Morgunn - 01.06.1939, Page 89

MORGUNN
83
var það elskulegur drengur frá foreldrum og systkinum.
Á einum stað er það einkadrengurinn hennar mömmu, og
hún er ekkja. Á öðrum stað er það unnustinn, nýbundinn
ástarheitum o. s. frv. Mér þykir sjálfsagt, að hér séu
ýmsir inni, sem geta borið vitni um af kunnugleika eða
jafnvel eigin reynslu, hvernig huggun hefur hlotnazt
syrgjendum. — Víst er það guð sjálfur, sem gefur hana,
en hann notar alstaðar verkfæri, þjónustubundna anda,
sem höfundur Hebreabréfsins talar um, sem sendir eru í
þarfir þeirra, sem hann vill hjálpa. Verkfæri hans eru
þeir, sem eru gæddir andagáfunum og stjórnendur frá
æðri sviðum, sem gegnum þá starfa.
Ég hygg, ég veit að sá árangur, sem þannig er orðinn,
síðan félagið hóf starf sitt fyrir 20 árum, er oss öllum næg
hvöt, að enginn hugsar annað en halda áfram starfsemi,
sem svo mikla blessun hefur veitt.
Ég enda svo mál mitt á því, að endurtaka: áfram í Drott-
ins nafni og biðjum hann að hjálpa oss að efla svo mál-
efni vort, að áhrif þess nái sem víðast með huggunar-
krapti sínum og trúarstyrk og þrek í baráttunni.
Ég vil aðeins bæta því hér við, að ef til vill hafið þér,
kæru áheyrendur, eða einhverjir af yður búizt við, að ég
nefndi eitthvað af þeim sporum, sem vér þurfum að stíga
helzt á hinum næsta áfanga, hinu nýja ári, sem vér nú
hefjum. Ég gjöri ráð fyrir, að margir verði til að koma
með ráð og bendingar um það og það verði sjálfsagt um-
hugsunar- og umtalsefni vort á næstu fundum og fram-
vegis.
Ég hugsa mér, að við sýnum ekki bezt áhuga okkar og
komumst lengst „áfram“ með því að koma með ný starfs-
atriði, þó að það sé auðvitað gott, heldur fyrst og fremst,
að leggja rækt við hin sömu gömlu atriði og sömu stefnu.
Nefni ég til þess fyrst tímarit félagsins, Morgunn. —
Hversu sem skipast nú um ritstjórn framvegis, eftir þá
ágætu, sem verið hefur, þá mun styrkur félagsins verða
6*