Kylfingur - 29.04.1986, Qupperneq 18

AF SJONARHOLI
ÆSKUNNAR
Sl. haust birtist í kylfingi fyrri
greinin í þessum greinarflokki um
afstöðu unglinganna sjálfra til
unglingastarfsins á íslandi. í fyrri
greininni birtust ýmsar hugmyndir
um, hvernig væri hægt að bæta ann-
ars mjög gott unglingastarf. Þar á
meðal var hugmynd að sveitakeppni
unglinga, sem mér (og ég vona flest-
um unglingum á íslandi líka) var
mikið kappsmál að fá. Einnig kom
fram í greininni hugmynd um sér-
stakan ,,kaftein“, þ.e.a.s. fyrirliða,
sem sæi alfarið um unglingalands-
liðsmálin og hefði hann tvo menn sér
til aðstoðar. Væri æskilegt að þessi
,,kafteinn“ væri reyndur meistara-
flokksmaður, jafnvel landsliðs-
maður, sem gæti miðlað af reynslu
sinni til okkar unglinganna.
Það varð mér mikið ánægjuefni,
er það fréttist, að Golfþingið í febr-
úar ætti að vera tileinkað unglinga-
málum. Ekki minnkaði ánægjan er
ég frétti um niðurstöðu þess. Ég tel,
að þar hafi verið stigið stórt skref í
átt til framfara.
Á Golfþinginu, sem haldið var í
Reykjavík þann 15. febrúar, sýndi
framkvæmdastjóri Golfklúbbs
Reykjavíkur, Björgúlfur Lúðvíks-
son, enn einu sinni að hann hefur
hjartað á réttum stað, er hann, í
nafni unglinga á íslandi, lagði fram
nær óbreyttar úr fyrri greininni, til-
lögur um sveitakeppni unglinga og
,,kaftein“ fyrir unglingalandsliðið.
Það er skemmst frá þvi að segja, að
þær voru báðar samþykktar i nánast
óbreyttri mynd frá tillögunum.
Mig langar nú að gerast svo djarf-
ur að nefna hér helstu atriði sam-
þykktarinnar:
Sveitakeppni unglinga
Hún skal haldin ár hvert, og Golf-
þing ákveður, hvar og hvenær hún
fer fram. Aldur keppenda skal vera
21 ár og yngri, miðað við almanaks-
ár. Hver klúbbur má senda tvær
sveitir til keppni. Fyrsta daginn skal
leika 36 holu höggleik, til röðunar
sveita í riðla. Hver sveit skal mest
skipuð 4 leikmönnum. Samanlögð 3
bestu skorin skulu telja sem skor
sveitar í hvorri umferð. Samtals skor
beggja umferða ræður röð sveita.
Verði sveitir jafnar skal skor 4.
keppanda ráða úrslitum. Nægi það
ekki skal samtals skor allra fjögurra
keppendanna gilda á síðustu holu.
Síðan skal telja tvær síðustu og sið-
an koll af kolli uns úrslit fást. Riðla-
skipting ákvarðast af þátttöku, en
mest verða 8 sveitir í A-riðli. Annan
til fjórða daginn skulu sveitirnar
leika innþyrðis í riðlunum, holu-
keppni, 2 fjórmenninga (foursomes)
og 3 tvímenninga (singles) um end-
anlega röð sveita i keppninni. Sigur-
sveitin hlýtur titilinn íslandsmeistari
í Sveitakeppni unglinga. Sveitin skal
fá farandgrip til varðveislu og bikar
til eignar. Allir keppendur og liðs-
stjórar sveita í 3 fyrstu sætunum
skulu fá eignarverðlaun. Að öðru
leyti gildir reglugerð um Landsmót í
golfi. Reglugerð þessa skal endur-
skoða á næsta Golfþingi með það í
huga, að tekin verði upp aldurs-
flokkaskipting í Sveitakepninni.
Reglugerðin er í samræmi við reglu-
gerð EGA um sveitakeppni Evrópu,
nema sveitir eru skipaðar færri leik-
mönnum.
U nglingalandsliðsmál
Golfþing ákveður að hrinda beri í
framkvæmd stórátaki í málefnum
unglinga i golfi með það að mark-
miði, að framtíðarlandslið Islands i
golfi nái mun betri árangri en hingað
til.
Til þessa verkefnis verði ráðinn
einn aðili, launaður, sem hafi frjáls-
ar hendur um framkvæmd þess.
Hann geti kallað til aðstoðarmenn,
og stjórn G.S.Í. og framkvæmda-
stjóri aðstoði hann eftir því sem
hann æskir og tök eru á. Forseti
G.S.Í. skal annast ráðningu hans og
hafa eftirlit með störfum hans og
greina síðan Golfþingi frá fram-
gangi verkefnisins. Lágmarksupp-
hæð, sem veitt sé til verkefnisins
árlega, sé kappleikjaskattur G.S.Í.
eða sambærileg upphæð.
Kappleikjaskattur G.S.Í. árið
1985 var rúmlega 400.000 kr. og
hann er áætlaður tæplega 600.000
kr. sumarið 1986.
Með slika upphæð gefast óneitan-
lega miklir möguleikar og þar á
meðal sá möguleiki, að ísland kom-
ist ofar í keppninni við aðrar þjóðir
og nái því takmarki, sem að sjálf-
sögðu er draumur okkar Islendinga:
Að verða besta golfþjóð á Norður-
löndum.
Einnig er ráðgert að hinn frábæri
golfkennari, John Drummond,
muni aðstoða landsliðshópinn eftir
getu og mætti.
Ég vil fyrir hönd unglinga i G.R.
þakka stjórn G.R. og Golfþingi
G.S.Í. fyrir þá umhyggju, sem þeir
hafa sýnt íslensku unglingagolfi.
Sérstaklega vil ég þó þakka Björg-
úlfi Lúðvíkssyni, framkvæmda-
stjóra G.R. fyrir að flytja erindi
okkar unglinganna á Golfþinginu.
Hann hefur greinilega trú á því, eins
og reyndar margir aðrir, að við ungl-
ingarnir getum náð árangri á alþjóð-
legum mælikvarða, en sá árangur
næst aðeins með þrotlausum æfing-
um og reglusemi.
Strdkar: Nú hefur fyrsta skrefið
af langri göngu verið stigið, nú er
okkar að taka við og þakka fyrir
okkur á þann eina hátt sem við get-
um: með því að standa okkur.
Með Golfkveðju
Gunnar Snævar Sigurðsson.
18
KYLFINGUR