Fréttablaðið - 24.07.2010, Blaðsíða 50
30 24. júlí 2010 LAUGARDAGUR
folk@frettabladid.is
Tónlistarmaðurinn KK fagnar um
þessar mundir 25 ára starfsafmæli.
Af því tilefni ætlar hann að halda
tónleika í Háskólabíói laugardaginn
11. september, en miðasala hófst á
Midi.is í gær.
Þar ætlar KK að fara yfir feril-
inn í tali og tónum og fá til sín góða
gesti. Hljómsveitin verður svo undir
stjórn Eyþórs Gunnarssonar.
KK sendi frá sér plötuna Lucky
One árið 1991 og hefur síðan verið
eitt stærsta nafnið í íslenskri tón-
list. KK hefur gert átta sólóplötur,
fimm plötur í samstarfi við Magn-
ús Eiríksson, tvær plötur með
hljómsveit sinni KK Band, eina
jólaplötu með systur sinni Ellen
Kristjánsdóttur sem og fjöldann
allan af tónlist fyrir leikhús og
kvikmyndir, þar ber hæst tónlist
hans í verkunum Þrúgur reiðinnar
og Fjölskyldan.
KK fagnar starfsaf-
mæli í Háskólabíói
STARFSAFMÆLI KK fer yfir ferilinn á
tónleikum í september.
36 kvikmyndir hafa verið
kynntar til þátttöku á
Alþjóðlegu kvikmynda-
hátíðinni í Reykjavík, RIFF,
sem verður haldin 23. sept-
ember til 3. október.
Meðal áhugaverðra mynda á
Alþjóðlegu kvikmyndahátíð-
inni í Reykjavík, RIFF, í haust
er bandaríska heimildarmynd-
in When The Dragon Swallowed
The Sun. Myndin segir frá frels-
isbaráttu Tíbeta á síðustu árum
og varði leikstjórinn Dirk Simon
sjö árum í gerð hennar. Töluverð-
ar líkur eru á því að hann fylgi
myndinni til Íslands og verði við-
staddur frumsýningu hennar.
Í myndinni koma meðal ann-
ars fram leikarinn Richard Gere,
Desmond Tutu og Dalai Lama.
Þá leikur tónlistin stórt hlutverk
í myndinni en þeir Thom Yorke,
Damien Rice og Philip Glass
voru fengnir til að semja hana.
Einnig hljómar eitt laga Bjarkar
Guðmundsdóttur í myndinni.
Önnur áhugaverð heimildar-
mynd á hátíðinni er hin banda-
ríska Which Way Home sem var
tilnefnd til Óskarsverðlauna sem
besta heimildarmyndin fyrr á
árinu. Myndin fylgir eftir börn-
um sem reyna í örvæntingu sinni
að komast frá hinum ýmsu lönd-
um Suður-Ameríku, í gegnum
Mexíkó og til Bandaríkjanna, í
þeirri von að finna foreldra sína
sem þar búa.
Frelsisbarátta Tíbets á RIFF
Hinir fimm sameinuðu með-
limir strákabandsins Take
That hafa ákveðið að banna
áfengi á væntanlegri tón-
leikaferð um Evrópu á næsta
ári. Svo virðist sem partí-
stand sveitarinnar sé á enda
runnið, enda hafa Robb-
ie Williams og Mark Owen
glímt við áfengisvandamál
undanfarin ár. „Strákarnir
ræddu saman í síðustu viku
þegar þeir voru að vinna að
nýju tónlistarmyndbandi.
Þeir ræddu dagskrána fyrir
næsta ár. Þetta er viðkvæmt
málefni en hvorki hljóm-
sveitin né aðstoðarmenn
hennar fá að hafa áfengi um
hönd,“ sagði heimildarmaður
The Sun.
Þrátt fyrir bannið ætla
þeir félagar að þjappa sér
saman fyrir tónleikaferðina
með því að fara í strákaferð
til Los Angeles og Las Vegas.
Það var Williams sem stakk
upp á ferðinni, sem verður
farin í næsta mánuði. „Það
er auðvelt að láta lítið fyrir
sér fara þar, fela sig frá
sviðsljósi fjölmiðla, vinna
að nýjum hugmyndum og
slappa af.“
Take That allsgáð á tónleikaferð
ALLSGÁÐIR Robbie Williams og Gary Barlow verða ódrukknir á tónleika-
ferðalaginu. NORDIPHOTOS/GETTY
HEIMILDARMYND UM TÍBET
Bandaríska heimildar-
myndin When The Dragon
Swallowed The Sun segir
frá frelsisbaráttu Tíbeta á
síðustu árum.
> SORGMÆDDUR EKKILL
Leikarinn Liam Neeson er enn þá að
jafna sig á fráfalli eiginkonu sinnar, leik-
konunnar Natöshu Richardson, sem
lést fyrir sextán mánuðum. Hann og
synir hans tveir eru snortnir af þeim
fjölda skilaboða sem þeim hefur bor-
ist vegna andláts hennar. „Ef ég á að
vera hreinskilinn þá tökum við einn
dag fyrir í einu,“ sagði Neeson. „Ég er
enn að fá yndisleg samúðarbréf frá fólki
og þau snerta mig djúpt.“