Kylfingur - 29.04.1986, Blaðsíða 12
DOMARAHORNIÐ
Ein er sú golfregla, sem kylfingar,
er leika á Grafarholtsvelli, þurfa
hvað oftast að gripa til, en það er
regla 28, sem fjallar um ósláanlegan
bolta. Því fer þó fjarri, að við séum
þeir einu, sem þurfum að leika golf
við þær aðstæður, sem þar eru, ef
bolti lendir utan brautar. Bob Hope
Classic er atvinnnumannamót, sem
haldið er fyrst í janúar ár hvert í
Palm Springs í Californiu. Mótið er
leikið á fjórum völlum, sem allir eru
í eyðimörkinni og fjöllunum í aust-
anverðri suður Californiu. Á mörg-
um þessum völlum er ,,rough“ engu
betra en á Grafarholtsvelli. Einn
þessara valla, La Quinta, var nýlega
kjörinn einn af 100 bestu völlum
Bandarikjanna og þar fóru úrslitin
fram í World Cup í nóvember sl. Á
mörgum þeim völlum, sem lagðir
eru á eldfjalla- og eyðimerkursvæð-
um, eru aðstæður oft keimlíkar því,
sem við eigum að venjast á Grafar-
holtsvelli. Því má segja, að regla 28,
um ósláanlegan bolta, sé ein af þeim
reglum, sem kylfingar ættu að hafa
vel í minni og vita, hvernig nota skal.
Reglan segir, að leikmaður megi
dæma bolta sinn ósláanlegan hvar
sem er á vellinum, nema i vatnstor-
færu, enda gildir þar önnur regla.
Þá er tekið fram að leikmaðurinn sé
einn dómbær um það, hvort bolti
hans sé ósláanlegur. Hvað getur
hann þá gert, ef hann dæmir boltann
ósláanlegan? Það fyrsta, sem hann
verður að muna er, að ef hann ætlar
að beyta þessari reglu kostar það
hann alltaf 1 vítishögg. Gegn þvi að
láta af hendi 1 vítishögg fær hann þó
að velja um þrjá möguleika til að
bjarga sér, en þeir eru:
a) slá næsta högg sitt eins nærri
og unnt er þeim stað, þar sem
hann sló síðast eða hreyfði
upphaflega boltann,
b)láta bolta falla innan tveggja
kylfulengda frá þeim stað, þar
sem boltinn lá þó ekki nær holu,
c) láta bolta falla handan við
þann stað þar sem boltinn lá,
þannig að sá staður sé i beinni
línu milli hans og holunnar, en
án takmörkunar á þvi, hversu
langt handan við þann stað
boltinn er látinn falla.
Á þessu er ein undantekning, og
það er, ef boltinn hefur legið í
glompu eða bunker, þá má leikmað-
urinn eftir sem áður beita a-lið þess-
arar reglu en ekki b og c-lið, nema
með því skilyrði, að hann láti bolt-
ann falla í glompuna.
í dómasafni St. Andrew’s og
USGA eru 14 dómar varðandi þessa
reglu. í nokkrum þessara dóma er
tekið upp það atriði, sem þessi regla
á sameiginlegt með reglu 27, um
týndan bolta, sem er eins og menn
vita, að samkvæmt reglu 27 verður
leikmaður að fara til baka, þar sem
hann sló bolta sinn síðast, og láta
hann falla þar gegn vítishöggi, en
skv. reglu 28 er leikmanni heimilt
sem eitt úrrœði af þremur að fara
aftur til baka. Þess vegna má leik-
maður, sem slær bolta sinn af teig
langt inn í skóg eða niður í djúpt gil
lýsa hann ósláanlegan, án þess að
finna hann, ef hann fer að skv. val-
möguleika a (högg og fjarlægð).
Hann má hins vegar ekki nota reglu
28, ef hann slær bolta sinn niður í
gil, slær siðan varabolta þangað líka
og segist svo vilja lýsa báða boltana
ósláanlega og slá þriðja boltann af
teig. Það er vegna þess, að varabolt-
inn er ekki í leik, fyrr en fyrsti bolt-
inn er sannanlega týndur eða vara-
boltanum hefur verið leikið. Ef
fyrsti boltinn finnst verður að leika
honum eða fá lausn skv. reglu 28, en
varaboltinn verður þá aldrei bolti í
leik. Ástæðan fyrir þessu er sú, að
varabolta má aldrei leika, nema ef
sterkur grunur leikur á, að upphaf-
legi boltinn sé annað hvort týndur
eða útaf. Þvi má ekki leika vara-
bolta, ef nota á reglu 28 um ósláan-
legan bolta.
Rétt er að minna menn á að vanda
sig vel, þegar valinn er staður sá, sem
þeir ætla að láta boltann falla á.
Þetta á sérstaklega við, þegar golf er
leikið í landslagi eins og á Grafar-
holtsvelli. Nýja reglan um hvernig
láta skuli boltann falla, þ.e.a.s. með
útréttri hendi hefur þó auðveldað
þetta til muna miðað við það að láta
boltann falla fyrir aftan bak. Um
leið og hvatt er til að velja vel staðinn
til að láta boltann falla á skal á það
bent, að ef bolti, sem þannig er lát-
inn falla úr ósláanlegri legu fer i aðra
ósláanlega legu, verður leikmaður-
inn að taka víti aftur úr þeirri legu.
Ef boltinn fellur hins vegar til baka
í sömu ósláanlegu legu og leikmað-
urinn lét hann upphaflega falla úr
má hann endurtaka droppið víta-
laust. Einnig skal mönnum bent á að
hugsa sig vel um og vanda val sitt, er
þeir velja úr þeim þremur möguleik-
um, sem fyrir hendi eru, er þeir lýsa
bolta sinn ósláanlegan. Svo getur
farið, að þegar þeir reyna að slá
bolta sinn úr vondri legu, slái þeir
hann í enn verri legu. Þá hafa þeir í
raun tapað einum valmöguleikka af
þremur, nefnilega að fara aftur á
sama stað, því að sá staður yrði stað-
urinn, sem þeir reyndu að slá úr.
Dæmi:
Leikmaður slær bolta af fyrsta
teig niður í grjótið á milli fyrstu og
annarrar holu. Boltinn liggur við
stein, en leikmaðurinn telur sig
geta reynt að slá hann þaðan. Við
höggið lendir boltinn i holu við
annan stein 2 metra frá. Nú hefur
leikmaður um 3 möguleika að
ræða, skv. reglum: Að fara til
baka að fyrra steininum og má
segja, að það sé enginn valmögu-
leiki, þannig að leikmaðurinn hef-
ur nú minnkað möguleika sína úr
þremur í tvo, þ.e.a.s. að droppa
innan tveggja kylfulengda frá
þeim stað, sem boltinn liggur eða
fara aftur eins langt og han vill i
línu á flaggið.
Þegar talað er um að fara aftur til
12
KYLFINGUR