Fréttablaðið - 24.07.2010, Blaðsíða 26
24. JÚLÍ 2010 LAUGARDAGUR4 ● fréttablaðið ● hvert á að fara?
Gnótt er í boði af tónlist og skemmtun um allt land um verslunar-
mannahelgina eins og ævinlega. Hér gefur að líta dæmi um lista-
menn sem koma fram á nokkrum hátíðum.
NEISTAFLUG Í NESKAUPSTAÐ:
Gunni og Felix
Pollapönk
Paparnir
FJÖLSKYLDUHÁTÍÐ SÁÁ AÐ HLÖÐUM,
HVALFJARÐARSTRÖND:
Geirmundur Valtýsson
FJÖLSKYLDUDAGAR Á STOKKSEYRI:
Eivör Pálsdóttir og fleiri færeyskir listamenn
FÁKAFLUG Á VINDHEIMAMELUM:
Helgi Björns og Reiðmenn vindanna
SSSól
Hvanndalsbræður
EIN MEÐ ÖLLU Á AKUREYRI:
Dikta
Páll Óskar
Hjálmar
Skítamórall
Sveppi og Villi
ÞJÓÐHÁTÍÐ Í VESTMANNAEYJUM:
Björgvin Halldórsson
Fjallabræður
Ingó og Veðurguðirnir
Færeyskir fjölskyldudagar fara
fram í annað sinn. „Við ákváð-
um að endurtaka leikinn frá því
í fyrra þar sem hátíðin heppnað-
ist ótrúlega vel,“ segir Ása Berg-
lind Hjálmarsdóttir, rekstrarstjóri
Draugasetursins, sem hefur ásamt-
Lista- og menningarverstöðinni á
Stokkseyri, skipulagt hátíðina.
Spurð hvað valdi að færeysku
þema sé haldið á lofti, segir Ása
íbúa Stokkseyrar finna til ákveð-
inna tengsla við Færeyinga. „Fær-
eyingar eru auðvitað frændur
okkar og miklir vinir og þarna
gefst landsmönnum færi á að kynn-
ast betur matarmenningu þeirra,
dönsum og tónlist, þar sem fjöldi
þekktra færeyskra tónlistarmanna
kemur fram,“ segir hún og nefnir
Eivøru Pálsdóttur, Högna Lisberg,
Yggdrasil með Angel-
iku Nielsen, Kvonn og
hljómsveit Hilmars
Joensen. Fjöldi ann-
arra viðburða verða
í boði á Stokkseyri:
„landsliðsleikur“ í
fótbolta milli heima-
manna og Færey-
inga, dansleikir og margt í boði
fyrir fjölskyldufólk; kajakleiga,
Töfragarðurinn, Draugasetrið og
Álfa-, trölla og norðurljósasafn-
ið þar sem tilboð verða um versl-
unarmannahelgina. Ása minnir á
að fjölskyldan geti notið þess að
heimsækja fjöruna og veitingast-
ðinn Fjöruborðið.
Tónleikar og dansleikir verða
öll kvöldin og hægt er að nálg-
ast miða á midi.is en ef selst
upp á tónleikana má samt
skella sér á dansleikinn
sem byrjar að tónleik-
um loknum. Dag-
skrána má finna á
www.stokkseyri.
is. og á facebook-
síðu Draugaset-
ursins.
Tónlistarveisla á Stokkseyri
Fjöldi þekktra tónlistar-
manna kemur fram á
hátíðinni.
Gestir þjóðhátíðar í Eyjum eiga
væntanlega von á góðu þegar
þungavigtarfólk í íslensku
tónlistarlífi, Ellen Kristjáns-
dóttir, KK og Bubbi Morthens,
leiðir saman hesta sína á
laugardagskvöldinu.
„Þegar hugmyndin kviknaði þurfti
ég alls ekkert að hugsa mig um og
var strax til í þetta. Við erum voða-
lega ánægð með þetta og það ríkir
mikil virðing og væntumþykja
milli okkar,“ segir söngkonan Ellen
Kristjánsdóttir, sem hefur myndað
nokkurs konar tríó ásamt Kristjáni
Kristjánssyni bróður sínum, betur
þekktum sem KK, og Bubba Mort-
hens og koma þau fram ásamt hljóm-
sveit á Þjóðhátíð í Vestmannaeyjum
um verslunarmannahelgina.
Aðspurð segist Ellen ekki hafa
búist við því að hún myndi nokk-
urn tímann syngja í tríói með þeim
Bubba og KK, þótt hún hafi unnið
talsvert með þeim í gegnum tíðina.
„Ég og Kristján höfum gert ýmis-
legt saman og ég hef líka sungið með
Bubba í lögum eins og Það er gott
að elska, Fallegur dagur og fleirum,
auk þess sem Eyþór Gunnarsson,
maðurinn minn, hefur verið upp-
tökustjóri hjá Bubba og KK hefur
spilað með honum líka. Við tengj-
umst öll á ýmsa vegu.“
Téður Eyþór er einmitt hljóm-
sveitarstjóri sveitarinnar sem leik-
ur undir hjá Ellen, KK og Bubba í
Eyjum og leikur á hljómborð, en auk
hans eru í sveitinni þeir Guðmund-
ur Pétursson á gítar, Benedikt Bryn-
leifsson á trommur og Sölvi Kristj-
ánsson, sonur KK og frændi Ellen-
ar, á bassa. Ellen segir ánægjulegt
að vinna með þessu góða fólki, en
tónleikarnir fara þannig fram að
Ellen, KK og Bubbi syngja nokk-
ur lög hvert í sínu lagi, svo syng-
ur Bubbi með KK, Ellen með
Bubba og koll af kolli þar
til að þau syngja loks öll
saman eitt lag, en Ellen
segir það leyndarmál
hvert það lag verður.
Söngkonan seg-
ist lítið hafa stund-
að útihátíðir á
sínum yngri
árum sem
gestur, slíkt
hafi einfald-
lega ekki
höfðað til
hennar.
„En sautján ára var ég byrjuð að
syngja á svona hátíðum, fyrst á
Rauðhettuhátíðinni við Úlfljótsvatn
með hljómsveitinni Tívolí og svo
með Ljósunum í bænum, Manna-
kornum og fleirum í Húnaveri, Sól-
borg og fleiri hátíðum. Tvisvar hef
ég sungið á Þjóðhátíð í Eyjum með
Borgardætrum, svo ætli við köllum
okkur ekki Eyjasyni núna, eða BEK-
tríóið, eða jafnvel KEB,“ segir Ellen
og hlær.
KK semur Þjóðhátíðarlagið í ár,
Bubbi átti Þjóðhátíðarlagið síðast
og segist Ellen í gríni vera búin að
panta að fá að eiga lagið næst. Þessa
dagana vinnur hún að kántrípopp-
tónlist með Pétri Hallgrímssyni
og koma þau meðal annars fram
á djasshátíð í Reykjavík í ágúst.
Þá hefur hún verið að vinna með
Eyþóri eiginmanni sínum að því
að setja gamalt íslenskt
efni í nýjan búning,
svipað og þau
gerðu á hljóm-
plötunni Sálm-
ar sem kom út
2004 og hlaut
góðar viðtök-
ur, svo það er
nóg að gera hjá
henni. - kg
Virðing og væntumþykja
Ellen segir aldrei að vita hvort samstarf hennar, KK og Bubba Morthens haldi áfram eftir þjóðhátíð í Eyjum. Hér heldur söngkonan
á tíkinni Tinnu sem ein dætra hennar á. FRÉTTABLAÐIÐ/PJETUR
Kynning
HVERJIR VERÐA HVAR?
Hafðu kennarann í hendi þér!
Æfingakylfur, sem
leiðrétta sveifluna
á örskömmum tíma
Eftir að hafa æft
með þessum kylfum
snarfækkar höggum
á hverjum hring...
Komdu við hjá okkur
og kynntu þér málið
Helluhraun 22 - 220 Hafnarfirði
Sími 555 2585 - www.irobot.is
Driver, 5 og 7 járn fyrir rétthenta sem örvhenta
Hraðamælar, fyrir þá sem vilja jafna sveifluna