Fréttablaðið - 11.06.2010, Blaðsíða 12

12 11. júní 2010 FÖSTUDAGUR
HOLLAND „Hið ómögulega gerðist,“
sagði Geert Wilders, leiðtogi
þjóðernissinna í Hollandi. „Við
unnum stærsta sigur kosning-
anna. Við viljum í stjórn.“
Wilders hefur boðað harða
stefnu gegn innflytjendum,
einkum þó múslímum, og hefur
hvað eftir annað lýst trúarritum
múslíma sem fasískum. Ljóst er
að aðrir flokkar vilja helst ekki
hafa hann með sér í stjórn.
Stærsti flokkur þingsins eftir
kosningarnar er Þjóðarflokkur
frjálslyndra íhaldsmanna. Mark
Rutte, leiðtogi flokksins, lýsti því
yfir í gær að hann fengi umboð
til stjórnarmyndunar.
Verkefnið verður þó ekki auð-
velt. Þriggja flokka hægristjórn
næði til dæmis ekki meirihluta á
þingi, auk þess sem stefna Wild-
ers er of umdeild til að slík stjórn
stæði sterk að vígi.
Líklegasta niðurstaðan virðist
sem stendur vera sú, að stærstu
flokkarnir tveir, Kristilegir
demókratar og Verkamanna-
flokkurinn, reyni að mynda
breiða miðjustjórn með þátttöku
Vinstri grænna og Demókrata 66.
Samtals hefði sú stjórn 81 þing-
mann.
Leiðtogi Kristilega demókrata-
flokksins, Jan Peter Balkanende
forsætisráðherra, sagði af sér
strax á miðvikudagskvöld þegar
ljóst var orðið að flokkurinn
hefði beðið afhroð í kosningun-
um. Í gær tók síðan Maxime Ver-
hagen við leiðtogaembættinu af
honum. gudsteinn@frettabladid.is
HEILBRIGÐISMÁL Mælingar Mat-
vælastofnunar og Hafrannsókna-
stofnunar á eitruðum þörungum
í sjó sýna að talsverð hætta er á
þörungaeitrun við neyslu á skel-
fiski úr Hvalfirði.
Á svæðum þar sem eiturþör-
ungar greinast í sjó er ávallt
hætta á að skelfiskur innihaldi
þörungaeitur. Fólki er því ráð-
lagt að forðast neyslu á skelfiski,
til dæmis kræklingi, frá þeim
svæðum þar sem mælingar
sýna að eiturþörungar eru yfir
viðmiðunarmörkum. - jss
Hætta á þörungaeitrun:
Vara við neyslu
á skelfiski
GERÐUR ÚR HERÐATRJÁM
Þessi ófrýnilega vera ku vera gerð úr
herðatrjám eingöngu, en er partur af
sumarsýningu Konunglega listaháskól-
ans í London. NORDICPHOTOS/AFP
VERSLUN Nærri lætur að ein íslensk
plata hafi verið seld á hvert manns-
barn hér á landi í fyrra, samkvæmt
tölum frá Félagi hljómplötufram-
leiðanda. Er það litlu minna en
árið áður og hljómplötusala virðist
halda velli, þrátt fyrir árferðið.
Alls seldust 310 þúsund íslensk-
ar hljómplötur 2009, en árið 2008
voru þær um 317 þúsund. Sam-
dráttur milli ára nemur um 2 pró-
sentum, hvað eintök varðar, en
5 prósentum í verðmæti. Einka-
neysla hefur dregist saman í kjöl-
far bankahrunsins, um 7,8 pró-
sent árið 2008 og 14,6 prósent í
fyrra. Það virðist hins vegar ekki
hafa haft áhrif á hljómplötukaup
landans. Heildarsöluverðmæti
íslenskra hljómplatna árið 2009
var um 407 milljónir, en var 428
milljónir árið áður.
Í tilkynningu frá Félagi hljóm-
plötuframleiðenda segir Ásmund-
ur Jónsson, formaður félagsins, að
þetta séu mjög jákvæð tíðindi fyrir
íslenskt tónlistarlíf og gefi vonandi
fyrirheit um gott íslenskt tónlistar-
sumar. Það sé nú þegar hafið með
útgáfu fjölda hljómplatna.
Ólíkt er á komið hvað varðar
sölu á erlendum plötum, en hún
hefur dregist verulega saman
síðastliðin ár. - kóp
Efnahagshrun og ólöglegt niðurhal hafa ekki áhrif á plötusölu hérlendis:
Ein plata á hvert mannsbarn
PLÖTUBÚÐ Um það bil ein íslensk plata
var seld á hvert mannsbarn hér á landi á
árinu 2009.
Wilders vill í stjórn
en mætir andstöðu
Stjórnarmyndun verður erfið í Hollandi eftir kosningarnar í gær. Stærstu tíðind-
in eru stórsigur þjóðernisflokks Geerts Wilders, sem vill ólmur í stjórn landsins
þótt aðrir flokkar vilji helst ekki hafa hann með. Rutte er með umboðið.
MARK RUTTE Líklega næsti forsætisráð-
herra. NORDICPHOTOS/AFP
GEERT WILDERS Leiðtogi þjóðernissinna
fagnar sigri og vill ólmur í stjórn.
NORDICPHOTOS/AFP
Óvíst er hvaða áhrif kosningaúrslitin hafa á Icesave-málið, sem hefur að
mestu verið í biðstöðu frá því að Íslendingar höfnuðu samningnum við
Breta og Hollendinga í þjóðaratkvæðagreiðslu 6. mars. Ný stjórn gæti haft
aðra stefnu í málinu en sú fyrri sem vildi ljúka málinu á svipuðum nótum og
gert var í samningnum sem Íslendingar felldu.
Afgreiðsla ráðs Evrópusambandsins á aðildarumsókn Íslands hefur einnig
dregist, meðal annars vegna þingkosninganna í Bretlandi í síðasta mánuði
og síðan Hollandi í gær. Eftir helgi kemur í ljós hvort afgreiðsla umsóknar-
innar verður sett á dagskrá fundar leiðtogaráðs ESB næstkomandi fimmtu-
dag, sem er 17. júní. Þótt ný stjórn verði hugsanlega ekki tekin til starfa í
Hollandi fyrir 17. júní er almennt reiknað með að málið verði afgreitt á fundi
ráðsins þann dag. Næsti fundur leiðtogaráðsins verður ekki fyrr en í haust.
Áhrif á Ísland
Úrslit þingkosninganna í Hollandi
Flokkur Stefna Leiðtogi Þingsæti Fylgi
Þjóðarflokkur Frjálslyndur íhaldsflokkur Mark Rutte 31 20,4
Verkamannaflokkurinn Sósíaldemókratar Job Cohen 30 19,6
Frelsisflokkurinn Þjóðernisflokkur Geert Wilders 24 15,5
Kristilegir demókratar Kristilegir demókratar Maxime Verhagen 21 13,7
Sósíalistaflokkur Lýðræðislegur sósíalismi Emile Roemer 15 9,9
Demókratar 66 Frjálslynd félagshyggja Alexander Pechtold 10 6,9
Vinstri-græn Umhverfisstefna Femke Halsema 10 6,6
Kristilegt bandalag Kristilegir demókratar André Rouvoet 5 3,2
Endurbætti flokkurinn Flokkur kalvinista Kees van der Staaij 2 1,8
Flokkur í þágu dýra Dýravernd Marianne Thieme 2 1,3
Það er algjör óþarfi að missa af einni einustu mínútu á HM. Með áskrift að Stöð 2 sport 2 tryggir þú þér alla leiki
keppninnar, kvölds og morgna, á þremur rásum samtímis. Fjörleg og fróðleg umfjöllun bestu sparkspekinga
þjóðarinnar tryggir þér hámarks ánægju af þessari einstöku keppni.
leikir
í beinni
allir 64 leikirnir á hliðar-
rásum allan sólarhringinn
alvöru
u
p
p
lifu n
VILDARÁSKRIFT AÐ STÖÐ 2 SPORT 2 INNIHELDUR 512 5100 STOD2.IS VERSLANIR VODAFONE VERSLANIR OG ÞJÓNUSTUVER SÍMANS 800 7000
allt að fjórum sinnum meiri myndgæðidýpri litir aukin skerpa
ALLIR LEIKIR Í HD
VEISLAN HEFST Í KVÖLD
hm 442 með rögnu lóu og loga
bergmann alla leikdaga kl: 21:00
reynslumestu mennirnir
lýsa leikjunum
MENNING Eistar ætla að halda
Íslandsdag hátíðlegan 21. ágúst
2011. Þetta kom fram í máli
Toomas Ilves, forseta Eistlands,
á Bessastöðum í gær en hann er í
opinberri heimsókn á Íslandi.
Á næsta ári verða liðin tuttugu
ár síðan Eistar endurheimtu sjálf-
stæði sitt. Af því tilefni verða
mikil hátíðahöld í landinu sem ná
hámarki 20. ágúst, daginn sem
Eistar lýstu formlega yfir sjálf-
stæði. Íslendingar viðurkenndu
sjálfstæði landsins strax daginn
eftir, fyrstir þjóða.
Þetta tilefni og sú staðreynd
að Tallinn, höfuðborg Eistlands,
verður ein af menningarborgum
Evrópu á næstu ári, verður hald-
inn Íslandsdagur í borginni.
Íslenskri tónlist, list og menningu
verður gert hátt undir höfði. - mþl
Tuttugu ár frá sjálfstæði:
Íslandsdagur í
Eistlandi
Banna reykingar
Borgarstjórnin í Alexandríu ætlar að
banna reykingar í opinberum bygg-
ingum og á opnum svæðum í borg-
inni. Þetta er í fyrsta sinn sem Egyptar
setja reykingabann. Egyptar reykja
mest arabaþjóða eða um 19 milljarða
af sígarettum á degi hverjum.
EGYPTALAND
Framlengja varðhald
Óskað verður eftir framlengingu
gæsluvarðhalds yfir Ellert Sævarssyni
sem grunaður er um að hafa banað
karlmanni á sextugsaldri í maí. Gæslu-
varðhald yfir Ellert rennur út 14. júní.
LÖGREGLUFRÉTTIR
Arnarungi kemst á legg
Útungun í arnarhreiðri sem Arnarset-
ur Íslands fylgist með tókst í ár. Fylgst
hefur verið með hreiðrum í Reykhóla-
hreppi með vefmyndavél í tvö ár, en í
fyrra misheppnaðist útungunin.
VESTFIRÐIR