Fréttablaðið - 26.06.2010, Blaðsíða 24
24 26. júní 2010 LAUGARDAGUR
Sumarfríssögur með stóru S-i
Hvað lesa bókaormar þegar þeir eru í fríi? Og hvað vilja þeir endilega að aðrir lesi? Hólmfríður Helga Sigurðardóttir hafði samband við
nokkra Íslendinga sem sjaldan sjást nema með bók við hönd og fékk úr því skorið. Lýsingarorðin sem fylgdu voru mörg og misjöfn.
„Ég mæli nú með, fyrir þau sem eru svo
heppin að eiga hana eftir, að grípa með sér
í fríið Hið fullkomna landslag eftir Rögnu
Sigurðardóttur, sem kom út fyrir síðustu jól.
Það er glerfín skáldsaga, með slettu af krimma
og íslenskri myndlistarsögu,“ segir Þorgerður
Agla Magnúsdóttir, framkvæmdastjóri Bók-
menntasjóðs. Fyrir yngri lesendur mælir hún
eindregið með bókinni Aþenu (ekki höfuð-
borgin í Grikklandi) eftir Margréti Örnólfsdótt-
ur. „Það er alveg óskaplega skemmtileg bók!“
Sjálf er Agla búin að lesa fyrrnefndar
sögur ofan í kjölinn og ætlar því
ekki að taka þær með sér í fríið.
Hún er þó ekki búin að afgreiða
hverja einustu íslensku skáldkonu
og ætlar að drekka verk einnar
af þeim goðsagnakenndu í sig
í sumar. „Ég uppgötvaði einn
laugardagsmorguninn mjög nýlega,
mér til mikillar ánægju, að ég hefði
loksins öðlast þroska til að lesa og
njóta verka Guðrúnar frá Lundi. Fann
við það tækifæri í bókaskápnum í
stofunni geipifína bók eftir Guð-
rúnu frá 1964, Hvikul er konuást.
Hún er fyndin og dramatísk og
falleg og ferleg – allt í bland.
Svo er spurning hvort sumar-
ið gefi mér tíma til að detta
ofan í stórvirkið Dalalíf,
allar 2000 og eitthvað
blaðsíðurnar. Það hlýtur að
teljast algerlega bráðnauð-
synlegur undirbúningur fyrir
heitustu útihátíð sumarsins
– „Er enn líf í Hrútadal?“ -
sem haldin verður skáldkonunni
til heiðurs að Ketilási í Fljótum,
14. og 15. ágúst næstkom-
andi.“
Á kafi í verkum íslenskra skáldkvenna
Auður Jónsdóttir mælir með því við aðra
að lesa bókina Never Let Me Go eftir Kazuo
Ishiguro. „Þetta er nístandi sterk saga um börn
sem eru alin upp til að vera líffæragjafar. Hún
umbreytir lesandanum þótt hann fari ekki
lengra en á næsta tjaldstæði.“
Sú bók fæst ekki á Íslandi en Auður bendir á
að hana megi panta. Af bókum sem nálgast
má í bókabúðum hér nefnir hún bókina Ham-
ingjan hjálpi mér I og II eftir Kristínu Ómars-
dóttur. „Fyrri sagan fjallar um hjón sem leika
sér stöðugt við mömmu konunnar, mátulega
stutt fyrir svefninn og örvar hlátursstöðvarnar í
hrollkaldri útilegunni.“
Sjálf ætlar Auður að sökkva sér í sakamálasög-
una The Fourth Bear eftir Jasper Forde í sumar.
„Þetta er sakamálasaga þar sem ólíkar per-
sónur úr bókmenntunum ráða ráðum sínum.
Rannsóknarlöggan berst við mannorðsmorð
eftir að hafa klúðrað Rauðhettu-rannsókninni
meðan Dorian Gray selur bíla sem eldast
aðeins á mynd og fólk skálar á Hótel Deja-Vu.
Þetta er sumarfríssagan með stóra ESSINU – og
hluti af bókaflokki sem dugar í nokkur frí.“
Og þar verður ekki settur punktur við sumar-
bókalista Auðar. Hún ætlar líka að lesa bókina
Sálumessu syndara, ævisögu Esra Péturssonar,
sem hún er nýbúin að uppgötva. „Þetta er ein
furðulegasta bók sem ég hef lesið en líkt og
margar íslenskar ævisögur leynist hún víða í
sumarbústöðum og áhugavert að glugga í hana
á björtum andvökunóttum.“
Að síðustu nefnir Auður bókina Everything Is
Illuminated eftir Jonathan Safran Foer. „Því
það er eina bókin sem ég man eftir þar sem
hundur fróar sér á höfundi sínum (já höfundi,
ekki eiganda) í þröngsetnu bílferðalagi.“
Furðulegheit í bland við annað
AUÐUR JÓNSDÓTTIR RITHÖFUNDUR Rakst nýverið
á bókina Sálumessu syndara, ævisögu Esra
Péturssonar, og fannst hún svo furðuleg að hún
verðskuldar að fá að koma með henni í sumarfríið.
„Í gær vatt ég mér inn í Eymundsson, einmitt
til að kaupa mér bók fyrir fríið. Fyrir valinu varð
In the Kitchen eftir Monicu Ali. Ástæðan er
einföld, ég ruglaði Monicu Ali saman við Ali
Smith, höfund The Accidental sem er frábær
bók,“ segir Gerður Kristný Guðjónsdóttir
rithöfundur. „Nú sit ég sem sagt uppi með eld-
húsið hennar Monicu en ég kippi því vitaskuld
með norður í land og hlakka til að sjá hvað
leynist í efstu skápunum.“
Fyrir aðra mælir hún með tveimur bókum sem
báðar bera titla með vísan í dýr. „Í Eymunds-
son rak ég augun í mikla uppáhaldsbók í
fallegri kiljuútgáfu, Cat’s Eye eftir Margaret
Atwood. Þetta varð til þess að ég króaði
afgreiðslustúlkuna af, horfði djúpt í augu
hennar, blakaði bókinni framan í hana og
sagði: „Lestu þessa!“ Þeir sem vinna í mið-
bænum eru vanir hvers kyns undarlegheitum
og því tók hún þessari framkomu mjög vel og
lofaði meira að segja að lesa bókina.“
Fyrir stuttu fékk hún svo bókina Dýrin í Saigon
eftir Sigurð Guðmundsson í afmælisgjöf
og skemmti sér konunglega yfir henni. „Ég
ráðlegg fólki því bæði að taka kattaraugun og
dýrin hans Sigurðar með sér í fríið. Það besta
er að það má taka þau með sér inn á hvaða
hótel og tjaldstæði sem er.“
Höfundur í misgripum á leslista sumarsins
„Auðvitað veit ég það vel hvað ég ætla að
lesa í fríinu mínu,“ segir Guðni Kol-
beinsson þýðandi sem þurfti engan
umhugsunarfrest þegar hann var
inntur eftir því hvaða bók fengi að
fara með honum í sumarfrí. „Ég
ætla að lesa Hornstrendingabók
eftir Þórleif Bjarnason. Ég er að
fara til Hornstranda í sumar og
þess vegna liggur það beint
við að lesa þessa bók.“
Öðrum sem ekki eru
eins bókhneigðir og
vantar hugmynd að
lesefni ráðleggur
hann að leita í brunn
sama höfundar. „Ég
ráðlegg öllum sem vilja
vita eitthvað um íslenskt
mannlíf að lesa bókina hjá
Afa og ömmu eftir Þórleif
Bjarnason. Þetta er falleg
og mannbætandi bók sem
fjallar um uppvaxtarár Þórleifs
hjá afa sínum og ömmu. Ég
er búinn að lesa þessar
bækur margoft, báðar
tvær. Ætli ég verði
ekki með þær
báðar með mér.“
Fyrir þá sem vilja læra um íslenskt mannlíf
„Ég myndi velja myndasöguútgáfuna af Gler-
borginni eftir Paul Auster fyrir íslenskan vin
vegna þess að landinn er svo snobbaður að
hann les helst ekki myndasögur á almanna-
færi,“ fullyrðir Þórarinn Leifsson, rithöfundur
og myndskreytir. „Til að bæta gráu ofan á
svart get ég aðeins útvegað bókina í spænskri
útgáfu en þannig heitir hún Ciudad de cristal.
Svo myndi ég láta fylgja með eina reður-
táknsbók úr jólabókaflóðinu. Svona þessa-
verða-allir-að-lesa bók. Áttahundruð síður um
fornhetju að skaka sér á sauðkind í bundnu
máli. Myndi líma allar síðurnar saman og
bíða svo spenntur eftir því að heyra við-
komandi dásama þessa yndislegu bók eftir
sumarfríið.“
Sjálfur ætlar hann hins vegar að velja
sér bók sem hann hefur trassað lengi að
panta sér. „Það er Odio Barcelona, ástar- og
hatursuppgjör tólf spænskra ungskálda við
heimaborg sína. Ég bjó í Barcelona í tvö ár og
þekki vel þá tilfinningu paradísarmissis sem
lýst hefur verið í umsögnum um bókina. Þá
væri yndislegt að liggja úti í íslenskri náttúru
með blóðbergslykt fyrir vitum sér og lesa bitr-
ar greinar reiðra ungra manna og kvenna um
túrista sem ráfa gargandi niður Römblurnar í
gæsa- og steggjunarferðum.“
Myndasögu fyrir snobbaðan landann
GERÐUR KRISTNÝ Ætlar að lesa bókina In The Kitchen eftir Monicu Ali í sumar. Alveg óvart reyndar, því
hún ruglaði saman rithöfundum og taldi sig vera að kaupa bók eftir Ali Smith, höfund The Accidental.
FRÉTTABLAÐIÐ/STEFÁN
ÞÓRARINN LEIFSSON Hefur lengi ætlað sér að
lesa bókina Odio Barcelona og ætlar að láta
verða að því í sumar. FRÉTTABLAÐIÐ/VILHELM