Fréttablaðið - 18.06.2010, Blaðsíða 54

38 18. júní 2010 FÖSTUDAGUR
MORGUNMATURINN
1
6 7 8
10
13
119
12
15
16
18
21
20
17
14
19
2 3 4 5
LÁRÉTT
2. létu, 6. kringum, 8. flan, 9. sefa, 11.
í röð, 12. kortabók, 14. dútla, 16. hef
leyfi, 17. stígandi, 18. ari, 20. grískur
bókstafur, 21. land í asíu.
LÓÐRÉTT
1. barrtré, 3. tímabil, 4. flutningaskip,
5. suss, 7. andmæli, 10. fæða, 13. for,
15. heimsálfu, 16. grús, 19. skst.
LAUSN
LÁRÉTT: 2. gáfu, 6. um, 8. ras, 9. róa,
11. rs, 12. atlas, 14. bauka, 16. má, 17.
ris, 18. örn, 20. pí, 21. laos.
LÓÐRÉTT: 1. fura, 3. ár, 4. farskip, 5.
uss, 7. mótbára, 10. ala, 13. aur, 15.
asíu, 16. möl, 19. no.
„Myndir eftir mig hafa áður birst
í erlendum bókum og tímaritum
og ég geri ráð fyrir því að bóka-
útgáfan hafi fundið mig annað
hvort í gegnum það eða heimasíð-
una mína,“ segir grafíski hönnuð-
urinn Ólöf Erla Einarsdóttir, sem
mun hanna kápur þriggja bóka í
bókaflokknum Creature Court.
Bækurnar verða gefnar út bæði
í Bandaríkjunum og í Ástralíu.
Ólöf Erla viðurkennir að henni
hafi þótt tilboðið spennandi og því
ákvað hún að slá til.
Fyrsta bókin í bókaflokknum
kom út í febrúar síðastliðnum og
kemur önnur bókin út nú í haust,
en útvarpskonan Margrét Erla
Maack mun prýða forsíðu henn-
ar. „Þegar þau lýstu næstu bók
fyrir mér, innihaldi hennar og
persónum þá sá ég strax Margréti
Erlu fyrir mér. Ég spurði hana
hvort hún væri til í að sitja fyrir
og henni fannst það ekkert mál,“
útskýrir Ólöf Erla, en báðar starfa
þær hjá Ríkisútvarpinu. Ólöf Erla
myndar viðföng sín sjálf og vinn-
ur ljósmyndina því næst í Photo-
shop og verður lokaútkoman oftar
en ekki ævintýralega falleg. „Ég
er ekki mikið menntuð í ljósmynd-
un en ég get galdrað ýmislegt með
Photoshop og á til dæmis eftir að
gera allan kjólinn hennar Margrét-
ar Erlu í því forriti. Ég mun bæta
í hann efni, litum og gera hann
íburðameiri en hann hefði annars
verið.“
Þetta ku ekki vera í fyrsta sinn
sem þær stöllur vinna saman því
Margrét Erla hefur áður setið
fyrir á myndum Ólafar. Aðspurð
segist Margrét Erla mjög spennt
fyrir verkefninu og hyggst hún
panta sér eintak af bókinni þegar
hún kemur út. „Mér finnst þetta
mjög skemmtileg tilhugsun, sér-
staklega af því að ég á vini í Ástr-
alíu og hlakka mikið til að geta
sagt þeim frá þessu. Ég mun svo
að sjálfsögðu panta mér eitt ein-
tak líka og geyma það fyrir barn-
börnin, enda skemmtileg saga að
segja,“ segir útvarpskonan kampa-
kát.
Hægt er að skoða verk Ólafar
Erlu á síðunni www.oloferla.com.
sara@frettabladid.is
ÓLÖF ERLA EINARSDÓTTIR: HANNAR BÓKARKÁPUR FYRIR CREATURE COURT
Magga Maack á kápunni
í tveimur heimsálfum
SITUR FYRIR Útvarpskonan Margrét Erla Maack situr fyrir á bókarkápu sem Ólöf Erla Einarsdóttir mun hanna fyrir bókaflokkinn
Creature Court. FRÉTTABLAÐIÐ/VILHELM
„Ég fæ mér ab-mjólk með
múslíi. Stundum breyti ég til og
fæ mér ristað brauð með smjöri
og osti.“
Silja Hrund Einarsdóttir, eigandi fata-
merkisins SHE.
„Þetta er einstaklega skemmtilegt handrit. Ég
leik spilltan yfirlækni á spítalanum í bænum.
Í samstarfi við konu í bæjarstjórn vill hann
rífa leikhúsið niður og byggja lúxus sjúkra-
hótel. Þeir sem starfa með leikfélaginu eru
ekki sáttir við það plan. Þar af leiðandi verður
mikið drama, gleði og glens,“ segir Bjartmar
Þórðarson leikari.
Hrunið hefur farið illa með kvikmynda-
bransann en fólk er engu að síður enn þá að
framleiða kvikmyndir. Bjartmar er um þess-
ar mundir að undirbúa sig fyrir tökur á kvik-
myndinni L7 - Hrafnar, Sóleyjar og Myrra
sem byrja seinna í sumar. Myndin er fjöl-
skyldusaga og fjallar hún um unga stelpu úr
Hafnarfirði, sem hefur nýlega misst föður
sinn. Í kjölfarið leitar hún sáluhjálpar í starfi
með leikfélagi bæjarins. Hún flýr erfiðar
aðstæður heimilisins með því að fara að vinna
með miðaldra og gömlu fólki í leikfélaginu.
Eyrún Ósk Jónsdóttir og Helgi Sverrisson
eru bæði handritshöfundar og leikstjórar sög-
unnar. „Það er líka mjög skemmtilegt að segja
frá því að þetta handrit verður bæði bíómynd-
arhandrit og skáldsaga,“ segir Bjartmar, sem
hefur í nægu að snúast í sumar. - ls
Bjartmar Þórðar leikur spilltan lækni
SPILLTUR LÆKNIR Bjartmar er um þessar mundir
í upptökum á nýrri kvikmynd þar sem hann leikur
spilltan lækni.
FRÉTTABLAÐIÐ/STEFÁN
Mér finnst þetta mjög
skemmtileg tilhugsun, sér-
staklega af því að ég á vini í
Ástralíu og hlakka mikið til að
geta sagt þeim frá þessu.
MARGRÉT ERLA MAACK
„Í þessu rosalega bókaflóði finnst
mér mikil ánægja að fá að stinga
höfðinu aðeins upp úr, þótt það sé
ekki meira,“ segir rithöfundurinn
Yrsa Sigurðardóttir.
Yrsa er á meðal þeirra höfunda
sem bandarískir lesendur munu
fylgjast með á næstunni, úr því
að fleiri verka er ekki að vænta úr
smiðju Stiegs Larsson. Hann lést
sem kunnugt er árið 2004. Þetta
kemur fram í forsíðugrein dag-
blaðsins New York Times á mið-
vikudag Í greininni er fjallað um
mikla velgengni þríleiks Larssons
um Mikael Blomkvist og Lisbeth
Salander og sagt að útgefendur
og lesendur leiti nú að arftökum
Larssons í hópi norrænna höfunda.
Þar er Yrsa nefnd sem hugsan-
legur kyndilberi, ásamt Henning
Mank ell, Karin Fossum, Jo Nesbo
og Kjell Eriksson.
Yrsa er ánægð með umfjöllun-
ina en segir annað mál hverju hún
skili. En er hún aðdáandi Stiegs
Larsson? „Mér finnst hann mjög
skemmtilegur,“ segir hún og bætir
við að karakterinn Lisbeth Saland-
er höfði sérstaklega vel til Íslend-
inga í dag. Yrsa er einnig nefnd
í nýrri ævisögu Larssons, Man
Who Left Too Soon, þegar höfund-
urinn Barry Forshaw veltir fyrir
sér hvaða norrænu höfundar muni
taka við keflinu frá Larsson.
Yrsa er um þessar mundir upp-
tekin við að skrifa nýja skáldsögu
sem hún segir vera hrollvekju.
„Mig langaði í tilbreytingu, ég
virðist hafa þol fyrir fimm bókum í
einu,“ segir hún. „Ég skrifaði fimm
barnabækur, fimm glæpasögur og
nú ætla ég að skrifa draugasögu.“
- afb
Yrsa sögð ein af arftökum Larssons
HROLLVEKJA NÆST Yrsa er að skrifa
skáldsögu um þessar mundir en
hún verður ekki glæpasaga.
milljón eintök af
bókum Larssons
hafa selst í yfir 40
löndum. HEIMILD: THE ECONOMIST
27
VEISTU SVARIÐ
Svör við spurningum á blaðsíðu 8
1 Setja upp leikvöll
2 Ívar Björnsson
3 Gunni og Felix
Leikkonan Tinna Hrafnsdóttir er
með mörg járn í eldinum þessa
dagana. Hún undirbýr nú sjálf-
stæða leiksýningu og hefur tekið
að sér framleiðslustarf á Alþjóð-
legri kvikmyndahátíð í Reykja-
vík. Starfið felur meðal annars
í sér skipulagningu hinna ýmsu
viðburða í tengslum
við hátíðina. Tinna
hefur vakið athygli
fyrir hin ýmsu
hlutverk, nú síðast í
sjónvarpsþættinum
Hamrinum, en hún
var tilnefnd til
Edduverðlauna
fyrir þá frammi-
stöðu.
Lokaþáttur Steindans okkar verður
á Stöð 2 í kvöld. Þátturinn verður
stranglega bannaður börnum og
með rauðu merki í horninu
sem þýðir að börn undir
16 ára þurfa sérstakt
leyfi frá foreldrum til
þess að fá að horfa.
Þátturinn ku vera afar
grófur og innihalda
atriði sem þeir
félagar Steindi og
Bent, sem eru á
bak við þáttinn,
fengu ekki að
sýna í upphafi.
Steindinn
okkar hefur
hins vegar
slegið rækilega
í gegn og þeir
þrjóskuðust í
toppunum á
Stöð 2 til að fá að
sýna atriðin.
Steindi hefur fengið ýmis fræg nöfn
til að fara með hlutverk í þáttun-
um. Eftirminnilegt var
þegar Páll Óskar og Jói
Fel slógust og ástríða
Sigga Hall var einn af
hápunktum þáttarins.
Þekktu andlitin
verða á sínum stað
í grófa þættin-
um; Sigmar
Guðmundsson
úr Kastljósinu
er væntanlegur
í kvöld ásamt
útvarpsstjóranum
Einari Bárðar-
syni. - afb
FRÉTTIR AF FÓLKI