Fréttablaðið - 18.06.2010, Blaðsíða 20

20 18. júní 2010 FÖSTUDAGUR
timamot@frettabladid.is
Ástkær eiginmaður minn, faðir okkar,
tengdafaðir, afi og langafi,
Guðbrandur Sveinsson
Unhól, Þykkvabæ,
lést á dvalar- og hjúkrunarheimilinu Lundi,
Hellu, þriðjudaginn 15. júní. Útförin fer fram frá
Þykkvabæjarkirkju laugardaginn 26. júní, kl. 14.00.
Blóm og kransar vinsamlega afþakkaðir, en þeim sem
vildu minnast hans er bent á Krabbameinsfélagið í
Rangárvallasýslu.
Sigurfinna Pálmarsdóttir
Pálína Svanhvít Guðbrandsdóttir Birgir Óskarsson
Pálmar Hörður Guðbrandsson Jóna Elísabet Sverrisdóttir
Heiðrún Björk Guðbrandsdóttir Kristján Ólafur Hilmarsson
Sigríður Guðbrandsdóttir Valtýr Georgsson
Sveinn Guðbrandsson
barnabörn og barnabarnabörn.
Innilegar þakkir til allra þeirra sem
sýndu okkur samhug og hlýhug við and-
lát og útför ástkærs eiginmanns míns og
föður, tengdaföður, afa og langafa,
Tómasar P. Óskarssonar
Sóltúni 13, Reykjavík.
Karitas Jensen
Steinunn Margrét Tómasdóttir Aðalsteinn Karlsson
Þórunn Elín Tómasdóttir Kjartan Jónsson
Bryndís María Tómasdóttir Thomas Möller
Lára Anna Tómasdóttir Hörður Jón Gærdbo
Óskar Már Tómasson Auður Pálmadóttir
barnabörn og barnabarnabörn.
MOSAIK
Guðmundur Vignir Þórðarson og
Birgir Axelsson, nýútskrifaðir skrúð-
garðyrkjufræðingar frá Landbúnaðar-
háskóla Íslands, unnu fyrstu verðlaun
í keppni í skrúðgarðyrkju í Finnlandi í
síðustu viku. Félagarnir öttu kappi við
fimm nemendalið frá finnska skólanum
Axxell Överby og eitt kennaralið frá
sama skóla en þeir voru einu Íslending-
arnir í keppninni. Þetta var jafnframt
í fyrsta sinn sem Íslendingar keppa í
þessu fagi erlendis.
„Við tókum þátt í Skills Iceland-
keppninni hér á landi í mars þar sem
ég varð í 1. sæti og Birgir í 2. sæti af
fimm keppendum,“ útskýrir Guðmund-
ur. „Í framhaldinu var okkur boðið að
taka þátt í keppninni í Finnlandi en
þeir voru að setja saman keppni fyrir
eldri aðila en komast að í skills-keppn-
unum.“
Keppnin fólst í því að allir hóparn-
ir fengu sömu teikninguna af 25 fer-
metra grunnsvæði sem þeir áttu síðan
að helluleggja eftir kúnstarinnar regl-
um, leggja þrep og gróðursetja blóm.
Guðmundur segir þá félaga hafa unnið
vel saman og það hafi skipt máli í stiga-
gjöfinni.
„Verkefnið fólst meðal annars í að
leggja úr sápusteini sem er mjúk-
ur steinn sem rispast auðveldlega en
er mjög fallegur. Svo gátum við valið
okkur stóra náttúruflögu af grjóti
óreglulega í laginu sem við þurftum að
fella inn í svæðið og höggva í kringum
hana. Finnsku liðin voru búin að læra
meira um blómin en við en við vorum
hins vegar mjög snöggir og vissum
hvernig við áttum að gera þetta og
vorum nákvæmir. Við gerðum þó ein-
hverjar smá vitleysur í munstrinu í
hellulögninni og gerðum annað munst-
ur. En það var líka fallegt svo við feng-
um ekki mikinn mínus fyrir það.“
Námið í skrúðgarðyrkju tekur tvö
ár við Landbúnaðarháskóla Íslands og
eftir það tekur við 17 mánaða starfs-
nám hjá skrúðgarðyrkjumeistara. Und-
anfarin ár hafa útskrifast um fjórir
nemendur en í ár útskrifuðust níu úr
faginu og fleiri munu útskrifast um
áramótin. Guðmundur segir fagið í
sókn og þakkar það góðu umhaldi og
markvissri kennsluskrá. Hann segir
vöntun á faglærðum skrúðgarðyrkju-
fræðingum og nóg sé um atvinnu.
„Ég rek sjálfur eigið fyrirtæki og
vantar fleiri klukkustundir í sólar-
hringinn svo það er nóg að gera. Í
náminu lærum við allt í sambandi við
gerð lóða og gróður. Stór hluti náms-
ins er um hellulagnir og hleðslur og
til dæmis lærum við gamlar aðferðir
við torfhleðslur og grjóthleðslur. Það
er frábært að fá tækifæri til aðlæra
gamalt íslenskt handverk sem má ekki
gleymast.“
Spurður um þýðingu verðlaunanna
segir Guðmundur þau segja til um hvar
íslensk skrúðgarðyrkja standi í saman-
burði við það sem best gerist erlendis.
„Þetta sýnir að við erum mjög fram-
arlega og skilum af okkur góðum
vinnubrögðum. Vonandi verður gert
meira af því að fara utan í svona keppn-
ir því við lærðum á að sjá hvernig aðrir
gera hlutina.“ heida@frettabladid.is
SKRÚÐGARÐAKEPPNI Í FINNLANDI: FENGU FYRSTU VERÐLAUN
Skrúðgarðyrkja æ vinsælli
UNNUM VEL SAMAN Guðmundur Vignir Þórðarson og Birgir Axelsson nýútskrifaðir skrúðgarð-
yrkjufræðingar unnu fyrstu verðlaun í keppni í Finnlandi. FRÉTTABLAÐIÐ/VALLI
STEFÁN BALDURSSON ÓPERU-
STJÓRI ER 66 ÁRA
„Látum eftir okkur að
staldra við stund og stund.“
Stefán hefur starfað sem
leikstjóri í yfir þrjá áratugi.
Á árunum 1980 til 87 gegndi
hann leikhússtjóra leikfé-
lags Reykjavíkur í Iðnó og var
síðar þjóðleikhússtjóri 1991
til 2005. Stefán tók við starfi
óperustjóra Íslensku óper-
unnar árið 2007.
MERKISATBURÐIR
1000 Kristniboðarnir Gissur
hvíti Teitsson og Hjalti
Skeggjason taka land í
Heimaey og skipa upp
viði í kirkju sem Ólafur
konungur boðaði að reist
skyldi þar sem þeir kæmu
fyrst í land.
1815 Napóleon er gersigraður
við Waterloo.
1940 Hitler og Mussolini funda í
München.
1955 Þrír bræður frá Hvítárbakka
í Biskupstungum kvænast
þremur systrum úr Aust-
urhlíð í sömu sveit.
1983 Fyrsta bandaríska konan
flýgur út í geim tuttugu
árum eftir að fyrsta rúss-
neska konan fór út í geim.
Kristján 10. Danakonungur kom til Reykjavíkur
þennan dag fyrir 64 árum með fríðu föruneyti.
Þetta var síðasta heimsókn konungshjónanna
til landsins en í þessari ferð fóru þau víðar um
landið, meðal annars norður í land.
Kristján var konungur Danmerkur
frá 1912 til 1947 og var einnig konung-
ur Íslands þar til Íslendingar stofnuðu
lýðveldi árið 1944. Sagan segir að
Kristjáni hafi sárnað mjög að Íslend-
ingar skyldu lýsa yfir sjálfstæði meðan
Danmörk var hernumin af Þjóðverjum
en sendi þó skeyti þar sem hann
óskaði landi og þjóð velfarnaðar.
Kristján var bróðir Karls Danaprins,
sem varð Hákon 7. Noregskonung-
ur árið 1905. Kristján þótti skyldurækinn en
jafnframt alvörugefinn og mynduglegur. Hann var
fyrstur Danakonunga til að ljúka stúdentsprófi
en því lauk hann árið 1889. Hann gegndi einnig
herþjónustu í ýmsum herdeildum
og varð krónprins árið 1906 þegar
faðir hans, Friðrik 8. varð kon-
ungur. Sjálfur var hann krýndur
konungur árið 1912 eftir að faðir
hans lést.
Kristján þótti stórlyndur og
upptekinn af virðingu konungs-
dæmisins. Þrátt fyrir það var hann
virtur af þegnum sínum og var
vinsælastur Danakonunga. Hann
lést árið 1947.
ÞETTA GERÐIST: 18. JÚNÍ ÁRIÐ 1936
Konungur kemur í heimsókn
Heimiliskonurnar á Hrafnistu ætla
fara sitt árlega kvennahlaup í dag
klukkan 13. Þær leggja af stað degi
fyrr heldur en konur í kvennahlaupi
ÍSÍ og Sjóvár.
Á Hrafnistu í Hafnarfirði verð-
ur boðið upp á þrjár mismunandi
vegalengdir, þrjú hundruð metra,
einn kílómetra og svo einn og hálf-
an. Í Reykjavík verða hins vegar í
boði tvær vegalengdir, þrjú hundruð
metrar og einn kílómetri. Að loknu
hlaupinu verður boðið upp á hress-
ingu.
Þátttaka í kvennahlaupi Hrafnistu
hefur ávallt verið mjög góð og í fyrra
tóku vel á annað hundrað konur þátt,
sumar voru að nálgast hundrað árin.
- mmf
Kvennahlaup frá Hrafnistu
KVENNAHLAUP Hrafnistukonur í Hafnarfirði voru um áttatíu í hlaupinu í fyrra. MYND/HRAFNISTA
Sendi innilegar þakkir til þeirra
fjölmörgu góðu vina sem glöddu mig
með margvíslegum hætti á afmæli
mínu , þ. 14. apríl sl.
Hjartanlegar kveðjur til ykkar allra
Ólöf Pálsdóttir
Tilkynningar um merkis atburði, stórafmæli og
útfarir má senda á netfangið timamot@frettabladid.is.
Auglýsingar á að senda á auglysingar@frettabladid.is
eða hringja í síma 512 5000.