Fréttablaðið - 11.06.2010, Blaðsíða 16
16 11. júní 2010 FÖSTUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
MENNING: Páll Baldvin Baldvinsson fulltrúi ritstjóra pbb@frettabladid.is HELGAREFNI: Anna Margrét Björnsson amb@frettabladid.is og Sigríður Björg Tómasdóttir sigridur@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Kæra Ragna Árnadóttir dómsmálaráð-herra
Síðastliðið haust átti ég frumburð minn
í tvennum skilningi. Fyrst gaf ég út mína
fyrstu bók, um ofbeldi á Íslandi. Hálfum
öðrum sólarhring síðar fæddist sonur minn.
Fyrsti dagurinn í lífi mínu sem móðir, 18.
september 2009, hófst á kaffibolla og Frétta-
blaðinu á fæðingardeild Landspítalans. Þar
las ég viðtal við þig vegna gagnrýni sem
birtist í bók minni. Haft var eftir þér að vel
kæmi til greina að endurskoða lög um kyn-
ferðisbrot gegn börnum. Því fylgdi góð til-
finning að horfa á annað barnið sofa vært í
vöggu og lesa um leið að hitt afkvæmið væri
byrjað að velta við steinum. Meðbyr frá
dómsmálaráðherra spillti ekki fyrir.
Síðan þá hefur mikið vatn runnið til sjáv-
ar. Áherslur í íslenskum stjórnmálum hafa
tekið nær jafn hröðum breytingum og sonur
minn á undanförnum níu mánuðum. Hjá
báðum hafa átt sér stað merkir áfangar og
fýlusprengjur. Einmitt þess vegna er mikil-
vægt að gleyma sér ekki í glundroðanum og
standa vörð um þá sem minnst mega sín.
Í nýlegu viðtali sagðir þú um mansal: „Við
erum fámenn þjóð og við eigum að ráða
við þetta. Við þurfum bara að gera upp við
okkur hvaða aðferðum við ætlum að beita og
við þurfum að gæta mannréttinda. Það er
alveg skýrt.“ Mansal er vissulega alvarlegt
ofbeldi. Kynferðisofbeldi gegn börnum er þó
mun útbreiddari vandi á Íslandi og snertir
langtum fleiri. Hvað mannréttindi varðar er
umhugsunarvert misræmi að finna í lögum,
eins og fram kemur í bók minni. Faðir sem
misnotaði 17 ára dóttur sína kynferðislega,
ætti t.d. yfir höfði sér tvöfalt þyngri refs-
ingu en fyrir að misnota 14 ára gamla systur
hennar, þótt báðar séu þær börn í lagalegum
skilningi. Þetta er aðeins eitt af mörgum
atriðum sem mætti endurskoða.
Eftir útgáfu bókarinnar fannst mér að ég
hlyti að geta lagt meira af mörkum til bar-
áttunnar. Ég stofnaði fræðslu- og fjáröflun-
arátakið Öðlinginn 2010 (www.odlingurinn.
is) og fer allur ágóði af sölu bókarinnar í
baráttuna gegn kynbundnu og kynferðis-
legu ofbeldi. Þannig nær annað afkvæmið
mitt vonandi að skapa örlítið betra samfélag
fyrir hitt. Mig langar til að forvitnast um
meðbyrinn. Hafa orðið breytingar sem snúa
að kynferðisbrotamálum? Hefur endur-
skoðun á lögum komið aftur til tals frá því
ég fletti blaðinu á fæðingardeildinni? Tím-
inn sem liðið hefur síðan þá blasir við mér
á hverjum degi í formi barns sem öðlast
sífellt meira sjálfstæði. Á það raunar við um
bæði afkvæmi mín. Vonandi vex meðbyrinn
með þeim.
Opið bréf til dómsmálaráðherra
Lög um kyn-
ferðisofbeldi
Þórdís Elva
Þorvaldsdóttir
höfundur Ofbeldi
á Íslandi: Á
mannamáli
E
ngin leið hefur verið að sjá nokkur merki þess á Alþingi
undanfarna daga að gömlu stjórnmálaflokkarnir fjórir
séu nýkomnir úr sveitarstjórnarkosningum þar sem þeir
fengu skell allir sem einn. Kjósendur reyndust ginnkeypt-
ir fyrir nýjungum, jafnvel þótt þær væru settar fram
undir merkjum gríns fremur en alvöru. Gestkomandi gætu reynd-
ar haldið að gömlu flokkarnir hefðu brugðizt við með því að setja á
svið gamanleikrit á þjóðþinginu, en vanir kjósendur vita að það er
því miður sami lélegi farsinn og
í fyrra – og árið þar áður.
Þetta gerist alltaf með sama
hætti. Ríkisstjórnin stendur ekki
sína plikt og kemur alltof seint
með stór mál inn í þingið. Að
þessu sinni er ágætt dæmi frum-
varpið um endurskipulagningu
stjórnarráðsins, sameiningu og
fækkun ráðuneyta.
Stjórnarandstaðan fellur í freistni málþófsins þegar nokkrir
dagar eru eftir af þinginu. Að þessu sinni var það frumvarpið um
stjórnlagaþing, sem varð fórnarlamb hótana um málþóf og nokk-
urra sýnishorna af leiðindunum og þruglinu, sem koma skyldi ef
ríkisstjórnin léti ekki undan. Enda var málið tekið af dagskrá og
enn er óljóst hvernig stjórnmálaflokkarnir telja sig geta náð sam-
komulagi um lýðræðisumbætur. Sjálfstæðis- og Framsóknarflokk-
urinn telja enn að Alþingi eigi ekki að vísa frá sér því verkefni
að endurskoða stjórnarskrána, þótt því hafi mistekizt það ítrekað
undanfarin 65 ár eða svo.
Svo byrja kvöld- og næturfundirnir, þar sem þingmenn eru
orðnir þreyttir og gera alls konar mistök í vinnunni. Mörg dóms-
mál hafa verið flutt vegna galla í lagasetningu á lokasprettinum
fyrir þinglok, sum hver skattgreiðendum dýr. Og auðvitað upp-
hófst hefðbundið en innihaldsrýrt rifrildi um það hvort halda eigi
næturfundi á Alþingi eða ekki.
Þegar svona stutt er til þingloka er líka eins og þingmenn fari
upp til hópa á taugum, kannski yfir því að þingið sé að verða búið
og þeim hafi ekki tekizt að vekja athygli á sér sem skyldi, og verði
þá óvenjulega aðgangsharðir, ósanngjarnir og orðljótir. Ágætt
dæmi birtist í gær þegar Björn Valur Gíslason missti út úr sér
órökstuddar dylgjur um tengsl Sigurðar Kára Kristjánssonar við
útlenda lögfræðistofu og neyddist til að biðja afsökunar – eftir
fremur vanstillta umræðu, sem var ekkert mjög þörf svona á síð-
ustu dögum þingsins þegar fjöldi mála bíður afgreiðslu. Sama má
segja um rifrildin um styrkjamál flokkanna og launamál Seðla-
bankastjórans. Þetta eru ekki málin sem brýnast er að ræða í
þingsölum nákvæmlega núna.
Sumar uppákomurnar eru hlægilegri en aðrar, eins og þegar
þingmaður Sjálfstæðisflokksins bað fjármálaráðherrann að hlutast
til um að Evrópusambandið tæki ekki ákvörðun um aðildarviðræð-
ur við Ísland á 17. júní af því að það væri svo niðurlægjandi.
Svo skilja þingmenn ekkert í því að virðing Alþingis og traust
almennings á löggjafarsamkundunni er í algjöru lágmarki sam-
kvæmt könnunum. Dettur þeim ekki í hug að læra af reynslunni,
skipuleggja sig betur, gæta orða sinna og vinna í sæmilegri
eindrægni að því að leysa úr þeim brýna vanda, sem blasir við
þjóðinni?
Af hverju læra þingmenn
svona lítið á milli þinga?
Virðing Alþingis
Ólafur Þ.
Stephensen
olafur@frettabladid.is
SKOÐUN
Verðhjöðnun
Bjarni Benediktsson, formaður
Sjálfstæðisflokksins, hefur greint frá
því að Sjálfstæðisflokkurinn
muni endurgreiða 55
milljóna króna styrki frá
FL Group og Lands-
bankanum á sjö árum
án vaxta og verðbóta.
Reiknað hefur verið út að
miðað við stýrivexti
síðan 2006 og
núvirtar endur-
greiðslur á sjö
árum miðað við
sjö prósent vexti
sé flokkurinn í raun að spara 48,7
milljónir króna.
Lætur verkin tala
Þetta rímar svo sem ágætlega við
fyrri yfirlýsingar formanns Sjálf-
stæðisflokksins. Fyrir landsfund
2009 lýsti Bjarni Benediktsson
því yfir að hann vildi afnema
verðtrygginguna. Sjálf-
stæðisflokkurinn
ætlar nú greinilega
að láta verkin tala
og afnema hana
einhliða af eigin
skuld.
Þráast við
Jón Bjarnason er mótfallinn hug-
myndum um að sjávarútvegs- og
landbúnaðarráðuneyti og iðnaðar-
ráðuneyti verði sameinuð í eitt
atvinnuráðneyti. Það er eins
og Jón trúi að landbúnaðar-
ráðuneytið verði lagt niður við
þessa breytingu. Nú er það svo
að í stjórnarsáttmála er
kveðið á um samein-
ingu ráðuneyta. Af
hverju sagði Jón ekki
nei þá?
bergsteinn@frettabladid.is