar að því kemur að fá alþjóðlega vernd á vöruna,
en þar þurfi að koma til opinber afskipti, svo sem
fyrir tilstilli Matís. „Það þarf bara að hrinda þessu í
framkvæmd og kemur út úr úr þessu ákveðinn stimp-
ill sem menn geta notað.“ Vottun á vinnsluaðferðir
séríslenskra matvæla og uppruna segir Eygló svo
geta bæði hjálpað til við útflutning vörunnar og við
að laða ferðamenn til landsins.
Þóra Valsdóttir, verkefnastjóri hjá Matís, segir
vinnu við að vernda vöruheiti á borð við skyr til-
tölulega skammt á veg komna. „Við erum í grunn-
pælingum enn þá. Fólk þarf að vera sammála um
hvað er verið að fara fram á að fái vottun. En það er
kominn saman hópur sem er að skoða þessi mál og
vonandi hægt að ganga í þetta fljótlega,“ segir hún,
en kveðst þó ekki treysta sér til að giska á hversu
langan tíma þetta muni taka.
Þóra segir vinnuferlið í Evrópuvottun matvæla
byggja að hluta á að krafa um vottun „komi frá
grasrótinni“ en síðan geti stofnanir á borð við Matís
komið að málum. „En vonandi er þetta skref í þá átt
að auka umræðu um málið og fá fyrirtæki og ein-
staklinga til að skoða hvort þetta sé eitthvað sem
þeir vilja fara í,“ segir hún.
Skyrið gæti orðið
okkar parmaskinka
Unnið er að því að skilgreina eiginleika matvæla á borð við
skyr og hangikjöt. Það er fyrsta skrefið í að vernda vöru-
heitin, líkt og gert hefur verið fyrir ýmsa erlenda matvöru.
Evran nær nýjum lægðum
Evran náði nýjum lægðum gagn-
vart Bandaríkjadal í gær og hefur
ekki mælst verðminni í fjögur ár.
Hún taldist í gær jafnvirði 1,2112
dala um tíma, en skreið áður en
degi lauk upp í 1,2169. Í apríl árið
2006 komst hún niður í 1,2029.
Bréf í BP falla Hlutabréf í breska
olíufélaginu BP féllu um 15 prósent
á mörkuðum í London í gær eftir
að nýjasta tilraunin til að stöðva
olíulekann í Mexíkóflóa mistókst.
Fyrirtækið upplýsti að glíman
við olíulekann hafi til þessa kost-
að sem svarar um 126 milljörðum
króna. Hlutabréfin hafa lækkað
um þriðjung síðan slysið á olíubor-
pallinum á Mexíkóflóa varð upp úr
miðjum apríl.
Ryanair græðir Írska lággjalda-
flugfélagið Ryanair er í blússandi
gangi þrátt fyrir efnahagskreppu
og eldgosaraunir undanfarið, sem
hafa gert flestum öðrum flugfélög-
um í Evrópu lífið leitt. Hagnaður
félagsins frá apríl 2009 til mars-
loka í ár nemur 305,3 milljónum
evra. Þetta er mikill viðsnúning-
ur frá 169 milljón evra tapi síðasta
árs, þegar flugfélagið þurfti að af-
skrifa 222 milljónir evra af 30 pró-
senta hlut sínum í írska flugfélag-
inu Aer Lingus.