Fréttablaðið - 18.06.2010, Blaðsíða 8

8 18. júní 2010 FÖSTUDAGUR
Ring er ný farsímaþjónusta á vegum Símans. Fyrir 1.990 kr. áfyllingu á mánuði færðu 1500 mín/SMS á mánuði
til að hafa samband við alla innan GSM kerfis Símans og 990 kr. inneign til að hringja í fólk í öðrum kerfum.
E
N
N
E
M
M
/
S
ÍA
/
N
M
4
15
3
0
www.facebook.com/ringjarar
Ekki vera
djöfulsins
sökker!
Kynntu þér frábæra kaupauka á ring.is
LÖGREGLUMÁL Ekið var á ellefu lömb og ær í
umdæmi lögreglunnar á Vestfjörðum í síð-
ustu viku. Þrjú lömb drápust í einni ákeyrsl-
unni. Í öllum tilvikum stungu ökumennirn-
ir af frá slysstað og létu skepnurnar liggja
eftir.
„Þetta gerist á hverju einasta ári,“ segir
Önundur Jónsson, yfirlögregluþjónn á Vest-
fjörðum. „Ég set fram þá spurningu hvers
vegna íslenskir ökumenn séu svona óheiðar-
legir.“
Önundur segir að mest sé um ákeyrslur
á sauðfé á vorin, þegar nýbúið sé að sleppa
lambfénu í haga og áður en það fer að sækja
lengra til fjalla. Ekið sé á nokkrar kindur í
viku hverri á þessum tíma.
„Ef tekin eru hundrað svona óhöpp, þá eru
kannski tveir til þrír sem láta vita að þeir
hafi keyrt á lambið og slasað það eða drepið.
Hinir stinga af.
Við sjáum að stundum hafa þær skepnur,
sem ekið hefur verið á og síðan skildar eftir,
kvalist, því þær hafa sparkað allt í kringum
sig áður en þær hafa drepist. Stundum eru
dýrin stórslösuð en lifandi þegar komið er að
þeim. Ég spyr íslenska ökumenn hvað sé á
seyði í höfðinu á þeim þegar þeir gera svona
lagað? Ég spyr hverjir það séu sem ganga
svona um landið okkar, náttúruna og blessað-
ar skepnurnar? Ég skil þetta ekki og á engin
svör. Það er mjög ill og ljót meðferð að skilja
skepnurnar eftir svona.“ - jss
Yfirlögregluþjónn á Vestfjörðum undrast athæfi óábyrgra ökumanna:
Slasa eða drepa sauðfé og stinga svo af
LAMB Lömbin eru í mestri hættu meðan þau eru lítil.
SAMKEPPNI Áfrýjunarnefnd sam-
keppnismála hefur staðfest alvar-
leg brot Lyfja og heilsu gegn Apó-
teki Vesturlands á Akranesi. Sekt
Lyfja og heilsu var lækkuð úr 130
milljónum króna í 100 milljónir.
Málið hófst sumarið 2007 þegar
Apótek Vesturlands fór í sam-
keppni við Lyf og heilsu á Akra-
nesi.
Í kjölfarið barst Samkeppnis-
eftirliti ábending um aðgerðir til
að hamla starfsemi keppinaut-
arins.
Til stuðnings lægri sektum
benti nefndin á að brotin tak-
mörkuðust að mestu leyti við
þröngt markaðssvæði og tillit var
tekið til breytinga í efnahagslíf-
inu. - jab
Brot á samkeppnislögum:
Lyf og heilsa
fær milljóna-
sekt fyrir brot
EFNAHAGSMÁL Samræmdar tölur
Efnahags- og framfarastofnunar-
innar (OECD) sýna að atvinnuleysi
í aðildarríkjum stóð í 8,7 prósent-
um í apríl. Í apríl var atvinnuleysi
hér á landi 9,0 prósent en var komið
í 8,3 prósent í maí.
Mest var atvinnuleysi á Spáni í
apríl, en þar er tæpur fimmtungur
án vinnu, eða 19,7 prósent. Í öðru
og þriðja sæti koma svo Slóvakía og
Írland með 14,1 og 13,2 prósent.
Ísland er svo í tíunda sæti í apríl -
samanburðinum með sitt 9,0 pró-
senta atvinnuleysi.
Minnst mældist atvinnuleysi í
aprílmánuði í S-Kóreu, 3,7 prósent
og í Hollandi, 4,1 prósent.
Samanlagt fjölgaði atvinnulaus-
um í aðildarríkjum OECD um 3,3
milljónir milli mars og apríl, sam-
kvæmt upplýsingum stofnunar-
innar. Alls voru 46,5 milljónir án
vinnu í apríl. - óká
Atvinnuleysi innan OECD í 8,7 prósentum í apríl:
Fimmtungur er at-
vinnulaus á Spáni
Atvinnuleysi innan
Atvinnuleysi í OECD*
Land Hlutfall atvinnulausra
Spánn 19,7 prósent
Slóvakía 14,1 prósent
Írland 13,2 prósent
Portúgal 10,8 prósent
Ungverjaland 10,4 prósent
Frakkland 10,1 prósent
Pólland 9,9 prósent
Bandaríkin 9,9 prósent
Svíþjóð 9,3 prósent
Ísland 9,0 prósent
*Þau tíu lönd þar sem
atvinnuleysi var mest í apríl 2010.
MENNTUN Aldrei hefur hærra hlut-
fall grunnskólanema sótt um nám
í framhaldsskóla og í vor. Rúm-
lega 97 prósent allra 10. bekkinga
sem útskrifuðust úr grunnskóla á
dögunum sóttu um áframhaldandi
nám í framhaldsskólum landsins.
Alls sóttu 4.477 10.-bekkingar
um skólavist nú, en þeir voru 4.437
í fyrra. Það var þá met. Líkt og í
fyrra komast ekki allir inn í skóla
í fyrstu atrennu, en 217 nemendur
standa út af. Katrín Jakobsdóttir
menntamálaráðherra segist von-
ast til að öllum nemendunum verði
fundið pláss í skóla fyrir lok mán-
aðarins. Erfiðast sé að finna pláss
á höfuðborgarsvæðinu, sem sé
sami vandi og undanfarin ár.
Síðustu ár hefur hópur nem-
enda, sem ekki komst inn í fyrstu
atrennu, verið í óvissu fram eftir
sumri. Í ár var innritun breytt,
forinnritun var í apríl og var því
hægt að bregðast fyrr við vandan-
um að einhverju leyti, samkvæmt
upplýsingum frá menntamálaráðu-
neytinu. Tekinn var upp forgangur
á svæðum, þannig að framhalds-
skólar þurftu að taka frá 45 pró-
sent sinna plássa fyrir grunnskóla-
nema úr grenndarskólum. Áhrifin
af því eru ekki fyllilega komin í
ljós, en Katrín segir ráðuneytið
allavega ekki hafa fengið neinar
slæmar fregnir af því.
Langflestir sóttu um nám í
Verzlunarskóla Íslands, eða 428
manns. Næstvinsælastur er
Menntaskólinn við Hamrahlíð, en
um skólavist þar sóttu 319. Í þriðja
sæti var svo Menntaskólinn við
Sund, Borgarholtsskóli var fjórði
vinsælasti skólinn og Menntaskól-
inn í Reykjavík sá fimmti.
Níu skólar þurfa að neita ein-
hverjum þeirra sem sóttu um
skólavist. Verzlunarskóli Íslands
þarf að neita flestum nemend-
um um skólavist, en þar sóttu 120
fleiri um skólann en pláss er fyrir.
Kvennaskólinn í Reykjavík þarf að
hafna 104 nemendum, Menntaskól-
inn við Hamrahlíð 74 og Mennta-
skólinn við Sund og Menntaskól-
inn í Reykjavík 57 nemendum.
Tækniskólinn, Framhaldsskól-
inn á Laugum, Menntaskólinn að
Laugarvatni og Menntaskólinn á
Akureyri þurftu að hafna á bilinu
tveimur til tólf nemendum.
thorunn@frettabladid.is
Fjölda nem-
enda neitað
um skólavist
Metfjöldi 10. bekkinga sótti um nám í framhalds-
skólum í ár. Níu skólar þurftu að neita nemendum
um skólavist. Búist er við því að öllum hafi verið
tryggt pláss í framhaldsskóla fyrir lok mánaðarins,
að sögn menntamálaráðherra.
VERZLUNARSKÓLINN Flestir sóttu um að komast í Verzlunarskóla Íslands, en hann
var jafnframt sá skóli sem þurfti að hafna flestum nemendum. FRÉTTABLAÐIÐ/HÖRÐUR
1. Hvað vill nýr meirihluti í
Reykjavík setja upp innandyra
í Perlunni?
2. Hvaða leikmaður Fram
skoraði með hjólhestaspyrnu í
2-1 sigri á Stjörnunni?
3. Hvaða félagar ætla að
heiðra Ómar Ragnarsson með
útgáfu barnaplötu?
SJÁ SVÖR Á SÍÐU 54
VEISTU SVARIÐ?