Fréttablaðið - 02.06.2010, Blaðsíða 36

MARKAÐURINN 2. JÚNÍ 2010 MIÐVIKUDAGUR10
H É Ð A N O G Þ A Ð A N
Tekinn var til kostanna KIA Sor-
ento BL jeppi. Í sem skemmstu
máli má segja að þar sé á ferðinni
allra snotrasti bíll, áferðarfalleg-
ur og fínn í flesta staði, en þó tæp-
ast í flokki forstjórabíla.
Þó er það svo sem ekki ytra
byrðið sem truflar heldur skortur
á ákveðnum lúxus inni í bílnum. Á
sætum er plussáklæði þegar betur
hefði farið á því að vera með leður
og aukinheldur eru allar stillingar
í höndunum, þegar maður hefði ef
til vill fremur búist við rafmagni
í sætum.
Sömu sögu er að segja úr mæla-
borði. Sjálfvirkur hitastillir er
ekki í bílnum og þótt mælir fyrir
ofan framrúðu sýni hitastig úti,
áttavita, hversu langt er hægt að
keyra á því eldsneyti sem er í bíln-
um og í hversu langan tíma, þá er
þar ekki að finna eyðslumæli.
Ef til vill hefur framleiðend-
um bílsins ekki þótt taka því, þar
sem hann er afar eyðslugrannur af
jeppa að vera. Vélin er enda ekki
mjög stór, tveir og hálfur lítri og
bíllinn gengur fyrir dísilolíu.
Bíllinn er sjálfskiptur og hægt
er með einföldum hætti að velja á
milli þess hvort ekið er eingöngu
í afturhjóladrifi, fjórhjóladrifi og
lágu fjórhjóladrifi. Þegar ekið er
með afl á tveimur eingöngu þá
virðist eyðslan jafnvel undir því
sem maður myndi búast við af
litlum japönskum bíl á borð við
Toyota Corolla. En það er þó ekki
nema tilfinning prufuökumanns
sem ræður því mati, lengri tíma
hefði þurft til að mæla eyðsluna. Í
skráningarskírteini er hins vegar
gefin upp meðaleyðsla í blönduð-
um akstri upp á 8,6 lítra. Hlýtur
það að vera vel sloppið.
Ekkert er þó undan kraftinum í
bílnum að kvarta og hrósa ber Kór-
eubúunum fyrir sjálfskiptinguna,
sem virðist eitthvað skyld því sem
Volvo notar í sína bíla. Hægt er að
smella til skiptistönginni og með
því að hnika henni upp eða niður
ráða því sjálfur í hvaða gír bíllinn
heldur sig. Þetta kemur sér einkar
vel vilji maður láta vélina halda við
niður langa brekku á við Kambana,
eða mótorbremsa þar sem maður
er á ferðinni. Með þessu má draga
enn frekar úr eldsneytisnotkun.
Upplifunin af akstrinum er
jeppaleg, bíllinn er fremur hastur
og maður finnur vel fyrir misfell-
um í veginum þegar hægar er ekið.
Á malarvegi er bíllinn þó stöð-
ugur og góður í fjórhjóladrifinu
og finnst minna fyrir misfellum
þegar hart er ekið yfir þær. Skrið-
stilli (e. cruise-control) er hagan-
lega fyrir komið í stýri bílsins og
er þægilegur við að eiga.
Hins vegar lætur nokkuð hátt í
vélinni í bílnum og vildi maður til
dæmis panta sér skyndibita á stöð-
um þar sem lagt er fyrir framan
hljóðnema áður en ekið er í lúgu
til að sækja bitann þá þyrfti öku-
maður að hækka nokkuð róminn
til að panta.
Heildarupplifunin af bílnum er
sú að hér sé jeppi sem hafi margt
að bjóða þótt íburður sé ekki mik-
ill. Líklegt að maður fá ágæt-
is gildi fyrir aurinn, en uppsett
verð er tæpar 3,7 milljónir króna.
Forstjórar í leit að bíl munu þó
kannski vilja svipast um eftir lúx-
usgerð jeppans, með leðursætum
og auknum búnaði, eða jafnvel hin-
kra og sjá hvernig nýjasta útgáfa
Sorento-jeppans, sem væntanleg er
til landsins í þessum mánuði gerir
sig. Grunnverð þess bíls er sagt
munu verða innan við sex millj-
ónir króna, en jeppinn hefur verið
endurhannaður, er bæði lengri og
rennilegri, auk þess sem sporvídd
hefur verið aukin. Þá er líka mun
meira lagt í innrými nýju gerðar-
innar og aukin þægindi. Framleið-
andinn segir áherslu lagða á auk-
inn kraft og aukna sparneytni.
Er þar væntanlega kominn bíll
sem verðskuldar nánari skoðun.
Vonandi bara að titringur ríkja á
Kóreuskaga tefji ekki að nýja línan
berist hingað.
KIA SORENTO BL 2007 Ekki er annað að sjá en að jeppinn kunni vel við sig á malar-
slóða á Hellisheiði. Framleiðandinn hefur látið til sín taka í samkeppni og var stigið stórt
skref hjá KIA þegar árið 2006 var ráðinn þangað einn áhrifamesti bílahönnuður heimsins,
Peter Schreyer, sem áður var hjá Volkswagen AG. MARKAÐURINN/ÓKÁ
YFIR HEIÐINA MEÐ ÓLA KRISTJÁNI
Snotur en ekki forstjórabíll
Óli Kristján
Ármannsson
blaðamaður
tekur til kostanna
notaða bíla og
metur hvort þeir
fái staðið undir
því að kallast
forstjórabílar.
KIA Sorento BL, árgerð 2007
Ásett verð: 3.690.000 krónur
Ekinn: 60.200 km
Lengd: 459,0 cm
Breidd: 186,5 cm
Litur: Svartur
Sætafjöldi: 5
Þyngd: 2.063 kg
Burðargeta: 607 kg
Slagrými: 2.497 cm3
Afl: 125,0 kW
Eldsneyti: Dísil
H E L S T U S T A Ð R E Y N D I R
Athygli ráðstefnur heitir nýtt
fyrirtæki sem um þessar mundir
haslar sér völl á sviði ráðstefnu-
halds. Að fyrirtækinu standa Birna
Björg Berndsen og Þórunn Dögg
Árnadóttir, sem báðar hafa mikla
reynslu á því sviði. Fyrirtækið
eiga þær til hálfs á móti almanna-
tengslafyrirtækinu Athygli.
Birna segir langt því frá að ráð-
stefnuhald hafi fallið niður þó svo
að hér hafi orðið hrun í efnahags-
lífinu. Þá sé Eyjafjallajökull hætt-
ur að gjósa og býst hún ekki við
nema tímabundnum áhrifum goss-
ins á ferðamennskuna. Hún segir
engan bilbug á þeim Þórunni að
finna. „Fagstéttir hætta ekkert
að hittast og tala saman. Svo er að
vissu leyti möguleiki á fleiri fund-
um og ráðstefnum í kreppu,“ segir
hún, enda þurfi fólk þá enn fremur
en áður að hittast til að tala saman.
„Það þarf jú að sjá hvað gerðist og
hvað er hægt að gera betur.“
Um leið telur Birna vandséð að
í heiminum sé annar staður betur
til þess fallinn að ræða efnahags-
kreppuna en hér á landi.
Aukin athygli tengd hruni og
eldgosi telur Birna að hjálpi frem-
ur til við að kynna landið og ýta
undir ráðstefnugeirann þegar
fram í sækir. Þá stefni í að að-
staða til funda og ráðstefnuhalds
batni enn með því að hér verður
á næsta ári opnað sérstakt ráð-
stefnuhús, Harpa við Reykjavíkur-
höfn. „Húsið kemur enda til með
að vekja mikla athygli.“
Birna segir þær stöllur bjartsýn-
ar á að hér fari allt upp aftur þrátt
fyrir tímabundna niðursveiflu.
Aukinheldur hjálpi lágt gengi
krónunnar til við að laða hingað
til lands ferðafólk.
Birna segir að þær Þórunn hafi
starfað saman í þessum geira í
um tólf ár. „Við sáum svo þennan
möguleika með Athygli þar sem
hægt er að samnýta ýmsa hluti,“
segir hún og nefnir sem dæmi al-
þjóðleg tengsl Athygli og svo verk-
efni á borð við útgáfu, umbrot,
hönnun og auglýsingasöfnun þar
sem samstarfið komi sér vel.
Um leið áréttar Birna að Athygli
ráðstefnur sé sérstakt fyrirtæki
sem þjónað geti hverjum sem er.
Frekari upplýsingar um fyrirtæk-
ið er að finna á slóðinni www.at-
hygliradstefnur.is. - óká
F Y R I R T Æ K I Ð
ALVANAR Í RÁÐSTEFNUGEIRA Þórunn Dögg Árnadóttir og Birna Björg Berndsen eru
í forsvari fyrir Athygli Ráðstefnur, nýtt fyrirtæki sem nú haslar sér völl í utanumhaldi og
skipulagningu ráðstefna. Fréttablaðið/GVA
Í kreppu þarf enn
frekar að ræðast við
Ú R F O R T Í Ð I N N I
Fátt er hvimleiðara en að húka
inni fastur við vinnu þær fáu
stundir sem sólin glennir sig á
Íslandi. Villi Þór rakari lét það
ekki stöðva sig í júlí 1974. Hann
dró rakarastólinn út á stétt og lét
sólina sleikja sig og viðskipta-
vininn um leið og hann mund-
aði skærin.
Í klippingu í sólinni
„Það er gaman að sjá íslenskt hugvit fara út fyrir
landsteinana og farsíma öðlast framhaldslíf,“
segir Bjartmar Alexandersson, framkvæmdastjóri
Grænnar framtíðar.
Fyrirtækið innsiglaði í gærmorgun samning við
færeysku fjarskiptafyrirtækin Føroya Tele og Voda-
fone ásamt verslunum á eyjunum um endurvinnslu á
farsímum. Íbúar Færeyja eru rúmlega fimmtíu þús-
und og telur Bjartmar að þeir eigi nær allir farsíma.
Þá eru ótaldir þeir gagnslausu símar sem liggja ofan
í skúffum landsmanna en þeir ekki komið frá sér
þar sem ekki bjóðast margir möguleikar til að koma
græjunum í lóg.
Farsímarnir sem Færeyingar skila framvegis í
endurvinnslukassa Grænnar framtíðar eru send-
ir til fyrirtækja í Evrópu sem nýta íhluti úr þeim
til að búa til nýja síma. Þeir eru síðan seldir á lágu
verði til íbúa þróunarlandanna.
Mikill áhugi er á framtakinu ytra, að sögn Bjart-
mars en Annika Olsen, innanríkis- og umhverfis-
ráðherra Færeyja, var viðstödd þegar Bjartmar
kynnti samninginn í húsakynnum Føroya Tele í
gærmorgun. Hann færði henni ösku úr Eyjafjalla-
jökli að gjöf.
Græn framtíð hefur gert sambærilega samninga
um endurvinnslu farsíma og annarra smáraftækja
hér og standa samningaviðræður yfir við Grænlend-
inga. - jab
Græn framtíð í færeyskum farsímum
FYRSTI FARSÍMINN Annika Olsen, innanríkis- og
umhverfisráðherra Færeyja, sýnir endurvinnslu á farsímum
mikinn áhuga. Hún setti fyrsta farsímann í endurvinnslu í gær.