Fréttablaðið - 24.07.2010, Blaðsíða 2

2 24. júlí 2010 LAUGARDAGUR
„Magni, hefur ykkur Borgfirð-
ingum tekist að bræða hjörtu
landsmanna?“
„Ef okkur hefur ekki tekist það enn
þá gerist það í bráð!“
Guðmundur Magni Ásgeirsson tónlistar-
maður, er einn skipuleggjenda tónlistar-
hátíðarinnar Bræðslunnar sem fram fer
um helgina á Borgarfirði eystri. Uppselt
er í forsölu og búist er við miklum mann-
fjölda í bænum.
DÓMSMÁL Fimm menn voru í gær
dæmdir í samtals sautján ára
fangelsi fyrir að standa saman að
innflutningi á hálfu öðru kílói af
mjög sterku kókaíni til landsins
frá Alicante á Spáni.
Þyngsta dóma, fjögur og hálft
ár, hlutu Guðlaugur Agnar Guð-
mundsson, sem skipulagði smygl-
ið og fjármagnaði það, og Davíð
Garðarsson, sem gegndi veiga-
miklu hlutverki í að útvega burð-
ardýr til verksins. Annar skipu-
leggjandi, Orri Freyr Gíslason,
fékk þriggja og hálfs árs dóm,
milliliðurinn Pétur Jökull Jón-
asson þrjú ár og burðardýrið
Jóhannes Mýrdal tvö ár.
Lögregla fékk veður af því síð-
sumars 2009 að Guðlaugur Agnar
og Orri Freyr hygðust smygla
fíkniefnum til landsins. Símar
þeirra voru í kjölfarið hleraðir
og eftirfararbúnaði komið fyrir á
þeim og öðrum sem síðar kom í
ljós að tengdust málinu.
Þáttur hinna varð fljótt ljós
og viðurkenndu Pétur Jökull og
Orri Freyr við skýrslutökur hjá
lögreglu að Davíð hefði átt hlut að
máli. Fyrir dómi, eftir að hafa átt
samskipti við meðákærðu, þeirra
á meðal Davíð, tók framburður
þeirra hins vegar stakkaskiptum
og könnuðust þeir þá skyndilega
ekki við að Davíð hefði nokkuð
komið nærri málinu. Gerði sak-
sóknari því skóna að þeir væru að
halda hlífiskildi yfir Davíð.
Davíð hefur lengstan sakaferil
mannanna fimm, og nær hann allt
aftur til ársins 1985. Hann hefur
hlotið fjórtán refsidóma, meðal
annars fyrir nauðgun og fíkniefna-
misferli. Davíð var á flótta undan
réttvísinni erlendis í hálft annað ár
eftir að naugðunardómurinn féll.
Hann var á skilorði þegar kókaín-
málið kom upp í apríl og eru eft-
irstöðvar fyrri dómsins dæmdar
með nú.
Guðlaugur Agnar á að baki fimm
dóma frá 2003. Hinir eiga styttri
sakaferil.
Guðlaugur Agnar og Orri Freyr
eru jafnframt sakfelldir fyrir pen-
ingaþvætti, enda þykir sannað að
þeir hafi hagnast um milljónir á
fíkniefnasölu. Átta og hálf millj-
ón króna og skartgripir að verð-
mæti tveggja milljóna eru gerð
upptæk.
Einn af meintum höfuðpaurum í
málinu er hins vegar enn ófundinn.
Sá heitir Sverrir Þór Gunnarsson,
betur þekktur sem Sveddi tönn, og
er talinn fara huldu höfði á Spáni.
Hann var einn af aðalmönnunum
í stóra fíkniefnamálinu sem upp
kom um aldamót, er grunaður um
að tengjast mörgum stórum fíkni-
efnamálum sem upp hafa komið
hérlendis síðustu ár og var bendl-
aður við þetta mál af sakborning-
um. Hann er nú eftirlýstur ytra.
Komi hann í leitirnar er ekki úti-
lokað að hann verði ákærður fyrir
sinn þátt. stigur@frettabladid.is
Fimm dæmdir fyrir
dópsmygl frá Spáni
Fimm menn fengu samtals sautján og hálfs árs fangelsisdóm fyrir að smygla
einu og hálfu kílói af kókaíni til landsins frá Alicante. Símar voru hleraðir í
meira en hálft ár. Einn meintra höfuðpaura málsins fer enn huldu höfði á Spáni.
DAVÍÐ GARÐARSSON Tveir sakborningar gjörbreyttu framburði sínum við meðferð
málsins, að því er virðist til að halda hlífiskildi yfir þessum manni, Davíð Garðarssyni.
Hann hlaut fjögurra og hálfs árs fangelsisdóm í gær. FRÉTTABLAÐIÐ/ANTON
FÆREYJAR Sjómenn í Þórshöfn í
Færeyjum ráku í gærmorgun á
land grindhvalavöðu sem í voru
um 110 skepnur.
Nær allir sjómenn í bænum fóru
til móts við vöðuna árla morguns
eftir að fréttin barst um hana frá
skipstjóra úti fyrir landinu. Hún
var rekin upp í Sandfjöru þar sem
allir hvalirnir voru skornir á litlum
sjö mínútum. Ernst Kass, reyndur
skipstjóri, segir drápið hafa verið
til fyrirmyndar og gengið hratt
fyrir sig.
Hvalnum er skipt á milli þeirra
sem sigla út og fjölda fullorðinna
og barna sem koma í fjöruna. Sá
sem sér eða tilkynnir um vöð-
una fær stærsta hvalinn eða þrjá
minni og sjúkrahúsið og elliheim-
ilið fá hvort sinn hvalinn. Öðrum
er skipt á milli þeirra sem skrá sig
hjá yfirumsjónarmanni. Hverjum
hval er skipt í einingar sem kallað-
ar eru skinn og eru um átta skinn
í meðalstórum hval. Á einu skinni
er bæði spik og kjöt sem verka
þarf strax.
Ernst segir grindhval vera herra-
mannsmat. Kjötið sé borðað ferskt
og þurrkað og spikið ferskt með
signum fiski eða harðfiski. - sh
Stór grindhvalavaða rekin á land í Þórshöfn í gær:
Hundrað hvalir skornir
LÍF OG FJÖR Fólk á öllum aldri þusti niður í fjöru og sumir klæddu sig úr skóm og
sokkum til að leyfa rauðlituðum sjónum að leika við fæturna. MYND/PÁLL JÖKULL
LÖGREGLUMÁL Umferðarlagabrot-
um í umdæmi lögreglunnar á
Akureyri hefur fækkað um meira
en helming milli ára. Í júní 2009
voru framin 332 umferðarlaga-
brot en 161 í júní í ár.
Engin ein skýring er á fækkun-
inni að mati lögreglunnar á Akur-
eyri, en svo virðist sem ökulag
sé að breytast. Ölvunarakstur og
akstur undir áhrifum fíkniefna
minnkar ekki en hraðakstur og
akstur án bílbelta hefur minnkað
mikið.
Hegningarlagabrotum fækkar
einnig milli ára, voru 91 í fyrra
en 65 í ár. Þá fækkaði fíkniefna-
brotum úr fimmtán í átta. - þeb
Fólk ekur hægar á Akureyri:
Brotum fækkar
um helming
FÓLK Hljómsveitin Þeyr kemur
fram á 100 ára afmæli íslensku
hljómplötunnar í Norræna húsinu
23. ágúst næstkomandi. Hljóm-
sveitin hætti árið 1983 eftir stutt-
an en farsælan
feril sem hófst,
að sögn Guð-
laugs Krist-
ins Óttarsson-
ar, fyrir alvöru
þegar hin eig-
in lega Þ eyr
varð til í janúar
1981.
„Þetta verð-
ur táknrænn
gjörningur,“
segir gítarleikarinn Guðlaugur
Kristinn. Þeir Hilmar Örn Agn-
arsson bassaleikari og söngvar-
inn Magnús Guðmundsson verða
fulltrúar hljómsveitarinnar ásamt
allsherjargoðanum Hilmari Erni
Hilmarssyni. - afb / sjá síðu 42
27 ára svefn á enda:
Þeyr vaknar
í gjörningi
GUÐLAUGUR K.
ÓTTARSSON
ORKUMÁL Greining íslenska ráð-
gjafarfyrirtækisins Gekon og
doktor Michaels Porter á íslenska
jarðvarmaklasanum verður undir-
staða heildarúttektar endurskoð-
unarfyrirtækisins KPMG á jarð-
varmageiranum á heimsvísu,
arðsemi hans og tækifærum.
Gekon og KPMG undirrituðu í
gær samkomulag þessa efnis.
Niðurstöðurnar verða kynntar
á alþjóðlegri ráðstefnu sem hald-
in verður í Háskólabíói 1. nóv-
ember næstkomandi, að því er
fram kemur í tilkynningu. Þar
mun Michael Porter meðal ann-
ars leggja fram tillögur um með
hvaða hætti best sé að haga upp-
byggingu íslenska jarðvarmaklas-
ans og ekki síst tækifærum hans í
alþjóðlegu samhengi. - sh
Ísland verður fyrirmynd:
Gera alheims-
úttekt á jarð-
varmageiranum
UNDIRRITUN Í gær var skrifað undir
samning um samstarf Gekon og KPMG.
FRÉTTABLAÐIÐ/ARNÞÓR
NÁTTÚRA Aðstæður fyrir göngu á
Hvannadalshnúk eru góðar þessa
dagana þrátt fyrir að komið sé
fram yfir miðjan júlí og veturinn
hafi verið snjóléttur.
Helsti göngutíminn er í maí og
fram yfir miðjan júní en aðstæð-
ur til göngu í sumar hafa verið
óvenju góðar.
Fyrirtækið Íslenskir fjallaleið-
sögumenn býður upp á göngur á
Hvannadalshnúk þrisvar sinnum
í viku, þriðjudaga, fimmtudaga
og laugardaga, og verður þeim
ferðum haldið áfram meðan
aðstæður leyfa. - mþl
Viðrar vel til fjallgöngu:
Enn hægt að
klífa Hnjúkinn
VIÐSKIPTI Lyfjaþjónustan ehf.
hefur keypt dreifingarfyrirtæk-
ið Parlogis á 250 milljónir króna.
Fyrirtækið var að 80 prósentum
í eigu eignarhaldsfélags Lands-
bankans, Vestia, og að fimmtungi
í eigu Atorku Group.
Fram kemur í tilkynningu að
fyrirtækið sé það fyrsta sem selt
er úr eignasafni Vestia, en salan
er með fyrirvara um samþykki
Samkeppniseftirlitsins.
Alls fengu tólf kynningargögn
um Parlogis, en fjórir lögðu svo
fram óskuldbindandi tilboð. Þeir
fengu svo aðgang að gögnum til
áreiðanleikakönnunar, áður en
lagt var fram bindandi tilboð.
Rekstur Parlogis er sagður í
ágætu horfi, en fyrirtækið varð
fyrir miklum skakkaföllum í
tengslum við efnahagshrunið og
gengisfall krónunnar. - óká
Vestia selur fyrsta fyrirtækið:
Söluverðið 250
milljónir króna
SVEITARSTJÓRNARMÁL Rangar
ákvarðanir bæjarstjórnar Álfta-
ness á árunum 2006 til 2009 eru
meginorsök greiðsluþrots Álfta-
ness, að mati Ríkisendurskoðunar.
Ríkisendurskoðun segir í nýrri
skýrslu að bæjarstjórnin hafi
ekki brugðist við viðvörunum og
að útþensla bæjarins hafi byggt á
óraunhæfum væntingum. Skuld-
ir sveitarfélagsins sjöfölduðust á
tímabilinu 2006 til 2009 og námu
samtals um 7,3 milljörðum króna
í árslok 2009.
Sérstaklega eru nefndar
ákvarðanir um að semja við
einkaaðila um að byggja sund-
laug, íþróttahús og aðrar þjón-
ustubyggingar og leigja síðan
þessi mannvirki af þeim. Samn-
ingarnir eru ýmist til 30 eða 50
ára og óuppsegjanlegir. - sh
Skýrsla Ríkisendurskoðunar:
Bæjarstjórn
kennt um þrot
STJÓRNMÁL Þingflokkur Vinstri grænna hefur komið
þeirri skýlausu kröfu á framfæri við samstarfs-
flokkinn í ríkisstjórn að fundin verði leið til að
rifta kaupum kanadíska orkufyrirtækisins Magma
Energy á HS Orku. Samkvæmt heimildum Frétta-
blaðsins varð þetta einróma niðurstaða þingflokks-
fundar sem haldinn var um Magma-málið í gær-
kvöldi.
Samkvæmt upplýsingum Fréttablaðsins telja
þingmenn Vinstri grænna Samfylkinguna að ein-
hverju leyti hafa farið á bak við sig í málinu, og í
ljósi þess að tilvist Vinstri grænna grundvallist
að hluta til á stefnunni í orkumálum sé afar brýnt
að málið leysist. Samfylkingin hafi gert mistök í
stjórnarsamstarfinu með því að stilla sér upp með
öðrum flokkum í þessu tiltekna máli, gegn sam-
starfsflokknum.
Hefur þeim skilaboðum verið komið til Samfylk-
ingarinnar að hún þurfi að íhuga sína stöðu gagn-
vart Vinstri grænum með þetta í huga, án þess þó að
rætt sé um stjórnarslit í því samhengi.
Vinstri græn munu jafnframt gera þá kröfu að
eignarhald á orkuauðlindum verði endurskoðað frá
grunni ásamt lögum um erlenda fjárfestingu.
Skúli Helgason, formaður iðnaðarnefndar og vara-
formaður þingflokks Samfylkingarinnar, hafði ekki
heyrt af niðurstöðu þingflokksfundar VG í gær, en
sagði að Samfylkingin ynni nú að farsælli lausn
málsins í samstarfi við VG og áréttaði mikilvægi
þess að efna til rannsóknar á sölu Hitaveitu Suður-
nesja og kaupum Magma. - sh
Þingflokkur Vinstri grænna sendir Samfylkingunni afdráttarlaus skilaboð:
Krefjast riftunar á kaupum Magma
ÞINGFLOKKSFUNDUR Vinstri græn telja að Samfylkingin hafi
að sumu leyti komið í bakið á þeim í málinu. FRÉTTABLAÐIÐ / STEFÁN
SPURNING DAGSINS