Fréttablaðið - 27.08.2010, Blaðsíða 8

8 27. ágúst 2010 FÖSTUDAGUR
1 Hvað heitir sóknarpresturinn
í Reykholti?
2 Tíðni kvaða annars kvilla er
mígreni talið auka?
3 Hver er nærtækasti tilgangur
lífsins að mati Ævars Kjartans-
sonar útvarpsmanns?
SVÖRIN ERU Á SÍÐU 42
Síðustu sýningardagar.
Sýningin Náttúran í hönnun í
Ljósafossstöð hefur fengið afburða
dóma og þykir með áhugaverðari
hönnunarsýningum sem settar hafa
verið upp á Íslandi.
Á sýningunni er boðið í ferðalag
um hlutbundna náttúru yfir 30
íslenskra hönnuða og skyggnst inn
í hugarheim þeirra, meðal annars
með áhugaverðum viðtölum.
Ekki missa af þessari frábæru
sýningu, síðasti sýningardagur
er næstkomandi laugardag,
28. ágúst.
Opnunartími er 13–18.
Náttúran í hönnun
er samstarfsverkefni
Hönnunarmiðstöðvar
Íslands og Landsvirkjunar.
Sýningarstjóri
Hlín Helga Guðlaugsdóttir
Nánari upplýsingar
www.honnunarmidstod.is
www.lv.is
Hallveig efh.
í Reykholti
Næstu sýningar
föstudag 27.ágúst kl.17:30
uppselt
laugardag 28.ágúst kl.17:00
lausir miðar
Miðapantanir í síma
690 1939 eða bókað í
gegnum heimasíðu á
www.hallveig.sida.is
MEXÍKÓ, AP Lík 72 manna fundust
á búgarði í Tamaulipas-héraði í
Mexíkó, rétt sunnan landamæra
Bandaríkjanna á þriðjudaginn.
Fullvíst þykir að hinir látnu hafi
verið innflytjendur frá Mið- og
Suður-Ameríkuríkjum, sem hafi
ætlað sér að komast norður yfir.
Mexíkóskur eiturlyfjahring-
ur er grunaður um að hafa myrt
fólkið.
Einn maður frá Ekvador lifði
af hildarleikinn og gat komist
við illan leik að landamærastöð á
þjóðveginum og látið þar vita um
atburðina. Hermenn héldu þegar
á staðinn og fundu þar í húsi hóp
vopnaðra manna úr eiturlyfja-
hringnum.
Til bardaga kom og féll einn
hermaður og þrír úr gengi morð-
ingjanna. Í rými þar á bak við
fundust lík 58 karlmanna og fjór-
tán kvenna.
Teresa Delagadillo, starfskona
á heimili fyrir flóttamenn í landa-
mærabænum Matamaros, Mexíkó-
megin landamæranna, segist oft
hafa heyrt sögur um að glæpa-
gengi hafi rænt fólki og misþyrmt
því til þess að fá út úr því fé.
Aldrei hafi hún þó heyrt af neinu
jafn hryllilegu og þessum fjölda-
morðum nú í vikunni.
Atburðurinn vekur athygli á
erfiðu hlutskipti fólks sem reyn-
ir að komast yfir landamærin til
Bandaríkjanna frá ríkjum Suður-
og Mið-Ameríku.
Æ fleiri fréttir hafa borist af því
að hópum þeirra hafi verið rænt.
Fólkið sé síðan þvingað til þess að
gefa upp símanúmer hjá ættingj-
um sínum, annaðhvort í Bandaríkj-
unum eða í heimalandinu. Ættingj-
arnir eru síðan krafðir um peninga
í skiptum fyrir fólkið, sem haldið
er föngnu þangað til peningar ber-
ast.
Í skýrslu mannréttindasamtak-
anna Amnesty International frá
í apríl segir að ferðaleið þessara
innflytjenda í gegnum Mexíkó til
Bandaríkjanna sé ein sú hættuleg-
asta í heimi.
Mexíkóstjórn hefur staðfest í
það minnsta sjö dæmi um hóp-
mannrán af þessu tagi það sem
af er þessu ári. Í öllum tilvikum
voru það glæpahringir sem stóðu
að mannránunum.
Mannréttindastofnunin í Mex-
íkó segist hafa upplýsingar um að
í hverjum einasta mánuði sé 1.600
manns rænt með þessum hætti,
og eru þessar tölur byggðar á frá-
sögnum sem stofnuninni bárust
á tímabilinu september 2008 til
febrúar 2009. gudsteinn@frettabladid.is
Tugir manna myrtir
sunnan landamæra
Óhugnanleg fjöldamorð í Mexíkó nú í vikunni vekja athygli á ömurlegu hlut-
skipti fólks sem streymir frá ríkjum Suður- og Mið-Ameríku í von um að kom-
ast til Bandaríkjanna. Glæpahringir ræna allt að 1.600 manns á mánuði.
VOPNABÚR GLÆPAMANNANNA Eftir skotbardagann á búgarðinum lagði herinn hald
á fjöldann allan af vopnum. FRÉTTABLAÐIÐ/AP
STJÓRNSÝSLA Ragna Árnadóttir,
dómsmála- og mannréttindaráð-
herra, hefur skipað í dómnefnd
er meta skal hæfni þeirra sem
sækja um dómaraembætti. Dóm-
nefndina skipa: Páll Hreinsson
hæstaréttardómari, sem jafn-
framt er formaður nefndarinnar,
og Stefán Már Stefánsson, fyrr-
verandi prófessor, Guðrún Agn-
arsdóttir læknir, Allan Vagn
Magnússon héraðsdómari, og
Brynjar Níelsson hæstaréttar-
lögmaður.
Þá hefur ráðherra ákveðið að
láta skoða hvort rétt sé að breyta
ákvæðum dómstólalaga, sem
kveða á um hvernig tilnefnt er í
nefndina, með hliðsjón af ákvæð-
um og markmiðum laga um
jafna stöðu og jafnan rétt karla
og kvenna.
- jss
Ráðherra skipar í nefnd:
Hæfnisnefnd
um dómara
FANGELSISMÁL Bygging nýs gæslu-
varðhalds- og skammtíma-
vistunarfangelsis verður boðin
út fyrir lok september næstkom-
andi. Dómsmálaráðherra hefur
skipað nefnd sem ætlað er að
gera tillögur að langtímaáætlun á
sviði fullnustumála.
Nefnina skipa: Hauk-
ur Guðmundsson skrifstofu-
stjóri formaður og Skúli Þór
Gunnsteinsson, lögfræðingur frá
dómsmálaráðuneyti, Anna Björg
Aradóttir, yfirhjúkrunarfræð-
ingur hjá Landlæknisembættinu,
Páll E. Winkel forstjóri og Erla
Kristín Árnadóttir, lögfræðing-
ur frá Fangelsismálastofnun,
Sigríður Friðjónsdóttir saksókn-
ari og Helgi Gunnlaugsson Ph.D.,
afbrotafræðingur og prófessor í
félagsfræði. - jss
Útboð nýs fangelsis:
Unnið að lang-
tímaáætlun
DANMÖRK Starfsfólk á skrifstofu
Sósíaldemókrataflokksins í Dan-
mörku var sett í einangrun í
nokkrar klukkustundir í gær
eftir að grunsamlegt bréf barst á
skrifstofuna.
Torkennilegt duft reyndist
vera í bréfinu og var það sett í
rannsókn. Húsinu var lokað og
mátti fólk á öðrum hæðum ekki
fara út, né heldur neinn koma inn
í húsið meðan málið var kannað.
Á endanum þótti ljóst að bréf-
ið væri hættulítið, en starfsfólkið
var engu að síður sent í bað til að
skola af sér efni sem hugsanlega
gætu verið hættuleg. Endanlegra
niðurstaðna rannsóknar á duftinu
var beðið. - gb
Starfsfólk sett í einangrun:
Grunsamlegt
bréf vakti ugg
MIKILL VIÐBÚNAÐUR Lögregla og
slökkvilið mætti í vígalegum búningum.
NORDICPHOTOS/AFP
Heitavatnslaust á mánudag
Næstkomandi mánudag, 30. ágúst,
verður gert við hitaveitustofnæð á
Húsavík. „Heitt vatn verður tekið af kl.
8.30 og verður vatnslaust fram eftir
degi. Svæðin sem verða vatnslaus eru
fyrir neðan bakka og í hluta norðurbæj-
ar,“ segir á vef Orkuveitu Húsavíkur.
HÚSAVÍK
VEISTU SVARIÐ?