Fréttablaðið - 11.06.2010, Blaðsíða 4
4 11. júní 2010 FÖSTUDAGUR
FANGELSISMÁL Ísland kemur mjög
vel út í samanburði við aðrar Norð-
urlandaþjóðir hvað varðar endur-
komur brotamanna í fangelsi. Lang-
algengast er, að ungir þjófar komi
aftur.
Þetta sýnir ný norræn saman-
burðarrannsókn sem Fangelsis-
málastofnun kynnti í gær. Þá sýna
niðurstöður rannsóknarinnar að því
er ekki þannig farið, eins og marg-
ir telja, að mikill meiri hluti þeirra
sem afplána refsingu í fangelsum
brjóti af sér á ný og komi fljótlega
inn til afplánunar aftur.
Á Íslandi eru um 50 fangar á
hverja 100 þúsund íbúa en um 70 á
hinum Norðurlöndunum, að því er
fram kom í máli Erlends S. Baldurs-
sonar, afbrotafræðings hjá Fangels-
ismálastofnun, sem kynnti skýrsl-
una. Kostnaður við hvern fanga á
ári er 8.8 milljónir króna.
Rannsóknin fór fram með þeim
hætti að mælt var hversu margir
af þeim sem látnir voru lausir árið
2005, eftir afplánun fangelsisrefs-
ingar, höfðu fengið nýjan refsidóm
innan tveggja ára. Sama athugun
var gerð á þeim sem hófu samfé-
lagsþjónustu 2005 eða sættu öðrum
úrræðum utan fangelsa eins og raf-
rænu eftirliti.
Noregur reyndist hafa fæstar
endurkomur þeirra sem luku afplán-
un fangelsisrefsinga. Ísland var þar
í öðru sæti. Enn fremur sýndu nið-
urstöðurnar að fæstir Íslendingar
sem afplánuðu refsingu utan fang-
elsis hlutu dóm innan tveggja ára.
Noregur og Ísland komu best út úr
þessum samanburði en Svíþjóð og
Finnland verst.
Í máli Erlends kom fram að hluti
skýringar á þeim mikla mun sem er
á endurkomum þeirra sem afplánað
hafa fangelsisrefsingu sé væntan-
lega sá að fangahóparnir á Norður-
löndum séu misjafnlega samsettir.
Erlendur nefndi sem dæmi að um
átta prósent fanga í Finnlandi sitji til
dæmis inni fyrir hraðakstur. Stærð
og gerð fangelsa, framkvæmd refs-
inga, starfsfólk, meðferðarmögu-
leikar og fleira hafi einnig áhrif
á endurkomu. Rannsóknin leiddi í
ljós að þeir sem dæmdir eru fyrir
ofbeldisbrot, kynferðisbrot og fíkni-
efnabrot koma sjaldnar aftur heldur
en þeir sem dæmdir hafa verið fyrir
þjófnað og umferðarlagabrot. Brota-
menn sem koma aftur koma yfirleitt
ekki fyrir brot af sama tagi og fyrr.
Kynferðisbrotamenn eru ólíklegast-
ir til þess að vera dæmdir að nýju
fyrir kynferðisbrot. jss@frettabladid.is
Í frétt um styrkjamál Sigurðar Kára
Kristjánssonar í gær sagði á einum
stað að kostnaður við prófkjör hans
hefði verið 6,7 milljónir króna. Þar átti
að standa að Sigurður hefði þegið
styrki fyrir 4,7 milljónir, eins og kom
fram á öðrum stöðum í fréttinni.
LEIÐRÉTTING
Algengast að ungir
þjófar komi aftur
Ísland kemur mjög vel út í samanburðarrannsókn á endurkomum brotamanna
í fangelsi, sem gerð var á öllum Norðurlöndunum. Í heildina er það með bestu
útkomuna ásamt Noregi. Langalgengast er að ungir þjófar komi aftur.
KJARAMÁL Kjaramálanefnd
Sjúkraliðafélagsins krefst þess að
frystingu launa sjúkraliða verði
aflétt. Launin hafi staðið í stað
síðan samningar urðu lausir fyrir
14 mánuðum síðan. Í yfirlýsingu
nefndarinnar frá því í gær segir
meðal annars að félagsmálaráð-
herra lýsi opinberum kvennastétt-
um stríði á hendur með launafryst-
ingu.
Gagnrýnt er að ráðherra skapi
hefðbundin karlastörf með bygg-
ingu húsa eins og nýs sjúkrahúss
og greiði þau störf með frystingu
launa og kjaraskerðingu sjúkraliða
og annarra láglaunastétta. - sv
Sjúkraliðar krefjast aðgerða:
Vilja aflétta
launafrystingu
DÓMSMÁL Ungur maður hefur
verið dæmdur í tveggja ára fang-
elsi fyrir nauðgun. Hann var
jafnframt dæmdur til að greiða
fórnarlambinu 800 þúsund krón-
ur í miskabætur.
Umræddir einstaklingar höfðu
verið ásamt fleirum í gleðskap í
heimahúsi. Stúlkan, sem nauðg-
að var, varð ölvuð og sofnaði inni
í herbergi. Hún vaknaði við að
maðurinn var í rúminu hjá henni
og var að koma fram vilja sínum.
Stúlkan hrinti honum þá ofan af
sér.
Hún fór á neyðarmóttöku fyrir
þolendur nauðgana. Maðurinn og
stúlkan þekktust ekki. -jss
Nær milljón í bætur:
Tvö ár fyrir að
nauðga stúlku
DÓMSMÁL „Úrskurðurinn er mikil
vonbrigði fyrir Landsvirkjun,“
segir Ragna Sara Jónsdóttir, yfir-
maður samskiptasviðs.
Verktakafélagið Glaumur ehf.
og Árni Helgason ehf. voru saman
lægstbjóðendur í upphafsverk
Búðarhálsvirkjunar en var synj-
að af Landsvirkjun sökum þess að
fyrirtækin uppfylltu ekki skilyrði
útboðsgagna um hæfni. Lægstbjóð-
endur lögðu fram kæru á hendur
Landsvirkjun á þeim grundvelli að
bjóða hefði átt verkið út á Evrópska
efnahagssvæðinu (EES). Kæru-
nefnd útboðsmála féllst á kröfuna
sem Ragna Sara segir orsaka enn
frekari tafir í framkvæmdum, en
fyrst var áritaður samningur um
byrjun framkvæmda í Búð-
arhálsvirkjun árið
2001.
„Ferlið sem fylg-
ir því að bjóða út
verk á Evrópska
efnahagssvæðinu
er tímafrekt og
mun seinka fram-
kvæmdaferlinu á
þann hátt að það
verður í fyrsta lagi hægt að byrja
við Búðarhálsvirkjun á haustmán-
uðum þessa árs,“ segir hún.
Ekki er vitað um fjárhagslegt
tjón Landsvirkjunar vegna
málsins að svo stöddu, en
öll verk sem uppfylla
kröfur verða nú fram-
vegis boðin út til EES.
- sv
Kærunefnd úrskurðar Landsvirkjun brotlega í útboði á Búðarhálsvirkjun:
Gert að bjóða út verk á EES
LANDSVIRKJUN Dæmt í
útboðsmáli á Búðarháls-
virkjun og Landsvirkjun
þarf að fresta fram-
kvæmdum.
VEÐURSPÁ
Alicante
Basel
Berlín
Billund
Frankfurt
Friedrichshafen
Gautaborg
Kaupmannahöfn
Las Palmas
London
Mallorca
New York
Orlando
Ósló
París
San Francisco
Stokkhólmur
HEIMURINN
Vindhraði er í m/s.
Hitastig eru í °C.
Gildistími korta er um hádegi.
26°
30°
31°
16°
29°
27°
18°
18°
21°
18°
25°
23°
36°
18°
25°
22°
15°Á MORGUN
8-13 m/s SV-til,
annars hægari.
SUNNUDAGUR
3-8 m/s.
14
12
12
5
13
10
10
8
8
11
6
8
4
3
3
3
4
8
15
3
7
5
18
12
12
18
16
10
12
12
12
16
18
HELGARVEÐRIÐ
Frábært veður á
Norður- og Austur-
landi þessa helgina
en þar verður bjart
og allt að 18°C.
Annars verður ekki
hægt að kvarta
mikið yfi r veðrinu
í öðrum landshlut-
um nema hugsan-
lega á suðvestur-
horninu um tíma á
morgun en veður
batnar til muna
annað kvöld.
Elísabet
Margeirsdóttir
veður-
fréttamaður
HEILBRIGÐISMÁL Fimm hjálpar-
starfsmenn á vegum Rauða
krossins eru nú að störfum á
Haítí. Alls hefur 21 Íslendingur
starfað fyrir Rauða krossinn þar
frá því að jarðskjálfti reið yfir
fyrir nokkrum mánuðum.
Gunnar Helgason hjúkrunar-
fræðingur bættist í gær í hóp
hjálparstarfsmannanna. Þeir
starfa allir á sjúkrahúsi á vegum
finnska og þýska Rauða krossins.
Fyrir í Port-au-Prince eru Mar-
grét Rögn Hafsteinsdóttir, Odd-
fríður Ragnheiður Þórisdóttir og
Elín Jakobína Oddsdóttir hjúkr-
unarfræðingar, og Kristjón Þor-
kelsson sendifulltrúi. - þeb
Rauði kross Íslands:
Fimm starfs-
menn á Haítí
HAÍTÍ Mikil neyð er enn á Haítí eftir að
jarðskjálftinn reið þar yfir fyrir fimm
mánuðum.
FRÉTTABLAÐIÐ/AP
DÓMSMÁL Hjón voru í gær dæmd
til að borga sekt fyrir að hafa
notað litaða díselolíu í stað venju-
legrar díselolíu. Þau voru dæmd í
Héraðsdómi Suðurlands fyrir að
hafa gerst brotleg við lög um olíu-
gjald og kílómetragjald.
Hjónin voru stöðvuð af lög-
reglu á Hrísmýri á Selfossi í
janúar síðastliðnum.
Hjónin voru bæði tvö dæmd til
þess að greiða 200 þúsund krón-
ur í sekt eða samanlagt fjögur
hundruð þúsund. - þeb
Brutu lög um olíugjald:
Dæmd fyrir
litaða dísilolíu
UMHVERFISMÁL Norðurlandaráð
veitti nýverið þremur bönkum
náttúru- og umhverfisverðlaunin
2010. Merkur Andelskasse, Ekob-
anken og Cultura Bank fengu
verðlaunin fyrir græna og sjálf-
bæra stefnumótun.
Afhenda á verðlaunin á Norð-
urlandaráðsþinginu sem haldið
verður í Reykjavík í byrjun nóv-
ember, að því er segir í tilkynn-
ingu ráðsins. Í fyrra fékk sænska
verkefnið „Í öllu veðri“ verðlaun-
in og íslenska fyrirtækið Marorka
árið 2008. - óká
Bankar fá umhverfisverðlaun:
Sagðir grænir
og sjálfbærir
SAMANBURÐARSKÝRSLA KYNNT Þau kynntu niðurstöður samnorrænu rannsókn-
arinnar, frá vinstri: Hafdís Guðmundsdóttir skrifstofustjóri, Erlendur S. Baldursson
afbrotafræðingur og Páll E. Winkel forstjóri Fangelsismálastofnunar.
Norðmenn standa sig best
Danmörk Finnland Ísland Noregur Svíþjóð
Hlutfall fanga sem fengu dóm innan 2 ára eftir lausn
29% 36% 27% 20% 43%
Fengu dóm innan 2 ára eftir að samfélagsþjónusta hófst
22% 25% 16% 21% 20%
Endurkomur alls 26% 31% 24% 20% 30%
AUGLÝSINGADEILDIR FRÉTTABLAÐSINS – AUGLÝSINGASTJÓRI: Jón Laufdal jonl@frettabladid.is ALMENNAR SÍMI 512-5401: Hendrik Sigurðsson hendrik@frettabladid.is, Guðmundur Steinsson gudmundurs@365.is, Laila Awad laila@365.is, Örn Geirsson orn.geirsson@365.is, Hjördís Zoëga hjordis@frettabladid.is
ALLT SÍMI 512-5402: Jóna María Hafsteinsdóttir jmh@365.is, Henný Árnadóttir henny@365.is, Þórdís Hermannsdóttir thordish@365.is SÉRBLÖÐ SÍMI 512-5016: Sigríður Sigurbjörnsdóttir sigridurdagny@365.is, Hlynur Þór Steingrímsson hlynurs@365.is, Bjarni Þór Sigurðsson bthor@365.is, Benedikt Freyr Jónsson benediktj@365.is
RAÐAUGLÝSINGAR /FASTEIGNIR SÍMI 512-5403: Hrannar Helgason hrannar@365.is, Viðar Ingi Pétursson vip@365.is ÞJÓNUSTUAUGLÝSINGAR SÍMI 512-5407: Sigrún Helga Guðmundsdóttir sigrunh@365.is, Arna Rut Kristinsdóttir arnarut@365.is
GENGIÐ 10.06.2010
GJALDMIÐLAR KAUP SALA
HEIMILD: Seðlabanki Íslands
214,077
GENGISVÍSITALA KRÓNUNNAR
129,89 130,51
189,98 190,90
156,54 157,42
21,039 21,163
19,836 19,952
16,343 16,439
1,4223 1,4307
189,53 190,65
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
Uppskriftin að föstudagspizzunni er á gottimatinn.is
grilluð föstudagspizza!
VEISTU SVARIÐ?