Fréttablaðið - 24.11.2010, Síða 17
MIÐVIKUDAGUR 24. nóvember 2010 17
AF NETINU
Lýðræðisleg þátttaka
Samhliða því að opna fyrir að
almenningur geti krafist þjóðarat-
kvæðagreiðslu, þarf að tryggja að
þær endurspegli þjóðarvilja með
því að tilgreina lágmarksþátttöku
þannig að háværir eða valdamiklir
minnihlutahópar geti síður mis-
notað þær. Hér þarf stjórnlagaþing
að horfa til þeirra fyrirmynda sem
best hafa reynst annarsstaðar.
Vísir.is Ágúst Hjörtur Ingþórsson
Forseti til endurskoðunar
Ákvæði núverandi stjórnarskrár um
forsetaembættið þarf að endur-
skoða enda eru þau arfleifð fyrri
tíma. Forsetaembættið á að mínu
mati að vera sameiningartákn
þjóðarinnar, en valdalítið og ópól-
itískt. Embættistíma forseta ætti
helst að takmarka við tvö kjör-
tímabil. Mér finnst afar mikilvægt
að náttúruauðlindir verði lýstar
sameign þjóðarinnar og að þær
beri að nýta á sjálfbæran hátt.
Vísir.is Helga Sigurjónsdóttir
Kjósum þrátt fyrir galla
Frambjóðendur fengu mjög
stuttan frest til að bjóða sig fram,
og einnig er mjög skammur tími til
kynna sér þau fjölmörgu framboð
sem komu fram. Alþingi á heldur
ekki að fjalla um niðurstöðuna.
Alþingi er ekki lýðræðislega kosið,
kjósendum er mismunað eftir
búsetu og atkvæði þeirra bundin
við flokkslista. Nýja stjórnarskrá á
að leggja beint fyrir þjóðina.
En ég fór samt í sendiráðið og
kaus. Það er margt gott fólk í
framboði sem staðið hefur utan
við gamla, spillta kerfið.
Vísir.is Sveinn Valfells
Það er kannski til merkis um að við séum að gera eitthvað
rétt þegar enginn er ánægður,
Sjálfstæðismönnum þykir vitl-
eysa að hækka framfærsluna en
kjósa samt ekki gegn henni eins
og sannfæring þeirra virðist
vera fyrir, það þykir mér und-
arlegt, hjásetan býður svo sem
upp á þetta en er í þessu tilfelli
bara leið til að forðast að taka
erfiða ákvörðun og standa með
eigin gildum. Gegn hagsmunum
þeirra sem hafa minnst til fram-
færslu hér á landi.
Vinstri grænir aftur á móti
eru afar ósáttir við að við hækk-
um ekki meira, við athuguðum
það og urðum að hverfa frá því
í bili, en minnum á að kjörtíma-
bilið er 4 ár svo það er enn tími.
Mér þykir gagnrýni vina
minna í minnihlutanum bæði
máttlaus og rökþrota og bera
keim af gamaldags vinnu-
brögðum.
Fulltrúi Vinstri grænna talar
um svik og notar stór orð um
undirheimaveröld skilnaða og
allskyns gífuryrði, þess ber
þá að geta að afar fá hjón eru á
framfærslu fyrir og hefur nú
hagur þeirra sem eru giftir eða
í sambúð heldur vænkast. Við
erum ekki 6 mánuði að svíkja
málefnasamning Besta flokks-
ins og Samfylkingarinnar, við
þurfum nú alveg heil fjögur ár
í það. Skoðum það þegar upp
verður staðið.
Annað sem truflar mig veru-
lega í þessu: af hverju dettur
stjórnmálamönnum það í hug
að ætla almenningi almenn
óheilindi og leti? Af hverju gera
stjórnmálamenn ráð fyrir því að
þorri fólks fari að svindla, skilja
og svíkja þessar greiðslur? Af
hverju telja stjórnmálamenn það
gefinn hlut að hvati til starfa
hverfi ef bætur eða lágmarks-
framfærsla (með afar kúnstug-
um útreikningum) eru nálægt
lægstu launum? Af hverju ætla
menn Íslendingum leti og eigin-
girni að því marki að við förum
öll að hafa áhyggjur af eigin vel-
ferð og hættum að vinna þegar
bætur lagast?
Væri ekki nær fyrir þá stjórn-
málamenn sem hafa starfað í
þessu öll þessi ár að líta á það að
lægstu laun og bætur þeirra sem
minnst hafa eru skammarlegar
og ekki til að lifa mannsæmandi
lífi af? Er það ekki þeirra arf-
leifð? Eru umtöluð svik ekki nær
heimahögunum?
Raðir fólks í hundraðatali í
bið eftir mat eru dapurleg sjón
og við í meirihlutanum viljum
bregðast með þessari hækkun
við neyð þeirra sem minnst
hafa á milli handanna og eru
á framfærslu borgarinnar, við
lítum svo á að við séum að taka
ábyrgð á okkar hluta í félags-
legri aðstoð. Þó að við gerum
okkur grein fyrir að meira þurfi
til að koma.
Ég og aðrir í millilaunaflokkn-
um (þeir sem eru með þetta 250
til 400 þúsund á mánuði sem
gerir upp stóran hluta fólks á
þessu landi) sem samanstend-
ur af okkur iðnaðarmönnunum
og kvenhluta háskólamenntaðra
megum ekki láta nota okkur til
að halda þeim sem lægstir eru
fyrir neðan okkur í einhverju
óttakasti.
Útreikningar þeir sem birst
hafa upp á síðkastið í fjölmiðlum
eru einhliða til að sýna fram á
ýktustu tilfellin um framfærsl-
una og útreikninga hennar. Stað-
reyndin er sú að flestir eru á
þessu tímabundið þó að dæmum
hafi eitthvað fjölgað sem eru
þarna inni lengur, fyrir þá vilj-
um við gera aukin virknitilboð
og hvatningu til að komast sem
fyrst aftur út að vinna.
Þessi dæmi sem ég segi frá
hér að framan gera ekki ráð
fyrir skerðingum vegna launa
fyrr á árinu og skerðingu húsa-
leigubóta. Það er þó tilfellið
hjá afar mörgum þó að það sé
ekki algilt. Dæmi um einstæðar
mæður og að taka meðlag inn
í reikninginn sem bæði tekju-
skerðingu og tekjur er svo mjög
hæpið þykir mér.
Flest lærum við og vinnum
við eitthvað af ástríðu eða köll-
un vil ég vona, ég er matreiðslu-
maður af því að mér finnst
það gaman og ég vil gefa fólki
góðan mat, hvort að öryrki hafi
sömu eða næstum sömu laun
og ég (sem hann hefur) hefur
engin áhrif á mitt vinnufram-
lag eða vilja til að vinna. Þannig
eru íslendingar upp til hópa,
vilja vinna og hafa markmið og
stefnu með lífi sínu. Ég treysti
því og þannig þekki ég mitt fólk,
ekki sem svindlandi letingja
sem óttast bara eigin hag.
Þá eru jákvæð teikn á lofti
þar sem fólki á fjárhagsaðstoð
hefur eitthvað fækkað með
haustinu og ég persónulega er
bjartsýnn á framhaldið. Tel ég
að bæði efnahagslífið og hið
opinbera taki vel við sér á nýju
ári þó að einhver dýfa verði í
atvinnuleysi yfir veturinn … ég
kýs að lifa í hinum besta heimi
allra heima að hætti Birtíngs og
trúa að allt fari á besta veg …
þó að á köflum virðist allt erf-
itt og einskis nýtt … en ég og
meirihlutinn í borginni erum
engan að svíkja svo það sé á
hreinu.
Þökkum allan daginn og
biðjum ekki um neitt.
Gleðiefnið hækkun framfærslu í Reykjavík
Félagsþjónusta
Ágúst Már
Garðarsson
varaborgarfulltrúi
Besta flokksins
og varaformaður
velferðarráðs
Af hverju dettur stjórnmálamönnum
það í hug að ætla almenningi almenn
óheilindi og leti? Af hverju gera stjórn-
málamenn ráð fyrir því að þorri fólks
fari að svindla … ?
Nýr Volkswagen Polo hefur svo sannarlega slegið í gegn á árinu 2010.
Fyrir utan að vera mest seldi bíll landsins á árinu var hann valinn Alheimsbíll
ársins og Bíll ársins í Evrópu. Polo 1.6 TDI vann líka sparaksturskeppni Atlantsolíu
og fór 100 km á aðeins 2,93 lítrum. Það gerist einfaldlega ekki betra. Nýttu þér
hagstætt verð og njóttu allra kosta verðlaunabílsins Volkswagen Polo!
Das Auto.
BÍLAÁBYRGÐ HEKLU - Nýr VW Polo fæst með allt að fimm ára ábyrgð
2010. Besta árið fyrir Polo.Nýr Polo kostar aðeins
2.390.000 kr.
*Polo Trendline 1.2 MPI, 70 hestöfl, beinskiptur.
Aðeins 27.232 kr. á mánuði miðað við bílasamning
SP Fjármögnunar til 84 mánaða með breytilegum
vöxtum og 30% útborgun. Árleg hlutfallstala
kostnaðar er 10,39%.
www.volkswagen.is