Fréttablaðið - 18.06.2010, Blaðsíða 10
10 18. júní 2010 FÖSTUDAGUR
EFNAHAGSMÁL Samtök atvinnulífsins
(SA) kynntu á morgunverðarfundi í
fyrradag tillögur sínar um umbætur
í fjármálum hins opinbera. SA telur
svigrúm til skattahækkana fullnýtt
og að markmiðum um bætta afkomu
ríkissjóðs árið 2011 verði að ná með
gjaldalækkunum.
Vilhjálmur Egilsson, fram-
kvæmdastjóri SA, gagnrýndi rík-
isstjórnina fyrir skort á samstöðu.
Hann sagði það skipta miklu máli
að atvinnulífið og stjórnvöld væru
samstíga og hvatti til einingar um
stóriðjuframkvæmdir og vegafram-
kvæmdir sem mikið hefði verið
talað um en lítið gert í enn þá.
Steingrímur J. Sigfússon fjár-
málaráðherra sagði að ekki kæmi til
greina að hvika frá þeim markmið-
um sem hefðu verið sett um að ná
tökum á ríkisfjármálunum en bætti
því við að þegar hefði orðið nokkuð
ágengt í þessum efnum. „Verkefnið
er á góðri leið með að takast. Það er
erfitt og það er mikið eftir, en það
er að takast.“
Steingrímur tók undir með SA
að hægt væri að draga úr kostn-
aði í heilbrigðiskerfinu með skipu-
lagsbreytingum og réttum áhersl-
um en sagðist hins vegar algjörlega
ósammála því að lausnin sé fólgin
í einkarekstri. Hann lagði auk þess
áherslu á hagræðingu í ríkisrekstri
og nefndi í því samhengi þær sam-
einingar ráðuneyta sem ríkisstjórn-
in hefur beitt sér fyrir á undanförn-
um vikum.
Bjarni Benediktsson, formaður
Sjálfstæðisflokksins, tók þátt í pall-
borðsumræðum á fundinum. Hann
sagði Sjálfstæðisflokkinn leggja
áherslu á að halda nýjum álögum í
algjöru lágmarki og bætti því við að
ýmsar tilfærslur í kerfinu þyrftu að
dragast saman, það væri óvinsælt
en það sem skipti mestu væri að
gera það sem væri ábyrgt og rétt.
magnusl@frettabladid.is
VILHJÁLMU
EGILSSON
STEINGRÍMUR J.
SIGFÚSSON
Svigrúm til
skattahækk-
ana fullnýtt
Samtök atvinnulífsins kynntu í fyrradag tillögur
sínar í ríkisfjármálum. Þau telja svigrúm til skatta-
hækkana fullnýtt og að markmiðum ársins 2011
verði að ná fram með gjaldalækkunum.
■ Gerbreyta þarf vinnubrögðum við fjárlagagerð eigi árangur í lækkun
útgjalda hins opinbera að nást. Ákvarða þarf útgjaldaramma til að
minnsta kosti fjögurra ára.
■ Taka þarf skipulag heilbrigðisþjónustu til gagngerrar endurskoðunar. Auka
þarf hlutverk heilsugæslunnar sem fyrsta viðkomustað sjúklings og skapa
meira svigrúm fyrir einkaaðila til þess að koma að rekstri.
■ Lækka þarf kostnað á nemanda í íslensku skólakerfi með því að gera
skipulag markvissara. Nám til stúdentsprófs verði skipulagt sem þriggja
ára nám og háskólar verði gerðir að sjálfseignarstofnunum.
■ Einfalda þarf tryggingakerfið og koma í veg fyrir misnotkun þess til dæmis
með því að notast við starfshæfnimat í stað örorkumats. Skoða á hækkun
lífeyrisaldurs í samhengi við lengri meðalævi Íslendinga.
■ Einfalda á opinbert regluverk og hvetja sveitarfélög til að setja sér hald-
góðar fjármálareglur.
Tillögur Samtaka atvinnulífsins
HEILSUGÆSLUSTÖÐ Meðal hugmynda Samtaka atvinnulífsins er að hlutverk heilsu-
gæslunnar verði aukið. FRETTABLAÐIÐ/STEFÁN
SVEITASTJÓRNARMÁL Fimm sveitar-
félög auglýstu eftir bæjar- eða
sveitarstjórum í atvinnublaði
Fréttablaðsins um síðustu helgi.
Þær hæfniskröfur sem áhugasam-
ir umsækjendur þurfa að uppfylla
eru afar svipaðar í öllum sveitar-
félögunum fimm.
Auglýst var eftir bæjarstjórum
á Akureyri, þar sem Listi fólksins
fékk hreinan meirihluta í síðustu
kosningum, og í Vesturbyggð,
þar sem Sjálfstæðisflokkurinn
fékk hreinan meirihluta. Þá var
auglýst eftir bæjarstjóra á Fljóts-
dalshéraði, þar sem Framsóknar-
flokkurinn og Á-listi hafa mynd-
að meirihluta. Auglýst var eftir
sveitarstjórum í Skaftárhreppi og
í Mýrdalshreppi, Vík í Mýrdal. Í
báðum sveitarfélögum eru fram-
boð ótengd stórum stjórnmála-
flokkum með meirihluta.
Í nær öllum tilvikum er gerð
krafa um háskólamenntun sem
nýtist í starfi bæjarstjóra. Aðeins
í auglýsingu Fljótsdalshéraðs er
slakað á þeirri kröfu, þar sem
háskólamenntun er sögð kostur,
en ekki skilyrði.
Í öllum tilvikum er ýmist kraf-
ist reynslu af stjórnunarstörfum
eða slík reynsla álitin kostur. Auk
þess er færni í mannlegum sam-
skiptum og í að tjá sig í ræðu og
riti eitthvað sem lögð er áhersla á
í auglýsingum sveitarfélaganna.
- bj
Auglýst eftir fimm bæjar- og sveitarstjórum:
Sveitarfélögin gera
svipaðar hæfniskröfur
BYGGÐAMÁL „Þessi áralanga vanræksla
yfirvalda á hverfinu hefur orðið til þess að
hverfin fjögur innan Breiðholts eru farin að
grotna niður,“ segir í formála skýrslu sem
borgaryfirvöld fengu afhenta í vikunni.
Bjarni Fritzson, handboltakappi og for-
svarsmaður hópsins sem vann skýrsluna,
segir að brýn nauðsyn sé að gera eitthvað í
uppbyggingu hverfanna.
„Þetta er bara sinnuleysi,“ segir hann.
„Með svona hátt hlutfall atvinnulausra ætti
að vera hægt að skapa vinnu þarna. Það
yrði frábært framtak.“
Bjarna var nóg boðið þegar hann var með
þriggja ára syni sínum við andapollinn í
Seljahverfinu og sá litli gerði ekki grein-
armun á mýrinni og bakkanum. „Þetta er
bara eitt af fallegum svæðum Breiðholts-
ins sem eru í niðurníðslu og það þarf ekki
mikið til að lítil börn detti og drukkni,“
segir hann.
Mikill metnaður og vinna var lögð í gerð
skýrslunnar og segist Bjarni vera vongóður
um viðbrögð.
„Margir hafa svipaða sögu að segja úr
öðrum hverfum borgarinnar,“ segir Bjarni.
„Ég er mjög vongóður um að yfirvöld taki á
málinu.“ - sv
Í Breiðholtsskýrslunni er farið fram á aðgerðir og hún afhent borgarfulltrúum:
Hörð krafa um bætt Breiðholt
MÝRI Pollurinn í Seljahverfi sem eitt sinn var
falleg tjörn en hefur nú breyst í mýri.
MYND/BJARNI FRITZSON
VIÐSKIPTI Bílaleiga Akureyrar
hefur samið við Bílaumboðið
Öskju um kaup á hátt í þrjátíu
nýjum Kia-bifreiðum.
Fram hefur komið í sölutöl-
um Bílgreinasambandsins að
sala á nýjum bílum hefur verið
að braggast að undanförnu og er
ein ástæða þess sú að bílaleigur
hafa verið að endurnýja flotann
fyrir sumarið.
Forsvarsmenn Bílaleigu
Akureyrar eru bjartsýnir á
ferðasumarið 2010 og segja að
eftirspurn eftir bílaleigubíl-
um sé aftur að færast í eðlilegt
horf eftir samdráttinn sem varð
í kjölfar eldgossins í Eyjafjalla-
jökli.
- mþl
Liðlega 30 bílar keyptir:
Bílaleiga Akur-
eyrar fjölgar í
flotanum
HVÍTUR Í FRAMAN Hann var orðinn
hvítur í framan eftir langan vinnudag,
þessi byggingaverkamaður á Haíti sem
vafði um sig höfuðklæði í tilefni af
myndatökunni. FRÉTTABLAÐIÐ/AP