Kylfingur - 29.04.1986, Side 32
Sveitin i fullum herklsAum: Leifur, Jens, John og Lúðvfk.
PRO-AM Á SPÁNI
Klukkan var 8 að morgni 15. febr-
úar, þegar flugvélin hóf sig til flugs
með Glasgow að áfangastað, en
þaðan átti að fljúga til Malaga og
taka þátt í árlegri Pro-Am keppni. í
förinni voru auk mín, John Drum-
mond, Jens Jensson og Sigurbjörn
Leifur Björnsson. Það var mikill
ferðahugur í mönnum og lítið talað
eða hugsað um annað en golf á leið-
inni. í Glasgow var frost og því ekki
útlit fyrir, að hægt væri að nýta bið-
tímann til golfiðkunnar. En leigubíl-
stjóri, sem keyrði okkur frá flugvelli
að hótelinu, fullyrti, að ákveðinn
golfvöllur stutt frá, væri opinn.
Hann var auðvitað tekinn á orðinu
og var ákveðið að láta kuldann ekki
á sig fá. Eftir að búið var að skipta
um föt var farið út á golfvöll. Þegar
þangað var komið var byrjað að
snjóa, og þrátt fyrir að við værum
frá landi ,,elds og ísa“ var ákveðið
að byrja á að fá sér að borða. Að því
loknu hafði ekki stytt upp ,en ekki
kom til greina að sleppa golfinu,
þannig að farið var út á yfirbyggða
æfingabraut og tekið til við æfingar.
John var í þvi að leiðbeina okkur
hinum og reyna að bjarga því sem
hægt var. Þarna úti á æfingabraut
voru margir kylfingar. Vöktum við
töluverða eftirtekt, líklega vegna ís-
lenskunnar, og hins að við þrír vor-
um á ferðalagi með einkagolfkenn-
ara með okkur. Eftir mörg högg og
mikinn slátt var haldið aftur á hótel-
ið, en kl. 4.00 um nóttina var flogið
frá Glasgow.
Til Malaga var komið kl. 10.00
um morguninn, þar beið bílaleigu-
bíll, en klukkutíma ferð var frá flug-
vellinum að hótelinu. Nú var komin
spenna í mannskapinn og mikil eftir-
vænting eftir að fá að spila golf.
Þegar rennt var í hlað voru dyr bíla-
leigubilsins nánast sprengdar upp i
ákafanum við að komast út. Eftir að
skipt hafði verið um föt var farið út
á golfvöll, og heitir hann E1 Paraiso,
þar var mestum hluta dagsins eytt
við æfingar og golfleik.
Fyrirkomulag þessarar Pro-Am
keppni er þannig, að í hana skrá sig
fjögra manna lið. Að þessu sinni
hafði 31 lið eða 124 einstaklingar
skráð sig til þessarar keppni, flest
liðin komu frá Englandi. Sam-
kvæmt reglunum töldu tveir bestu
boltar hvers liðs. Spilað var með
þremur fjórðu forgjöf, þannig að
okkar forgjöf var 14 -14 -15 og auð-
vitað 0 hjá John. Samhliða þessari
keppni var haldin einstaklings-
keppni milli atvinnumannanna.
Spila átti 54 holur á þremur mismun-
andi golfvöllum, og var alltaf einn
æfingadagur á undan keppnisdegi á
hverjum stað.
32
KYLFINGUR