Fréttablaðið - 24.11.2010, Blaðsíða 14
14 24. nóvember 2010 MIÐVIKUDAGUR
DÝRAHALD Tillögur að endurbótum
á dýraverndunarlögum verða lagð-
ar fram fyrir lok þessa árs og unnið
hefur verið að málaflokknum síðan
árið 2006. Núverandi dýraverndun-
arlög á Íslandi eru síðan árið 1994.
Kristinn Hugason, formaður
nefndar um endurbætur á dýra-
verndunarlögum hjá sjávarútvegs-
og landbúnaðarráðuneytinu, telur
löngu tímabært að endurskoða
núverandi lög og segir Ísland á
eftir hinum Norðurlandaríkjunum
hvað varðar dýravelferð.
„Það leikur ekki nokkur vafi
á því að við erum á eftir hinum
Norðurlandaþjóðunum,“ segir
Kristinn. „En íslensk þjóðmenning
er þó þannig vaxin að það er talið
til mannkosta að fólk umgangist
dýr af virðingu og velsæmi.“
Kristinn segir lagaumhverfið hjá
nágrannaþjóðunum mun þróaðra en
hér á landi. Nauðsynlegt sé að fara
ofan í saumana á þeim lögum sem
varða dýravernd og búfjárrækt til
þess að gera landið samstiga hinum
Norðurlandaríkjunum.
„Landbúnaður hefur verið tækni-
væddur í stórum stíl í nágranna-
ríkjum okkar og Íslendingar eru
á eftir á mörgum sviðum hvað það
varðar,“ segir Kristinn. Hann segir
endurbætur á lögum munu skýra
málaflokkinn betur og hugsanlega
halda honum innan eins ákveðins
ráðuneytis.
„Við höfum lent í því að ef mis-
brestur verður í dýravelferð getur
verið erfitt að grípa inn í vegna
þess að málaflokknum hefur verið
skipt upp á milli ráðuneyta. Teng-
ing á milli umhverfis og ábyrgð-
ar hefur verið óljós,“ segir Krist-
inn. Með nýju lögunum sé verið
að tryggja aukna skilvirkni ásamt
því að viðurlög og refsingar verði
skýrari. sunna@frettabladid.is
Dýraverndunarlögin úrelt
Unnið er að breytingum á dýraverndunarlögum. Lögin eru frá 1994. Ísland er langt á eftir hinum Norður-
löndunum hvað varðar dýravelferð. Nefnd leggur drög að lagabreytingum fyrir ráðherra fyrir lok árs.
GRÍSIR Í SVÍNABÚI Talið er að Ísland sé
langt á eftir nágrannaríkjunum hvað
varðar dýravelferð og meðferð á dýrum í
búfjárrækt. FRÉTTABLAÐIÐ/HARI
HJÓLASTÓLAFALLHLÍFASTÖKK Hópur
ofurhuga fór í fallhlífarstökk í vikunni
til að kynna sýningu sem kallast Nitro
Circus.
NORDICPHOTOS/GETTY IMAGES
Dró bát í land
Varðskipið Ægir dró í fyrrinótt bátinn
Guðrúnu BA 127 til hafnar á Rifi eftir
að hann varð vélarvana um fjórar
sjómílur SSV af Látrabjargi. Kom Ægir
með bátinn að bryggju um klukkan
níu í gærmorgun. Haft var samband
við LHG vegna olíuleka sem hafði
komið upp um miðnætti. Ekki var
hægt að sinna viðgerð á sjó og ósk-
aði því skipstjóri eftir aðstoð. Engin
hætta var á ferðum enda veður gott á
þessum slóðum.
ÖRYGGISMÁL
Misgóð meðferð á svínum á búum landsins
Sigurborg Daðadóttir, dýralæknir og formaður dýraverndarráðs, segir breyt-
ingar á dýraverndunarlögum brýnar. Hún tekur undir orð Kristins með að
skilvirkni í núverandi lögum sé ábótavant.
„Þau hafa verið í endurskoðun síðan 2006 þegar Dýralæknafélagið og dýra-
verndarráð skoruðu á þáverandi ríkisstjórn að láta endurskoða þau,“ segir
Sigurborg. Hún segir málið nú á lokasprettinum og verið sé að horfa á lögin
út frá velferð dýranna.
„Í dag er bannað fara illa með dýr. Í framtíðinni verður skylda að fara vel
með dýr. Við erum að horfa á dýravelferð út frá siðferði mannsins,“ segir
hún.
Sigurborg sagði í samtali við Vísi að dæmi væru um í stærri svínabúum
landsins að karlkyns grísir væru geltir án deyfingar eða verkjastillingar.
„Þetta tíðkast hér á landi. Einnig nefndi hún dæmi um að rófur og tennur á
grísum væru styttar til þess að koma í veg fyrir að þeir nöguðu rófurnar hver
á öðrum. Slíkt verði að koma í veg fyrir, meðal annars með endurbættum
lagasetningum.