Fréttablaðið - 21.01.2011, Side 24

Letin lætur stundum á sér kræla á föstudögum og ekki nenna allir að
standa í stórræðum í eldhúsinu eftir langa vinnuviku. Á pantamat.is
er hægt að panta mat frá fjölmörgum veitingastöðum. Þjónustan er
ókeypis og er bæði hægt að fá heimsent og sækja.
„Hér höfum við byggt upp kram-
búð eins og þær voru á fyrri hluta
síðustu aldar og safnað saman
ýmsu sem var verslað með á þeim
tíma,“ segir Sigurður Helgi Guð-
mundsson, framkvæmdastjóri á
Hjúkrunarheimilinu Eir í Grafar-
vogi, sem er að ljúka við að stilla
upp vörum. „Svo koma íbúarnir í
smá hópum að skoða, hlusta á fróð-
leik og fá sér hressingu, þjóðlega
bita og jafnvel snafs. Þá lifnar yfir
mörgu andlitinu.“
Sigurður segir hefð fyrir því að
setja upp leikmynd í fræðslustofu
heimilisins á þorranum til að lífga
upp á þennan árstíma. „Leikmynd-
in minnir fólk á eitthvað frá gam-
alli tíð, það er nú oft það sem lengst
situr í huga eldra fólks. Við byrjuð-
um á að setja upp baðstofu, næsta
ár var það baðstofa og skemma og
þriðja árið sjóarhús og hjallur.“
Þarna grípur blaðamaður fram í
og spyr í fávísi hvað sjóarhús sé.
Ekki stendur á fræðslunni. „Sjó-
arhús eru skemmur sem geyma
verkfæri tengd sjó. Það orð lærði
ég ekki fyrr en ég kom austur á
firði en þar er það algengt.“ Í fyrra
segir Sigurður Helgi hafa verið
sett upp apótek á Eir og minnist
orða eins íbúans. „Nú, þetta er
bara alveg eins og apótekið hjá
honum Kalla á Húsavík.“
Þetta er í annað sinn sem kram-
búðin er sett upp. Hún hefur
hvílt sig uppi á háalofti í tvö ár.
Sigurður segir starfsfólk heimil-
isins leggja fram vinnu og muni,
því ekkert megi framkvæmdin
kosta. „Við leituðum á
náðir safna í borg-
inni fyrsta árið en
það er heilmikið
mál og við höfum
ekki gert það oftar
heldur sníkjum eitt
hér og annað þar.“
Þeir sem sjá um
daglegt tómstunda-
starf heimilisins halda
uppi stemningu í krambúð-
inni á þorranum, að sögn
Sigurðar Helga, og einnig kemur
eldra fólkið oft með innlegg í dag-
skrána þegar minningarnar vakna.
„Þegar barnabörnin koma í heim-
sókn á þorranum fer eldra fólk-
ið með þau í fræðslustofuna að
sýna þeim hvernig hlutirnir
voru þegar það var ungt
svo þessu uppátæki fylg-
ir mikið líf,“ lýsir Sigurð-
ur Helgi og bætir við að
lokum. „Vissulega er mikið
haft fyrir en leikmyndirn-
ar hafa líka skilað mörgu
gleðibrosi.“
gun@frettabladid.is
Minningar vakna þegar
mætt er í krambúðina
Íslendingar taka upp á ýmsu skemmtilegu til að þreyja þorrann. Á Hjúkrunarheimilinu Eir í Grafarvogi er
jafnan sett upp leikmynd sem minnir á gamla tímann. Þetta árið er þar vegleg krambúð.
„Svo koma íbúarnir í smá hópum, hlusta á fróðleik og fá sér hressingu, þjóðlega bita
og jafnvel snafs,“ segir Sigurður Helgi. FRÉTTABLAÐIÐ/STEFÁN
ÚTSALA ÚTSALA ÚTSALA
Auglýsingasími