Fréttablaðið - 27.08.2010, Blaðsíða 2

2 27. ágúst 2010 FÖSTUDAGUR
Lárus, var þessi rannsókn ekki
mikill hausverkur?
„Jú, þar til niðurstöður voru fengn-
ar.“
Lárus Steinþór Guðmundsson hefur
unnið rannsókn á tengslum mígrenis og
þess að deyja úr hjartasjúkdómum.
ORKUMÁL Iðnaðarráðuneytið hefur
afhent Fréttablaðinu hluta af bréfi
sem Ross Beaty, forstjóri Magma,
sendi Katrínu Júlíusdóttur iðn-
aðaráðherra 18. ágúst síðastlið-
inn. Steingrími J. Sigfússyni,
fjármálaráðherra, var sent afrit
af bréfinu.
Ráðuneytið afhendir ekki bréf-
ið allt heldur hefur það með vísan
í upplýsingalög fellt út mikilvæga
hluta bréfsins, bæði málsgrein þar
sem ráðuneytið segir að fjallað sé
um viðkvæma hagsmuni Magma
og eins setningu þar sem ráðu-
neytið segir að Ross Beaty lýsi
persónulegum skoðunum.
Ekkert vantar þó á að skoðanir
Beatys á ýmsum málum komi fram
í þeim hlutum bréfsins sem ráðu-
neytið telur sér
heimilt að birta
án þess að brotið
sé gegn lögum. Í
hinum opinberu
köflum bréfsins
lýsir hann meðal
annars þeirri
skoðun að hann
harmi áfram-
haldandi deilur
um aðkomu Magma að HS Orku
og kveðst í einlægni hafa talið að
fyrirtækinu yrði tekið fagnandi
hér á landi.
Þá segist hann hafa þá stefnu
að búa til fyrirtæki í framleiðslu
á hreinni orku á heimsvísu og seg-
ist einlægur umhverfisverndar-
sinni. Það hafi tekið hann sárt að
verða fyrir árásum á mannorð sitt.
Í umræðum hér á landi hafi borið á
alls kyns vitleysu og röngum upp-
lýsingum.
Áður er komið fram að í bréfinu
býður Beaty íslenskum stjórnvöld-
um til viðræðna um að þau eignist
rétt til að kaupa hlut í fyrirtæk-
inu og til þess að endurskoða þann
tíma sem fyrirtækið fær nýtingar-
rétt á auðlindum á Reykjanesi.
Þá greindi Fréttablaðið frá því í
gær að í bréfinu lýsi Beaty þeirri
skoðun að hann vilji síður selja
græna orku sem HS Orka fram-
leiðir til álvers Norðuráls. Setn-
inguna með þeirri skoðun Beatys
er ekki að finna í hinni ritskoðuðu
útgáfu bréfsins sem iðnaðarráðu-
neytið gerði opinbera í gær. - pg
Iðnaðarráðuneytið afhendir ritskoðaða útgáfu af bréfi frá Ross Beaty:
Sumar skoðanir Beatys taldar
birtingarhæfar en aðrar ekki
ROSS BEATY
DÝRALÍF „Smyrillinn virtist vera
vankaður þar sem hann stóð á
miðjum þjóðveginum, svo ég hand-
samaði hann bara og tók hann með
mér heim.“
Þetta segir Jarl Sigurgeirsson
en hann og fjölskylda hans fóstra
nú slasaðan smyril á heimili sínu í
Vestmannaeyjum.
Fjölskyldan var á ferð í Gríms-
nesi fyrir tæplega hálfum mán-
uði þegar smyrillinn varð á vegi
hennar.
„Hann var fremur gæfur og
hreyfði sig varla þegar ég tók
hann,“ segir Jarl. „Nú er hann bara
í búri úti í garði hjá mér. Hann
virðist vera að hressast og sleppi
ég honum þarf ég stundum að elta
hann. En svo stekkur hann sjálfur
af hendinni á mér inn í búrið.“
Jarl segir að svo virðist sem
fuglinn hafi skaddast á væng og
geti því ekki flogið heldur einungis
flögrað lítillega. Leitað hefur verið
til dýralæknis og fleiri fagmanna
vegna meiðslanna.
„En mér sýnist að hann eigi
enga framtíð sem frækinn flug-
kappi, því miður,“ segir Jarl og
íhugar að ræða við Húsdýragarð-
inn um að taka fuglinn að sér. Þar
geti hann fengið meira rými. Fugl-
inn sé í lagi, utan meiðslanna, og
hafi góða matarlyst. Hann ráðist
á kjötbitana með kjafti og klóm og
hámi þá í sig. - jss
Fjölskylda í Vestmannaeyjum er með slasaðan ránfugl í fóstri:
Vankaður smyrill á miðjum vegi
SMYRILLINN Jarl með meidda smyrilinn,
sem er allur að braggast á fósturheimil-
inu. FRETTABLADID/ÓSKAR
EYJAFJALLAJÖKULL Mikil gufa steig
upp úr Eyjafjallajökli í gær. Sam-
kvæmt upplýsingum frá Veður-
stofu Íslands er ekkert sem bendir
til þess að gufan stafi af einhverju
öðru en eðlilegri uppgufun vatns í
jöklinum og sýna jarðskjálftamæl-
ar enga virkni.
„Það er stanslaus uppgufun
frá jöklinum og þegar skyggni er
gott þá sést það mun betur,“ segir
Davíð Sigurðsson hjá Veðurstofu
Íslands. Gufumökkurinn náði
þrjá kílómetra upp í loftið fyrr í
mánuðinum, en þá mældist held-
ur engin virkni. „Þetta er eðlilegt
ferli og uppgufun vatnsins í jöklin-
um er partur af því,“ segir Davíð.
- sv
Enn kemur gufa úr jöklinum:
Ekkert bendir til
frekari virkni
EYJAFJALLAJÖKULL Mikinn gufustrók
lagði upp úr jöklinum í gærdag.
FRÉTTABLAÐIÐ/ÓSKAR P. FRIÐRIKSSON
VIRKJANIR Sjö tilboð bárust í fram-
kvæmdir byggingarhluta Búðar-
hálsvirkjunar í gær. Af þeim bauð
Búðarafl sf. lægst, en ásamt þeim
buðu Ístak hf. og CWE einnig
margvíslega afslætti af tilboðum
ef samið yrði um tvö eða fleiri
verk.
Landsvirkjun gerir ráð fyrir því
að um tíu vikur geti liðið frá opnun
tilboða þar til endanlegur verk-
takasamningur liggi fyrir. Fram-
kvæmdir við Búðarhálsvirkjun
hefjist líklega fyrir árslok 2010 og
vonast er til að hún verði komin í
fullan rekstur fyrir árslok 2013. - sv
Framkvæmdir við Búðarháls:
Landsvirkjun
bárust sjö tilboð
VIÐSKIPTI „Þetta er ekki gott upp-
gjör. En það var viðbúið að sjóð-
urinn yrði fyrir útlánatapi,“ segir
Ásta H. Bragadóttir, starfandi
framkvæmdastjóri Íbúðalána-
sjóðs.
Íbúðalánasjóður tapaði tæpum
1,7 milljörðum króna á fyrstu sex
mánuðum ársins. Eigið fé sjóðs-
ins nam 8,4 milljörðum króna í
lok júní og er það tæplega 27 pró-
senta lækkun á eigin fé sjóðsins frá
áramótum. Þá er eiginfjárhlutfall
Íbúðalánasjóðs 2,1 prósent sem er
langt undir 5,0 prósenta markmiði.
Til samanburðar er lögboðin lág-
markskrafa Fjármálaeftirlitsins
um eiginfjárhlutföll banka og fjár-
málafyrirtækja 16.0 prósent.
Árni Páll Árnason félagsmála-
ráðherra hefur verið upplýstur um
stöðuna en starfshópur á vegum
ráðuneytis hans vinnur nú að til-
lögum um eiginfjárstöðu sjóðsins.
Í uppgjöri Íbúðalánasjóðs nú
munar mestu um tæplega 1,5 millj-
arða króna virðisrýrnun útlána auk
þess sem tekjur hafa dregist veru-
lega saman á milli ára. Í lok fyrri
hluta árs voru 6,3 prósent lántak-
enda sjóðsins í vanskilum saman-
borið við 5,3 prósent í lok síðasta
árs. Til samanburðar námu vanskil
0,2 prósentum árin 2007 og 2008.
Ásta segir bága stöðu Íbúða-
lánasjóðs nú litast af efnahags- og
bankahruninu. Ekki megi segja að
útlán hans fyrir hrun hafi verið
óeðlileg. Þær hafi verið í takt við
áætlanir um íbúafjölgun, svo sem
tengdum virkjanaframkvæmdum
á Austurlandi. Íbúðalánasjóður á í
dag mikinn fjölda fasteigna fyrir
austan sem hann hefur þurft að
taka til sín vegna vanskila.
jonab@frettabladid.is
Íbúðalánasjóður
eignast 1.100 íbúðir
Afkoma Íbúðalánasjóðs hefur hríðversnað eftir hrun. Tekjur sjóðsins hafa dreg-
ist saman og vanskil aukist verulega. Áætlanir gera ráð fyrir að sjóðurinn taki
yfir tvöfalt fleiri íbúðir á þessu ári en á því síðasta, segir framkvæmdastjóri.
ÍBÚÐALÁNASJÓÐUR Tekjur Íbúðalánasjóðs hafa dregist verulega saman á árinu
og vanskil aukist. Hann hefur þurft að taka yfir rúmlega átta hundruð íbúðir.
FRÉTTABLAÐIÐ/GVA
Íbúðalánasjóður hefur þurft að taka til sín fleiri fasteignir á þessu ári en í fyrra. Í lok síðasta árs
hafði hann tekið yfir 347 fasteignir. Þær voru 739 í lok júní í ár. Síðan þá hafa rúmlega sextíu bæst
í hópinn og á Íbúðalánasjóður nú rúmlega átta hundruð íbúðir. Ásta H. Bragadóttir, starfandi
framkvæmdastjóri Íbúðalánasjóðs, segir áætlanir gera ráð fyrir að hámarkinu verði náð öðru
hvoru megin við næstu áramót. Gangi allt eftir mun Íbúðalánasjóður eiga 1.100 íbúðir á fyrstu
mánuðum næsta árs. „Við leitum allra leiða til að koma í veg fyrir fleiri nauðungarsölur og reynum
að bjarga fólki frá því að missa heimili sín,“ segir Ásta.
Mun taka yfir 360 íbúðir til áramóta
Árshlutauppgjör Íbúðalánasjóðs*
2010 2009 2008
Afkoma -1.680 463 465
Tekjur 505 1.800 1.329
Eigið fé 8.402 13.748 13.284
Virði yfirtekinna eigna 6.435 2.425 1.031
Eiginfjárhlutfall 2,1% 3,0% 4,3%
Hlutfall vanskila 6,3% 5,3% 0,2%
* Í milljónum króna
DÓMSMÁL Ríkislögreglustjóri
hefur gefið út nýtt skipurit fyrir
efnahagsbrotadeild embættisins.
Það gerir ráð fyrir að tveir sak-
sóknarar starfi á rannsóknar- og
ákærusviði deildarinnar.
Sigríði Elsu Kjartansdóttur,
sem skipuð er saksóknari hjá
embættinu hefur verið falið að
gegna starfi saksóknara við efna-
hagsbrotadeild. Þá hefja fleiri
nýir starfsmenn störf við deild-
ina á næstunni, að því er fram
kemur hjá ríkislögreglustjóra.
Á síðustu misserum hafa tíu
lögreglumenn hjá ríkislögreglu-
stjóra horfið til starfa hjá sér-
stökum saksóknara, þar af fimm
tímabundið. - jss
Kynna nýtt skipurit:
Nýr saksóknari
efnahagsbrota
ÍBÚÐALÁNASJÓÐUR Stjórn Íbúða-
lánasjóðs hefur borist erindi frá
félagsmálaráðherra þess efnis að
skipuð verði nefnd sem leggi mat
á umsækjendur um stöðu fram-
kvæmdastjóra Íbúðalánasjóðs.
Guðmundur Bjarnason hætti
sem framkvæmdastjóri 1. júlí og
átti þá að vera búið að ganga frá
ráðningu eftirmanns. Ekki var
samstaða um ráðninguna. Ásta H.
Bragadóttir er tímabundið starf-
andi framkvæmdastjóri. Hún var
jafnframt einn umsækjenda en
dró umsóknina til baka í gær. - jab
Nefnd fari yfir umsækjendur:
Ekki samstaða
um nýjan stjóra
ÞJÓÐKIRKJAN Málverk af Ólafi
Skúlasyni, fyrrum biskupi, hefur
verið fært til á Biskupsstofu.
Fréttablaðið og Vísir birtu í gær
myndir af Karli Sigurbjörnssyni
biskupi og Geir Waage eftir fund
þeirra í gærmorgun, þar sem
málverkið af Ólafi var afar áber-
andi hluti af myndinni.
Steinunn Björnsdóttir, upplýs-
ingafulltrúi Biskupsstofu, segir í
samtali við fréttavef DV að mál-
verkið hafi verið fært til af til-
litssemi og starfsfólk hafi séð að
það hafi vakið upp sárar tilfinn-
ingar meðal fólks. - sv
Málverk af Ólafi Skúlasyni:
Tekið af gangi
Biskupsstofu
BISKUPAR OG PRESTUR Málverkið af
Ólafi Skúlasyni heitnum sést hér.
FRÉTTABLAÐIÐ/GVA
SPURNING DAGSINS