Fréttablaðið - 18.06.2010, Blaðsíða 46

30 18. júní 2010 FÖSTUDAGUR
sport@frettabladid.is
> Geir og Kristján með Gróttu?
Þó svo Grótta hafi fallið úr efstu deild karla í handbolta
síðasta vetur hafa forráðamenn félagsins ekki lagt árar í
bát. Liðið ætlar sér beint upp aftur og á að leggja mikinn
metnað í starfið næsta vetur þó svo liðið sé
í 1. deildinni. Félagið er í viðræðum við Geir
Sveinsson um að halda áfram
þjálfun liðsins og samkvæmt
heimildum Fréttablaðsins
hefur félagið hug á að ráða
Kristján Halldórsson sem
aðstoðarmann hans. Kristján
er þaulreyndur þjálfari sem
þjálfaði í mörg ár í Noregi.
FÓTBOLTI Í gær var dregið í töfl-
uröð fyrir ensku úrvalsdeildina.
Það er risaleikur strax í fyrstu
umferð er Liverpool tekur á móti
Arsenal.
Enska úrvalsdeildin hefst 14.
ágúst og Englandsmeistarar
Chelsea taka þá á móti nýliðum
WBA. Man. Utd fær einnig nýliða
í heimsókn því Newcastle þarf
að fara á Old Trafford í fyrstu
umferðinni.
Leikur Tottenham og Man. City
í fyrstu umferðinni verður einnig
afar áhugaverður.
Tímabilið byrjar annars með
látum hjá Liverpool því liðið þarf
að sækja Man. City heim í ann-
arri umferð. - hbg
Enska úrvalsdeildin:
Risaleikur í
fyrstu umferð
ERFIÐ BYRJUN Torres og félagar byrja
tímabilið á tveimur stórleikjum.
NORDIC PHOTOS/GETTY
Enska úrvalsdeildin
1. umferð:
Aston Villa - West Ham
Blackburn - Everton
Blackpool - Wigan
Bolton - Fulham
Chelsea - WBA
Liverpool - Arsenal
Man. Utd - Newcastle
Sunderland - Birmingham
Tottenham - Man. City
Wolves - Stoke City
Valsmenn hafa misst enn einn burðarásinn úr sínu liði því
hinn stórskemmtilegi miðjumaður liðsins, Sigurður Eggerts-
son, hefur ákveðið að söðla um og spila með 1. deildarliði
Gróttu á næstu leiktíð. Hjá Gróttu hittir Sigurður fyrir
nokkra fyrrum félaga sína hjá Gróttu sem oft er
kallað B-lið Vals.
„Mér finnst leiðinlegt að það séu
margir farnir frá Val og svo eru í Gróttu
tveir af mínum bestu vinum, Hjalti
Pálmason og Ægir Hrafn Jónsson.
Þetta er áhugamálið mitt og ég
vil hafa gaman. Nú er ég kominn
í bumbuboltann og þá er ólíðandi
að spila með leiðinlegum gaurum,“
sagði Sigurður og hittir naglann þar á höfuðið
enda eru þó nokkrir leikmenn Gróttuliðsins í
þéttari kantinum.
„Ég stefni nú ekki að því að safna spiki þarna. Það er nauðsyn-
legt að hafa einn leikmann í hverju liði með þvottabretti. Hinir
eru með þvottabala en þeir verða að taka sér mig til fyrirmynd-
ar,“ sagði Sigurður spaugsamur sem fyrr. Hann er ekki bara að fara
í Gróttu út af félagsskapnum.
„Hnén á mér eru ónýt og hafa verið síðustu átta ár eða síðan
ég var tvítugur. Ég hef ekki enn leikið heilt tímabil án þess að
fara í aðgerð. Ég hef alls farið í ellefu aðgerðir sem er nokkuð
vel af sér vikið. Í fyrra brotnaði ég tvisvar. Bæði bringubeins-
brotnaði og handarbrotnaði. Ég er að vonast til þess að geta
stýrt álaginu enn betur í 1. deildinni. Ég vona að það gangi
eftir.“
Sigurður segir einnig nauðsynlegt að minnka álagið þar sem
margt sé að breytast í hans lífi. Hann verður faðir í fyrsta skipti í
ágúst, var að selja íbúðina sína og er varavaraborgarfulltrúi hjá
Besta flokknum. „Þetta er hagsmunamál. Ég má ekki spila með
liði í Reykjavík þar sem ég er nú viðloðandi borgarmálin.“
SIGURÐUR EGGERTSSON: FARINN FRÁ VAL YFIR Í BUMBUBOLTANN HJÁ GRÓTTU Í 1. DEILDINNI:
Hinir með þvottabala en ég er með þvottabretti
FÓTBOLTI Þóra Björg Helgadóttir og
félagar í LdB FC Malmö eru með
átta stiga forskot á toppi sænsku
deildarinnar þegar deildin fór í
landsleikjahlé og íslenski lands-
liðsmarkvörðurinn hefur hald-
ið hreinu í 7 af 12 leikjum, aðeins
fengið á sig 7 mörk og varið 88 pró-
sent skota sem hafa komið á hana.
Þóra er ekki aðeins í lykilhlutverki
með félagsliði sínu því hún verður
væntanlega í marki íslenska lands-
liðsins sem mætir Norður-Írlandi
á laugardaginn og Króatíu á mið-
vikudaginn í undankeppni HM.
„Hver leikur er úrslitaleikur
núna. Það er okkar eini möguleiki
að vinna þessa báða leiki. Ég hef
fulla trú á því að við áttum okkur
alveg á því að ef að við missum
stig núna þá er þetta einfaldlega
búið,“ segir Þóra en íslenska liðið
er í öðru sæti riðilsins þremur
stigum á eftir Frökkum sem unnu
2-0 sigur í leik liðanna úti í Frakk-
landi síðasta haust.
„Við höfum átt tvo slaka leiki í
þessari undankeppni HM og það
voru útileikirnir á móti Frakk-
landi og Norður-Írlandi. Ég held
að við munum alveg eftir þessum
Norður-Íra leik þar sem við vorum
ótrúlega heppnar að fara heim með
þrjú stig,“ segir Þóra sem jafnfram
er á því að íslenska landsliðið hafi
ekki verið að sýna sitt besta í síð-
ustu leikjum sínum.
Þóra hefur ekki fengið á sig
mark á Laugardalsvellinum und-
anfarin þrjú ár og allir leikir liðs-
ins á vellinum undir stjórn Sig-
urðar Ragnars Eyjólfssonar hafa
unnist. „Við erum gríðarlega glað-
ar með að vera að spila heima því
það er langt síðan að við höfum
spilað hérna,“ segir Þóra en hún
hefur haldið hreinu í 544 mínútur
í Laugardalnum.
„Við vildum helst fá HM á Ísland
því þá yrðum við heimsmeistar-
ar,“ segir Þóra í léttum tón. „Ég
vil meina að við getum ekki tapað
á Laugardalsvellinum en til þess
að halda þeirri hefð sem við höfum
skapað þá verðum við að mæta til
leiks,“ segir Þóra.
Þóra hefur átt frábæra innkomu
í lið Malmö sem hefur unnið 11 af
fyrstu 12 leikjum tímabilsins.
„Þetta er búið að vera eins
og í góðri lygasögu. Malmö
hefur alltaf verið með
sterkt lið en það hefur allt-
af vantað einhvern neista.
Við erum aftur með gríð-
arlega sterkt lið en núna
fundum við taktinn
strax í fyrsta leik. Ef við
höldum svona áfram þá
held ég að enginn stoppi
okkur en kúnstin er að
halda stemmingunni
uppi og halda þess-
um dampi,“ segir Þóra.
„Ástæðan fyrir því að
við erum á toppnum er
að við vinnum hreinlega
meira en hin liðin. Það
er miklu skemmtilegra
að vinna þannig því það
er ekkert skemmtilegt að
vinna á einhverjum grís,“
segir Þóra.
Það hefur verið nóg að
gera hjá Þóru þrátt fyrir
alla sigrana því hún hefur
varið 52 skot í leikjum tólf
eða 4,3 að meðaltali í leik.
„Við spiluðum svolítið sér-
stakan bolta því við erum
gríðarlega sókndjarfar og sækjum
á yfirleitt sjö mönnum. Það reyn-
ir svolítið á okkur fyrir aftan, við
erum oft í undirtölu og fáum mikið
af skyndisóknum á okkur. Það
hefur því verið fullt að gera þó að
við höfum unnið leikina tiltölulega
öruggt,“ segir Þóra sem hefur ekki
hleypt mörgum boltið í netið. „Ég
er búin að kryfja þessi sjö mörk og
ég hefði viljað að þetta væru svona
fimm mörk ef ég er alveg hrein-
skilin,“ segir Þóra.
Hún segir samkeppnina hafa
verið erfiða enda að keppa um
byrjunarliðssætið við danska
landsliðsmarkvörðinn. „Þetta var
rosalega erfitt í byrjun og ég held
að ég hafi staðið frekar tæpt með
að verða fyrsti markvörður. Svo
náði ég að finna taktinn og koma
mér í réttann gír. Ég var svolítið
hrædd í byrjun en það gerir þetta
enn þá skemmtilegra núna að að
rífa sig upp,“ segir Þóra og bætir
við: „Í Malmö lenti ég í lang-
mestu samkeppni sem ég hef
nokkurn tímann lent í,“ segir
Þóra.
Þóra glímdi við erfið
veikindi fyrir einu og
hálfu ári en hefur
komið gríðarlega
sterk til baka. „Ég
hef sjaldan verið
í betra formi enda
hef ég hef aldrei æft
jafnmikið og ég geri
núna. Það sem skiptir
mestu máli í þessu er að
ég hætti að vinna og er bara í
fótbolta. Þá hefur maður gríð-
arlega mikinn tíma til þess að
hvíla sig, kannski of mikinn. Ég
hefði ekki náð því að koma til
baka svona fljótt ef að ég hefði
verið að vinna með fótboltan-
um,“ segir Þóra að lokum.
ooj@frettabladid.is
Aldrei lent í meiri samkeppni
Þóra Björg Helgadóttir hefur staðið sig frábærlega með toppliði Malmö í sænsku deildinni og heldur
danska landsliðsmarkverðinum á bekknum. Hún er nú komin til móts við kvennalandsliðið sem mætir
Norður-Írum og Króatíu á Laugardalsvellinum á næstu dögum í tveimur leikjum í undankeppni HM.
544 MÍNÚTUR Það er langt síðan að
það var skorað hjá Þóru á Laugardals-
vellinum.
Við vildum helst fá
HM á Ísland því þá
yrðum við heimsmeistarar.
ÞÓRA BJÖRG HELGADÓTTIR
LANDSLIÐSMARKVÖRÐUR
Prófaðu Heimaöryggi
án skuldbindingar.*
* Kynntu þér málið á oryggi.is
– frítt í 2 mánuði –
570 2400
PIPA
R\TBW
A
• SÍA
• 100695