Fréttablaðið - 02.09.2010, Síða 36

2. SEPTEMBER 2010 FIMMTUDAGUR6 ● fréttablaðið ● ljósanótt
Sögur og dans ráða ríkjum á
Nesvöllum á Ljósanótt. Félag
eldri borgara á Suðurnesjum
stendur fyrir sagnakvöldi í
kvöld og harmoníkuballi á
morgun.
„Ég ætla að opna sagnakvöldið
með fyrstu sögunni sem ég man
eftir að hafa hlustað á sem fjög-
urra ára snáði, en hún var stutt
og skorinort: Karl og kerling í
koti sínu áttu sér kálf, þá er sagan
hálf. Kálfurinn hljóp um víðan
völl og þá er sagan öll,“ segir Eyj-
ólfur Eysteinsson, formaður Fé-
lags eldri borgara á Suðurnesjum,
um sagnakvöldið sem frá upphafi
Ljósanætur hefur verið með vin-
sælustu viðburðum þeirrar miklu
menningarveislu.
„Á sagnakvöldi höfum við feng-
ið hina ýmsu borgara til að segja
gestum Ljósanætur sögur af
Suðurnesjum, en nú bregðum við
á það ráð að fá bara
konur til leiks því
oftast hafa sagna-
þulirnir verið
karlkyns. Þrjár
konur eru kallaðar
til: Helga Margrét
Guðmundsdóttir
verkefnisstjóri hjá
Heimili og skóla,
Oddný Harðardóttir
alþingismaður og fyrrum bæj-
arstjóri í Garði, og Sigríður Jó-
hannesdóttir kennari og fyrrver-
andi þingmaður. Allt vel þekktar
konur og skemmtilegar, en reynt
er að hafa sögurnar á léttum og
skemmtilegum nótum, þótt allt sé
leyfilegt og bæði sé um lífsreynslu-
sögur, gamlar sögur og aðrar um
allt mögulegt að ræða,“
segir Eyjólfur um
spennandi dag-
skrá sagnakvölds
sem haldið verður
í miðstöð eldri borg-
ara að Nesvöllum í
kvöld klukkan 20.
„Annað kvöld verð-
ur svo árvisst Ljósa-
nætur-harmoníkuball
á Nesvöllum þar sem Félag harm-
oníkuunnenda leikur fyrir dansi.
Á ballinu er alltaf ógurlegt stuð,
en hér er almennt mikið dans-
að og stöðugar dansæfingar hjá
eldri borgurum. Á ballinu dansa
saman allar kynslóðir; börn, ungl-
ingar og fullorðið fólk upp í gamal-
menni, og alltaf ákaflega gaman,“
segir Eyjólfur og bætir við að eldri
borgarar Suðurnesja njóti mjög
Ljósanætur.
„Ljósanótt er mikil upplyfting
og dagamunur, og ekkert nema gott
um hana að segja. Reyndar rekst
hún núna á við veiðiferð hjá mér
þannig að ég verð að yfirgefa fjör-
ið á laugardag, en frá fyrstu nótt
hef ég skemmt mér konunglega.“
- þlg
Fágætar Suðurnesjasögur
Árni Johnsen og Guðni Ágústsson voru meðal sögumanna á Sagnakvöldi Ljósanætur
á Nesvöllum í fyrra. Í ár verða bara konur sagnaþulir kvöldsins.
Klassíkinni verða gerð góð skil á Ljósanótt með fjölda tónlist-
aratriða í Duushúsum og hátíðartónleikum í Stapa. Hátíðartón-
leikarnir voru á dagskrá í fyrsta skipti í fyrra. Þeir vöktu mikla
lukku og var ákveðið að endurtaka leikinn í ár.
„Í ár eru Kvennakór Suðurnesja, Kór Keflavíkurkirkju og
Karlakór Keflavíkur meðal flytjenda ásamt sönghópnum Orfe-
us sem er skipaður einsöngvurum af Suðurnesjum eða fólki
sem tengist svæðinu á einhvern hátt,“ segir Jóhann Smári Sæv-
arsson listrænn stjórnandi tónleikanna og einn af einsöngvur-
um kvöldsins.
Efnisskráin er fjölbreytt og má nefna kórverk, íslensk
sönglög og aríur. Þá verður lokakaflinn úr Brúðkaupi Fígar-
ós fluttur með tilheyrandi búningum, leikmynd og lýsingu.
Tólf manna hljómsveit verður á staðnum og bæjarlistamaðurinn
Ragnheiður Skúladóttir leikur undir á píanó. Jóhann Smári segir klassík-
ina koma til með að óma í bland við léttari tóna.
Í Duushúsum verða tónleikar allan daginn og geta gestir og gangandi
litið við eins og hentar. Tónleikarnir eru allir hálftími að lengd en flytjend-
ur eru meðal annars kórar svæðisins, félag harmonikkuunnenda, Klassart
og tónlistarhópurinn Ivory og Ebony. - ve
Klassík og léttir tónar
● AUKASÝNING Á FERÐUM GUÐRÍÐAR
Aukasýning verður á Ferðasögu Guðríðar í Víkinga-
heimum, að Víkingabraut 1, sunnudaginn 5. septemb-
er. Ákvörðun var tekin um að bæta henni við þegar
ljóst var að uppselt er á sýninguna bæði á fimmtudag
og föstudag.
Ferðasaga Guðríðar er einleikur þar sem sögð er
saga Guðríðar Þorbjarnardóttur sem sigldi til Ameríku
í kringum árið 1000 og eignaðist þar fyrsta evrópska
barnið. Sagan fjallar um ástir, hugrekki og baráttu einnar konu fyrir því
að láta drauma sína rætast í heimi þar sem pestir, stríð og draugagangur
voru daglegt brauð. Leikkonan, Þórunn Erna Clausen, leikur allar per-
sónur verksins og bregður sér í gervi karla jafnt sem kvenna. Áhorfendur
sitja um borð í víkingaskipinu Íslendingi og fara með leikkonunni í hjart-
næmt en um leið hlægilegt ferðalag um víkingatímann. Sýningin hefst
klukkan 20 en miðasala fer fram á midi.is.