Fréttablaðið - 07.08.2010, Side 16

16 7. ágúst 2010 LAUGARDAGUR
AF NETINU
Árangurinn ekki jafnslæmur og af er látið
Ef maður skoðar árangurinn, blasir við að kreppan er ekki jafn slæm á Íslandi
-- hvort sem mælt er í atvinnuleysi eða samdrætti -- en búist var við fyrir-
fram, og það sem kemur kannski meira á óvart er að þrátt fyrir hið gífurlega
hrun bankanna kemur Ísland ekki verr undan vetri en mörg nágrannalönd
okkar í Evrópu.
gautieggertsson.blogcentral.is/
Gauti Eggertsson
Langdýrasti borgarstjórinn
Þá er Jón Gnarr kominn á langdýrasta bíl landsins undir því yfirskyni, að
bíllinn eyði bara vetni. Bíllinn kostar tugi milljóna, slær út nýrýku fjárglæfra-
mennina. Nýkominn frá Finnlandi, þar sem hann uppgötvaði, að Múmín-
pabbinn mælir með Evrópusambandinu.
jonas.is
Jónas Kristjánsson
Gagnrýni Björns Vals Gísla-sonar, þingmanns VG og skip-
stjóra í leyfi á Alþingi frá Brim
hf. á skipun Runólfs Ágústssonar
í starf umboðsmanns skuldara er
eftirtektarverð í meira lagi. Skip-
un Runólfs væri hluti af gamla
valdatímanum, sem Björn Valur
sagðist ekki vilja tilheyra.
Björn Valur er skipstjóri í leyfi
frá Brim hf., og hefur þegið laun
sem slíkur eftir að hann tók sæti
á Alþingi. Hver gæti til dæmis
gleymt því að Björn Valur skrapp
á sjóinn hjá Brim hf. í miðri Icesa-
ve-deilu alþingismanna?
Þann 28. júlí síðastliðinn sagði
Björn Valur í viðtali við fjölmiðla
að hann væri þreyttur á þing-
mennsku og íhugaði að snúa aftur
til sjós, þ.e. til starfa hjá Brim hf.
eftir árs frí. Þar bíður hans skip-
stjórastaða er hann snýr til baka
úr störfum sínum á Alþingi. Í
ljósi ummæla hans um vinnu-
brögð hins gamla valdatíma þá
hljóta spurningar að vakna hjá
almenningi um hagsmunatengsl
Björns Vals og LÍÚ-stórveldisins
Brims hf.
Er það hluti af nýjum vinnu-
brögðum hins nýja valdatíma VG
að skipa í nefnd aðila sem hefur
beina og sameiginlega fjárhags-
lega hagsmuni ásamt sínum
vinnuveitanda við endurskoðun á
fiskveiðistjórnunarkerfinu? Björn
Valur hefur þegið í það minnsta
2,5 milljónir króna í laun frá Brim
hf. síðan hann tók sæti á Alþingi.
Hvernig má það vera að starfs-
maður Brims hf. sé skipaður í
nefnd sem fjallar um endurskoð-
un fiskveiðistjórnkerfisins og þar
af leiðandi um gífurlega fjárhags-
lega hagsmuni Brims hf., þaðan
sem Björn er í leyfi á meðan hann
sinnir þingstörfum? Myndi Björn
Valur fórna skipstjórastöðu sinni
hjá Brim með því að standa við
kosningaloforð VG um innköllun
kvótans gegn vilja Brims?
Eru það ásættanleg og góð
vinnubrögð að skipa slíkan aug-
ljósan hagsmunaaðila undir fölsk-
um forsendum í mikilvæga nefnd
sem fjalla á um mannréttindi,
samkeppnisumhverfi og að leita
leiða til sátta um fiskveiðistjórn-
unarkerfið? Svarið er einfalt og
svarið er nei.
Þessi vinnubrögð hefðu líklega
þótt boðleg á hinum gamla valda-
tíma sem Björn Valur vill þó alls
ekki tilheyra. Þau eru ekki boðleg
því Björn Valur er vanhæfur sem
varaformaður og nefndarmaður
í starfshópi sem endurskoðar
fiskveiðistjórnunarkerfið. Hann
hefur ríkra fjárhagslegra hags-
muna að gæta sem starfsmaður
Brims hf. og er í raun umboðs-
laus af hálfu VG í nefndinni þar
sem hann hefur sjálfur sagt í fjöl-
miðlum að hann geti ekki stutt
áform um innköllun kvótans og
endurúthlutun á grundvelli jafn-
ræðissjónarmiða, það verði að
fara aðrar leiðir þegar kemur að
endurskoðun fiskveiðistjórnun-
arkerfisins. Þar með segir Björn
Valur að hann geti ekki fylgt
eftir stefnu flokks síns í sjávar-
útvegsmálum og sínum eigin lof-
orðum frá því fyrir kosningar.
Hann fylgir aftur á móti stefnu
og hagsmunum vinnuveitanda
síns Brims hf. með sóma, enda
fór hann inn í nefndina á for-
sendum VG en ákvað í miðri á að
skipta um hest og þjóna hagsmun-
um LÍÚ og vinnuveitanda síns
Brims hf. enda liggja fjárhags-
legir hagsmunir hans og Brims
hf. saman.
Björn Valur á að sjá sóma sinn
í að segja af sér sem varaformað-
ur endurskoðunarnefndar um
stjórnun fiskveiða og víkja um
leið sem nefndarmaður. Samhliða
því ætti Björn Valur að íhuga
alvarlega stöðu sína sem þing-
maður. Nauðsynlegt er að byggja
upp traust almennings á Alþingi
og stjórnkerfinu í heild eftir
efnahagshrunið. Skipun Björns
Vals í umrædda nefnd er ekki til
þess fallin að byggja upp traust,
þvert á móti þá liggur af henni
svo megn óþefur að jafnvel þeir
dauðu myndu grípa fyrir vit sér.
Það blasir við. Björn Valur vill
ekki sjá þær aðferðir sem ein-
kenna gamla valdatímann, nema
þá auðvitað að hann stundi þær
sjálfur. Björn Valur ætti að var-
ast að kasta grjóthnullungum úr
glerhúsi sínu.
Grjótkast úr glerkastala
Björns Vals Gíslasonar
Minn ágæti samstarfsmað-ur, Ögmundur Jónasson,
ritar grein í Morgunblaðið í gær
sem vakið hefur hörð viðbrögð og
ónotatilfinningu hjá mörgum enda
var það trúlega markmiðið.
Greinin er ekki málefnaleg og
kallar því ekki á málefnaleg við-
brögð. Hún lýsir hins vegar und-
arlegu viðhorfi sem hættulegt er
að sá í viðkvæman svörð. Samlík-
ingar og orðaval það sem Ögmund-
ur styðst við er ekki sú orðræða
sem við þörfnumst nú um stund-
ir þegar við stjórnmálamenn og
landsmenn allir leggjast á árarn-
ar við að byggja upp samfélagið
eftir það skipbrot sem við höfum
orðið fyrir.
Sú staðreynd blasir við að Alþingi
Íslendinga samþykkti að óska eftir
því við Evrópusambandið að hafn-
ar yrðu viðræður um aðild Íslands
að sambandinu. Sú beiðni var sam-
þykkt. Við göngum keik til þeirra
viðræðna enda höfum við ýmislegt
fram að færa, eins og Ögmundur
bendir réttilega á. Hvað Evrópusam-
bandið býður á móti á eftir að koma
í ljós. Margt af því þekkjum við nú
þegar en úr öðru þarf að vinna eftir
því sem viðræðum vindur fram.
Á meðan höldum við Íslendingar
áfram að sinna okkar viðfangsefn-
um og þiggjum þá aðstoð sem okkur
býðst og okkur hentar í hverju til-
viki.
Ég vona að sá tónn sem Ögmund-
ur slær í grein sinni sé feilnóta sem
ekki verður aftur slegin. Málefnaleg
umræða, meðan á aðildarviðræðun-
um stendur, er bæði andstæðingum
og fylgjendum aðildar til framdrátt-
ar. Þá getum við öll staðið upprétt
þegar niðurstöður þjóðaratkvæða-
greiðslunnar liggja fyrir.
Feilnóta í umræðu
Endurnýtanlegar orkuauðlindir eins og jarðvarmi og vatnsafl
eru ekki á hverju strái og Ísland
er afar einstakt varðandi hversu
mikla endurnýtanlega orku hér er
að finna.
Með sívaxandi orkuþörf í heim-
inum samhliða nauðsyn þess að
draga úr notkun á jarðefnaelds-
neyti er hrein orka alltaf að verða
verðmætari og verðmætari. En
aðgerðir vegna loftslagsbreyting-
ar og síaukin orkuþörf eiga eftir að
hafa mikil áhrif á orkumarkaðinn
og orkuverð í nánustu framtíð.
Mikilvægt er að þjóðin geri sér
grein fyrir hversu mikilvægar og
verðmætar endurnýtanlegar orku-
auðlindir eru. Sérstaklega vatns-
afl og jarðvarmi. Þrátt fyrir að
skuldastaða helstu orkufyrirtækj-
anna í dag sé erfið vegna mikilla
framkvæmda síðustu ára er afar
skammvinn lausn að fá erlend-
an gjaldeyri á þann hátt að selja
sjálfan nýtingarréttinn. Ef ein-
hver fyrirtæki eiga góða burði til
þess að standa við skuldbindingar
sínar eru það orkufyrirtæki sem
nýta endurnýtanlega orku.
Slík fyrirtæki geta gengið að
viðskiptavinum sínum með vissu,
þar sem heimili, fyrirtæki og iðn-
aður þurfa alltaf á orku að halda.
Ný löggjöf þar sem tryggja verð-
ur meirihluta eign hins opinbera
yfir orkuauðlindum og nýtingar-
rétti þeirra verður að vera skýr
og einföld .
Það á ekki að vera hægt að kom-
ast undan henni með einhverjum
klækindum. Við þurfum á slíkri
löggjöf að halda sem fyrst til að
tryggja að eignarhald á orkuauð-
lindum færist ekki á fáar hendur
heldur haldist í almannaeigu.
Dýrmæt
orka
Stjórnmál
Þórður Már
Jónsson
lögfræðingur og
varaþingmaður
Samfylkingar
Finnbogi Vikar
fulltrúi Hreyfingarinnar
í endurskoðunarnefnd
um stjórnun fiskveiða
Evrópumál
Anna Margrét
Guðjónsdóttir
fyrsti varaþingmaður
Samfylkingar í
Suðurkjördæmi
Orkumál
Þórhildur Fjóla
Kristjánsdóttir
orkuverkfræðingur
STYRKIR VERÐA VEITTIR TIL BARNA Á ALDRINUM 6–16 ÁRA
Ferðasjóður Vildarbarna er sameiginlegt átak Icelandair og viðskiptavina félagsins
til að gera langveikum börnum og fjölskyldum þeirra, og börnum sem búa við
sérstakar aðstæður vegna veikinda, kleift að ferðast. Ferðasjóður Vildarbarna
hefur gert yfir 250 börnum og fjölskyldum þeirra mögulegt að fara í ógleymanlega
og uppbyggjandi fjölskylduferð.
Verndari Vildarbarna er frú Vigdís Finnbogadóttir, fyrrverandi forseti Íslands.
Umsóknarfresturinn er til 1. september 2010.
Úthlutað verður úr sjóðnum fyrsta vetrardag 23. október 2010.
Þeir umsækjendur sem ekki hafa fengið úthlutað úr sjóðnum áður ganga fyrir.
UMSÓKNIR
UM FERÐASTYRKI
VILDARBARNA
ICELANDAIR
Vildarbörn Icelandair