Fréttablaðið - 07.08.2010, Blaðsíða 80

52 7. ágúst 2010 LAUGARDAGUR
FÓTBOLTI Jökull Elísabetarson er
leikmaður 14. umferðar Pepsi-
deildar karla að mati Fréttablaðs-
ins. Hann er einn af fáum leik-
mönnum sem hefur fengið níu í
einkunn hjá Fréttablaðinu í sumar
en að þessu sinni fengu tveir Blik-
ar níur fyrir frammistöðuna í 5-
0 sigrinum á Val á miðvikudag-
inn. Auk Jökuls var það Alfreð
Finnbogason sem skoraði tvívegis
í leiknum og lagði upp tvö önnur
mörk.
„Þetta var helvíti öflugt hjá
okkur, sérstaklega þar sem við
fórum illa að ráði okkar gegn Fram
í síðasta leik á undan,“ sagði Jök-
ull en þá unnu Framarar 2-0 sigur.
„Við vissum að það myndi koma að
tapinu og að það væri allt í lagi.
Það var bara gott að við náðum að
rífa okkur strax upp og þá sérstak-
lega í síðari hálfleik sem var mjög
góður hjá okkur.“
Jökull hefur, eins og svo margir í
Breiðabliki, átt frábært tímabil en
hann er á sínu fyrsta ári í Kópavog-
inum og segist finna sig vel þar.
„Ég er mjög ánægður með tíma-
bilið hjá mér enda að spila með
virkilega góðum leikmönnum sem
gerir þetta auðveldara fyrir mig.
Það eru allir að tala um Kristin
Steindórsson, Guðmund Péturs-
son og Alfreð Finnbogason en svo
má ekki gleyma Finni Orra á miðj-
unni. Það er ekki jafn mikið talað
um hann en það eru forréttindi að
fá að spila með leikmanni eins og
honum og hann á jafn stóran þátt í
þessu eins og allir aðrir.“
Jökull er uppalinn í KR en kom
til Breiðabliks frá Víkingi eftir
síðasta tímabil. Hann sótti þar að
auki nám í Bandaríkjunum á sínum
tíma sem gerði það að verkum að
hann missti ávallt af stórum hluta
tímabilsins.
„Þegar ég ákvað að fara út í skól-
ann vissi ég að ég myndi ekki fá
margar mínútur með KR. Þess
vegna ákvað ég að fara þaðan. Ég
vildi líka fá að spila á miðjunni og
ég vissi að ég fengi að gera það með
skólaliðinu. Það var líka með því
sjónarmiði að ég ákvað að skipta
yfir í Víking,“ sagði Jökull, en hann
var í Fossvoginum frá 2006 til 2007
og svo aftur í fyrra.
„Mér fannst ganga ágætlega
fyrstu tvö árin í Víkingi og ég vildi
koma aftur til þeirra og reyna að
hjálpa liðinu að komast aftur upp í
efstu deild. En tímabilið í fyrra var
hrein hörmung í flesta staði og ég
var mjög ánægður með skiptin yfir
í Breiðablik. Ég hefði ekki fundið
betra lið fyrir mig.“
Fram undan er leikur gegn FH
á morgun og Jökull er sigurviss.
„Það er langskemmtilegast að
spila við betri liðin í deildinni. Við
tókum þá í gegn í fyrri umferðinni
en nú er komin allt önnur mynd
á liðið. Þetta verður skemmtileg-
ur leikur en ég held að við tökum
hann. Við eigum svo ÍBV í næsta
leik á eftir en ég hef ekki áhyggjur
af strákunum. Þeir hafa sýnt mik-
inn stöðugleika og spilað vel undir
pressu. Við ætlum bara að vinna
þetta mót.“ eirikur@frettabladid.is
Við ætlum að vinna þetta mót
Jökull Elísabetarson er leikmaður 14. umferðar Pepsi-deildar karla. Hann átti stórleik þegar Breiðablik
vann 5-0 sigur á Val á miðvikudagskvöldið og kom sér þar með aftur á toppinn. Blikar mæta FH á morgun.
ÍSKALDUR JÖKULL Kominn hér fram hjá Sigurbirni Hreiðarssyni Valsmanni sem liggur eftir í grasinu í leik Breiðabliks og Vals í
vikunni. FRÉTTABLAÐIÐ/VALLI
Lið 14. umferðar (3-4-3)
Markvörður:
Ingvar Kale, Breiðabliki
Varnarmenn:
Elfar Freyr Helgason, Breiðabliki
Freyr Bjarnason, FH
Agnar Bragi Magnússon, Selfossi
Miðvallarleikmenn:
Bjarni Guðjónsson, KR
Gunnar Már Guðmundsson, FH
Jökull Elísabetarson, Breiðabliki
Ólafur Páll Snorrason, FH
Sóknarmenn:
Alfreð Finnbogason, Breiðabliki
Gilles Mbang Ondo, Grindavík
Guðmundur Steinarsson, Keflavík
VILDARÁSKRIFT AÐ STÖÐ 2 INNIHELDUR: AUK STIGVAXANDI AFSLÁTTAR. 512 5100 | STOD2SPORT.IS | VERSLANIR VODAFONE | VERSLANIR OG ÞJÓNUSTUVER SÍMANS 800 7000
Enski boltinn byrjar með hvelli á sunnudaginn. Misstu ekki af þessum sögufræga
leik stærstu liðanna í enska boltanum sem markar upphafið að frábærri leiktíð.
Fáðu þér áskrift í síma 512 5100
ATC- 7,5t
Malbikskassi
-tilboðsverð
Vesturhrauni 3 · 210 Garðabæ.
Sími 480-0000 · www.aflvelar.is
- á lager - sala
- varahlutir
- þjónusta